ISAIA 2:3 - ASII LAKDAP Bible (BSI)

³ kiimaq tsang mungti raq mingu, “Nashiq ka Tati kin kiina warongpha, Israilnok Shiikeawe Shomjam na warongpha. Apaiq raq nashiq ma atsanroro jaqsham kra mishrinkuq, nashiq ka apaiq raq tsea wantaq kra lam phan phan khumlaita mishong nga wan rong i. Jamkhano ngukla Tati tsiichong bomtsi ka Jerusalem maq chongkuqtlo; apaiq raq Jajon maq asengi ma tsü chongkuqtlo.”

Hawa Naga Bible 2001

³ tsuingshiq miq htenc rueq, “Naungshiq Yehowa kanx wawc, Israel miqsaz Tishox Shomc Yuimx httax yaq baung nuex waung wuez ix. Vpiq rueq naungshiq muex vpiq rueq tvshuimc roc shuex kuex tvluing kuq phuex; naungshiq kuex vpiq rueq vthvl kuq lvmx nuex khuemx wuez ix. Yehowa rueq tvluingc kuy bomc kuex Yerusalem wawc dung vtueq; vpiq rueq Zion maq vpiq miqsaz htenc kuex jungx yaq.”

ISAIA 2:3 Referencias Cruzadas

ESTHAR 9:27

Jehudinok mungmaiqse raq, ara chong tiikai akhing ranaiqnai arka, tsangshiq Jehudinok raq, kiimaq saüpat sepat na saüli, kiimaq maiq ahinti phan juwa Jehudinok khü maq tiihong raüta sitlaq kriiti thun kunli raq, rawiitek akhing khaq khaq na jamkho chongkuq wantaq, kra phanphan Purim Poi ka klo wan raa tlo, nguta tri atsin maq kha thü wanto.

Tvtsvmc 102:23

Tatiwe raq ngi ka jeroji niili iningkun tiijom baiqto; apaiq raq irilung tiitoqbaiqto

Tvtsvmc 110:2

Tatiwe raq Jajon chela maq ümhokham ningkun ka mitiijong. “Ümjaqtinok thun ka penglaq,” nguta apaiq raq ngutlo.

Tvtsvmc 119:171

Ngi raq wranaiqshe ümnaq mitiitsamha, jamkhano ngukla ümniiraq ngi ma ümthungtri shrin kuqtlaü.

Tvtsvmc 122:1

Ngi ka kai chochikang, tsangshiq raq ngi ma, “Nashiq ka Tati jam na warong i,” ngu raüta.

Tvtsvmc 48:1

Tatiwe ka ajong kiimaq apaiq ka pinthum shreng chang nashiq Shiikeawe chela na, apaiq asii hiq lampo na.

ISAIA 1:26

Ngi raq ümniima ümmung pengti tuwe jongbi nai ümniima taksu tsü chongketi ka, man na rathup raphaji na ümniiraq jamkho riimwan laü kiikha hali mishong kuq wan nongkang. Kiijiishetiq Jerusalem ka kechu chela kiimaq tsapsaü kapse chela nguta mingu wan.”

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 19:23

Kra akhing she saüwa raüla, Ejip mung nai Asiria mung liipan na munglam jonghea ashi asi miraq. Kra mungti mungnairi ka tsangshiq liipan na aki awa ahong aha she mikhum. Kiimaq kra mungti mungnai ri wa mungmaiqse ka adam na thung raüta mishom noq wan.

ISAIA 28:9

Tsangshiq raq ngi chongsiqtlo. Tsangshiq raq ngutlo, “Kriiwe riika ju ma tsü chongkuq tiikang ngutiiwa tiimatla? Apaiq traho bom chong ka juro mitaisiq? Kriika ka nosere amang poi klo nyeti miituli tiina!

ISAIA 44:5

“Ashishi maq, maiq raq akha mingu, ‘Ngi ka Tatiwe rii.’ Tsangshiq ka waraüta Israilnok rai mipong wan. Maiq loweatek raq ajaq phum na Tatiwe mang mikhat thü, raüta apaiq kiimin Shiikeawe sengi weshi nguta mitiichong.”

ISAIA 56:5

ümmang chong ka i Shomjam na mitiitsang wan. Kiimaq isenginok phong na rawii luhea na saüli tsan na mitiitsang wan. Kriika ümniiraq ümse maiqwe sere nai jechak sere asi nguraü jaq ümtin khan tiitsang wan chang wa kra thaq na rahiq alu mitiitsang wan. Ümniika ümtiikiimin laqbaiq mak she miraq.”

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

ISAIA 60:3

Maiqmung thun ka ümliliim kra chhi raüta ümtro na mirtam wan. Kiimaq hokhambi thun ka ümranaiq anye rawü wantlaq kra chhi raüta ümwokhong na mirtam wan.

ISAIA 65:11

“Shatmaq namshiq jurwa Ngi miimbaiq lan, jurwa Ngi asii kin Jajon chela kra shipoq tlan, kiimaq kiim phra kaü Gad kiimaq ningthoi phra kaü Meni shomnoqtlanti miika pong lin miraq.

ISAIA 66:20

Tsangshiq raq namshiqnok ka kunli pongmung thun wa Ngi ma kongphiq akuqho ikha tsuq wan raüta, nam mung na mishea wan. Tsangshiq raq tsangshiq ka Ngi raq asii hiqlam Jerusalem na riimtiikang kriijaq kumrang kong thaq na ngaraq raq, kumtoq kong thaq na ngaraq raq, kiimaq kumtsong kong thaq na ngaraq raq, kiimaq kumrang leng thaq na ngaraq raq kiimaq minsaü leng thaq na ngaraq raq mitsuq wan. Israilnok raq wong-honglu thun ka lairap thüchang hupsam ka asii mong na thü raüta Shomjam na kuq wan tlaq ikha mikuq wan.

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 31:6

Kriika tengto, akhing misaü wan, rawa kinkhetibi raq Ephraim wang kinthun maq, ‘Nashiq ka Jajon chela na nashiq Tatiwe, Na Shiikeawe phana kirong i’ ngutiishe miriim wan.”

EJEKIEL 40:2

Ngi raq riisham mak maq chhikang, Shiikeawe raq ngi ka Israil mung na sheahoto. Raüta ngi ka pum diiluhea kiijaq thü wato. Ngi raq imakki na jam phong ka pahea chela ashi ikha chhikang.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

Mikha 4:2

Kiimaq tsangshiqnok raq mingu, “Tatiwe hiqlam kiina warong i, Israilnok Shiikeawe Shomjam kiina warong i. Apaiq raq nashiq ma, apaiq wokhong na siwan, rilung lam mishrin kuq. Krai mren nashiq ka apaiq, lam miphan wan rong i. Jamkhano nguhaüla, Tatiwe lamphan tri ka Jerusalem ma midong, kiimaq apaiq raq Jajon maq asengi ma tsü chongkuqtlo.”

Matthew 7:24

“Ara chongtiikang arkha maq, jurwa ara i bomchong ara lang wan tlaq, kriiti ka maiq atsiiwe raq, ajam ka longkaü longkaü wat raüta, jamkham shong raüta hai wan tlaq ikha miraq.

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

John 4:22

Namshiq Samaria phan riika, riikhaqli maq juwa shomnoq tlan kriika sap man. Shatmaq, naishiq Jehudinok phan riika juwa shomnoq tiikai kriika asap hai. Ara jamkhano chongtiikang ngukla, Shiikeawe raq maiqse ka jamkho tiichhii tlaq, kra lam phan chongketi ka, naishiq Jehudinok phan lümaq chongkuqtlo.

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Romans 10:18

Riita, bom ka akha hali wainong i na: Riita, tsangshiq raq tsütsa ahea kriika tai wan lap mak dea sha riita? Atai kla achan ana tai wan ngo li kha. Taimak dea ka riimak. Asii bomtsi na akha nguta chongtlo: “Tsangshiq traho bom chongke riinya raq, mangjong tlotli nyam wanto; Tsangshiq bomtsi ka mangjong hiq angu na, shokrap norii wiita na nyam wanto!”

TRI CHONGKE 33:19

Tsangshiq raq pong mungti tsangshiq pum na heato Kiimaq riikhaqli honglu thun kiijaq takuqto. Tsangshiq tsiiq tum ka khamjong chum wa Kiimaq khamjong chum kii kumtsaiphii wa laptlo.”

TRI CHONGKE 6:1

“Arthun thungtri raütu ara Tatiwe namshiq Shiikeawe raq namshiq ma shrinkuq laq nguta aming kuqto. Namshiq ka mung ashi na saü wan lanta hiq ka jiiwantlan kiijaq ara thungtri ara lang lanta siwan ronglaq.

James 1:25

Shatmaq, Tsütsa Ahea ka, Shiikeawe raq maiqse ma akuq minhap thungtri raütu. Ara minhap tri raütu raq, ngarai maiqse ka, kharü mong wa daa wan tlo. Jurwa ara tri raütu na jamlai wa chongtlaq kra thun ka, tiitho tiipha sidi raüta, liichum kra thusi tlaq, raüta laq mak phan maq, tsan na thü raüta, ranaiqtek lang tlaq, Shiikeawe raq apaiq ma phanrap na achu shiiman mikuq.