ISAIA 20:2 - ASII LAKDAP Bible (BSI)

² Armaq wiitsam kongkhu na Tatiwe raq Amoj se Isaia ma ahokpa sendel kra nai adü na wunthaü riinaü kheatong samtlaq kra chhut baiqlaq nguta chongto. Kiimaq apaiq raq kra aming ka taito. Raüta apaiq ka kheahü maq siikumkum kiimaq hokpa ahü maq hoksii maq khumto.

Hawa Naga Bible 2001

² Yehowa rueq wawc thuimx tvluz nuex Amoza saz Esaia muex piq jotac htenc nuiyc piq rueq svmx yaq ruiyhec khvy kuex put gay tvkoc nvr tueq. Piq rueq kvruex phvnx vtueq sawkumx, jotac paungc muq maq kvroz khuemx shamx tueq.

ISAIA 20:2 Referencias Cruzadas

2 SAMUEL 15:30

Dawit ka Olip Pero Hiqlam lamha kra düwan lam maq apaiq ka aho anyi wawanto. Ahok na hokpa min ahü maq wawanto. Kiimaq tsanbi tiichhi akhu ka khea maq pang raüta wato. Kiimaq apaiq jai phanti tarü raq tsangshiq ka khu ka khea maq pang raüta siisaq aho anyi lam maq siisaq wawanto.

2 SAMUEL 6:20

Kra jaqsham lot jai she Dawit ka ajam na achak asetiim ma ramtii-bokke wan she wato. Apaiq saü wan kiita Maikel ka tapmong maq kinphai na apaiq rai riihumkai dongkito. Raüta, “Israilnok hokhamwe raq ümchaü ranaiq apaiq mang ka jonghea tiidongto!” nguta kriinyung raq nguto. “Apaiq ka khuhü kheahü maq angok angiwe ikha, asengi jaqshisekong jechakse re man na wiinum neasiqto!”

2 HOKHVMX 1:8

“Apaiq khea ka ngamkhii maq ataq samtong jongkaü samraü riito. Raüta kriithaq na ngamkhii shinket paraü riito,” nguta tsangshiq raq treto. “Ikhla apaiq ka Elija” nguta hokhamwe raq kiinyiikhiq treto.

Tvtsvmc 30:11

Ümniiraq ngi jümii ka polokhiq wiinumsea miishe tiijakuq laü; ümniiraq ngi jonjü ka lambaiq laü she, laüta ngi ma chochi rilung she kuq laü.

DUNGWVNC 3:5

Shiikeawe raq nguto, “Naptohea na naq warai kiq she. Ümhok kop wiinai kra chhut baiqlaq. Jamkhano ngukla ümniika asii hiq ba na chaptlaü.

ISAIA 1:1

Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

ISAIA 13:1

Arka Bebilon mungti miitu tsütsa, Amoj se Isaia ma Shiikeawe raq atiichongho.

ISAIA 37:2

Apaiq raq hokham rung kheti siihiipwe Eliakim, kiimaq rung cherewe Shebna, kiimaq ramwebi phong wa maiqlare thun ka shammiwe Isaia Amoj se phana tiikito. Tsangshiq kiimin wunthaü riinaü khea samraq raq riito.

JEREMIA 48:37

Tsangshiq wiitarü raq tsangkhu ka loktam sibaiqto. Raüta tsang nübin ka sibaiqto. Tsangshiq wiita raq tsang jaq na wiita tiimitsi hanto. Kiimaq maiq loweatek raq wunthaü riinaü khea sam raüta maaho majü jümiitlo.

EJEKIEL 24:17

Atsise maq sutshsut min naqhoqkiq. Kiimaq maho majü akhing na khu ka loktam maq khumkai maimak, riimakla hokpa ka chhut laüta hoksii maq khumkai maimak. Kiimaq ümtheaphi ka khea maq pang min maimak. Riimakla majoti raq siqtlaq dung kiimin naqsiqkiq.”

EJEKIEL 24:23

Namshiq ka khu loktam tiisi lanta khum maimak. Kiimaq hokpa ahü maq hoksii maq khumkai min maimak. Kiimaq maaho majü hosii kiimin maimak. Namshiq ka nam ngarai khana simikii jam wantlaq ikha ajam mirwan han. Kiimaq namshiq nai namshiq liipan na mihan ngiq han.

EJEKIEL 4:1

Shiikeawe raq nguto, “Maiqse lei, kiitelong kaü ashi dolaq. Laüta ümkhaki na tiibumlaq. Laüta kra longkaü thaq na Jerusalem chela sumla ka khat waiqlaq.

Mikha 1:11

Saphir chelati lei, khaiqhü naiqhü warong lüna, Rewa shumwikong ma jalanta, khushü jampaqpaq maq warong laq. Janan chelati lei, chela mongwa naq dong rongkiq, Bethejel chelati hoq trangtlo, Tsangshiq sichang ba ahü.

Mikha 1:8

Mika raq nguto, “Arningkhan maaho maanyi hoqsii tiikang, Tsanbi hosi tsiq ma, khu akhea nai hokpa chhut lata, kheahü chiiheawea na mikhumha, Miikakoikaü ikha agilülü mihoqsiqha. Wuthon kaü ikha, agam agu mihoq siqha.

JEKERIA 13:4

Kra akhing she saü raüla, shammibi raq riisham bomchong chongke miika ajeasi she miraq. Kiimaq shammi jamak she kiimaq shammi miirii min tiimii mak she. Mungmaiqse laolii mak she.

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

Matthew 3:4

Johan miirii ka Kumtsong nyamse bin maq ataq khea samto. Apaiq raq achhü niika ngamkhü shinket pato. Kiimaq rum wa kupchi nai ngiqngu kra apaiq dung ma tiija raüta phaqsiq wanto.

John 21:7

Kiijiishe, Jesuq raq lungwii hea we jaqshise kriiraq, “Apaiq ka Tatiwe!” nguta Petar ma chongto. Petar raq, apaiq ka Tatiwe nguta tai raütiishe, apaiq raq asamtong ka achhü na tasaq raüta, (Apaiq raq asamtong ka chhutje dongdii athü riito) jü na doq ha raüta, takii nü niishe wai wanto.

Acts 19:16

Krai mren, shinrii raq arom wan we kriiraq tsangshiq ka hak-hot laq-hot she rum buk wanto. Raüta notshotshot bunlak she tiiqbaiqto. Tsangshiq ka kriiwe jam mong maq thawe moho raütiishe, maakaiq chhaq tsangshiq khu akhea kiimin wunthaü riinaü she pintrangto.

Acts 21:11

Apaiq ka naishiq phana kito. Raüta Paul raq achhü shat chang khea nin chü kra ajaq na sham raüta, ahok nai ajaq ka kha raüta, akha tiithaito, “Asii Wenyi raq akha chongtlo: Ara chhüshat chang kheanin chü pati we arka, Jerusalem na siti Jehudinok raq akha mikha baiq. Raüta Pongnok phan maiqse jaqkhon mong na mikuq baiq,” nguta riisham bom maq tiithaito.

JOSHUA 5:15

Kiijiishe Tatiwe phentuwe raq, “Ümhokpa khorom ka achhut riilaq. Ümniika asii hiq ba na chap tlaü,” nguta chongto. Krai mren, Joshua riimin kra chongtaq kra phan phan kloto.

Revelation 11:3

Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

1 SAMUEL 19:24

Apaiq raq adü wa akhea thun ka chhut baiqto. Raüta wiinumsiqto. Kiimaq Samuel khaki na gisiqto. Kiimaq kra ranaiq minru kiimaq rawa minru kheahü miili she hiq na bumkito. (Riita arningkhan tiina, “Riita Saul min shammiwe miishe dea shea jakita?” nguta maiqbom tiihap she sikitaq kra.)