ISAIA 2:2 - ASII LAKDAP Bible (BSI)

² Rawiichii akhing na Shomjam haitaq pum ka pumthun wiitarü thaq na diiluhea pinthum miraq, hiqlam wiita thaq na diilu pinthum miraq. Maiq mung pahea wa maiq apaiq phana kongta hushhu waraüta mirtam wan,

Hawa Naga Bible 2001

² Httuiuc wvnc yaq raungnuiyq htenc nuex Shomc Yuimx httax yaq kanx kuex lotlaz htauk nuex vjoz pinhtumc yaungx tuex, kanx lotlaz htauk nuex vjoz pinhtumc rvtuex. Miq phvnx paunghvlc kvyuq kaz wuez tuex,

ISAIA 2:2 Referencias Cruzadas

RAPHA HIQWA LAK 49:1

Jakob raq asetiim thun tiiheakito raüta akha nguto, “Ngi tro na riitam ronglaq. Kiimaq rawiichiiji namshiq ma jamlai wa hongtha wan tlaq kra bom chongkuq pha:

YOBA 19:25

Shatmaq ngi raq asapha ramungtan na weshi ra asi atiisup na apaiq ka kiraüta ngi mitiiwong kuqki.

Tvtsvmc 102:23

Tatiwe raq ngi ka jeroji niili iningkun tiijom baiqto; apaiq raq irilung tiitoqbaiqto

Tvtsvmc 2:8

Jaülaq, raüla ngi raq ümniima maiqmung thun kunli mikuq kang; hiqraikhü tlotli ka ümniirii she miraq.

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 22:28

Tatiwe ka hokham, kiimaq apaiq raq maiq mung thun pengtlo.

Tvtsvmc 48:2

Jajon ka Shiikeawe pum adii luhea kiimaq tsomhea; hokham jongheawe chela raq mangjong tlotli ma pinthum tiikhoqriiqtlo.

Tvtsvmc 68:17

Ningkun henghea akumrang leng ahing amun shea raüta Tatiwe ka Sinai pum maq asii jam na satkito.

Tvtsvmc 72:8

Apaiq mungtan ka khamjong chumshi maq riita chumshi na misaülaq, kiimaq Euphretis rai maq riita hiq tiisup mung na saüli mirlaq.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

Tvtsvmc 87:1

Tatiwe raq achela ka asii hiqlam na teiwanto;

Tvtsvmc 87:2

Israil mung na chela thun kunli thaq na, apaiq raq Jerusalem chela ka pinthum lungwiitlo.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 25:6

Arjaq Jajon Pum na Tati Ajong Pinthumwe raq mangjong wa maiq mung thun tlotli ma phaqsea poi jonghea miklo. Kra phaqsea poi ka pinthum asum akam phaqsea. Kiimaq che min sumhea pinthum.

ISAIA 27:13

Kra ranaiq akhing she saüwa raüla, nüchhong lerong tsü raüta, Israilnok ka tlotli Asiria mung wa nai Ejip mung wa munglu shumwi ma atsuq wan kra mihea. Kiimaq tsangshiq ka miwa. Raüta asii hiqlam Jerusalem maq Tatiwe ka mishomnoq wan.

ISAIA 30:29

Shatmaq, namshiq Shiikeawe senginok ka chojong chise kiimaq ashi ange, asii poi klotlan rawa na chochitlan ikha michochi han. Namshiq ka Tatiwe, Israilnok tiichhiiti Shomjam na Shiikeawe shomnoq wati wiinum shewa paimin toro tsütlaq kra phan phan wiinum tlaq ikha michochisiq wan han.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 56:5

ümmang chong ka i Shomjam na mitiitsang wan. Kiimaq isenginok phong na rawii luhea na saüli tsan na mitiitsang wan. Kriika ümniiraq ümse maiqwe sere nai jechak sere asi nguraü jaq ümtin khan tiitsang wan chang wa kra thaq na rahiq alu mitiitsang wan. Ümniika ümtiikiimin laqbaiq mak she miraq.”

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

ISAIA 60:3

Maiqmung thun ka ümliliim kra chhi raüta ümtro na mirtam wan. Kiimaq hokhambi thun ka ümranaiq anye rawü wantlaq kra chhi raüta ümwokhong na mirtam wan.

ISAIA 65:11

“Shatmaq namshiq jurwa Ngi miimbaiq lan, jurwa Ngi asii kin Jajon chela kra shipoq tlan, kiimaq kiim phra kaü Gad kiimaq ningthoi phra kaü Meni shomnoqtlanti miika pong lin miraq.

ISAIA 66:20

Tsangshiq raq namshiqnok ka kunli pongmung thun wa Ngi ma kongphiq akuqho ikha tsuq wan raüta, nam mung na mishea wan. Tsangshiq raq tsangshiq ka Ngi raq asii hiqlam Jerusalem na riimtiikang kriijaq kumrang kong thaq na ngaraq raq, kumtoq kong thaq na ngaraq raq, kiimaq kumtsong kong thaq na ngaraq raq, kiimaq kumrang leng thaq na ngaraq raq kiimaq minsaü leng thaq na ngaraq raq mitsuq wan. Israilnok raq wong-honglu thun ka lairap thüchang hupsam ka asii mong na thü raüta Shomjam na kuq wan tlaq ikha mikuq wan.

ISAIA 66:23

Jipi Jinye Dong Poitek na kiimaq Niitiitsak ranaiqtek na, mungmaiqse ka mungtek wa Ngi shomnoq wa arjaq Jerusalem na miwa,” nguta Tatiwe raq ngutlo.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 23:20

Krai mren apaiq raq ümtinkhan tiithenbaiq wan chang ngutiiwa toqtan wantaq kra mitiithen baiqshaq wiiwii rathaiq ka tsaq mak miraq. Rawiichii akhing saü wan raütiq asenginok raq ara toqtan wantlaq bomtsi arka ardea nya nguta khangriri hea she mitak wan.”

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 3:17

Ümtiikiiwa kra akhing she saüwajiiq, Jerusalem ka, ‘Tatiwe Ngachang Hokham Chaoki’ ngutiishe mingu. Kiimaq maiq phan thun wiita Jerusalem na riitam raüta, ngi mishomnoq. Tsangshiq tiima tsantsii wanshakshak nilan sitlaq kra kiimaq tsangshiq tsan mong na abi ati tiima sitlaq thun kriiraq tsangshiq ma jamlai bom wa thaütlaq kriika klomak she miraq.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

JEREMIA 48:47

Shatmaq rawiichiiji na, Tatiwe raq Mob ka chiithe lüwa jong ma hali mitiijong wan nong. Arthun arka, Tatiwe raq chongtlaq kra phan phan she dea mihong tha wan nong.

JEREMIA 49:39

Shatmaq rawiichiiji jai maq, Ngi raq Elam mungti ka chiithe lüwanok ma hali mitii jonglu wan nongha. Arka Ngi, Tatiwe raq toqtan tiikang.”

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

EJEKIEL 38:16

Ümniiraq isengi Israilnok ka rathaiq henghea mung hamli maq thaiq wantlaq ikha mikhat haü. Ümtiikiiwa akhing she saüjiiq, Ngi raq ümniika i mung kra khatkai mitiikiha. Ngi raq i mung khatkai tiikitiikang kriika, mangjong hiq na maiq thun sitlaq kriima, Ngi ka juwa kra tiichhike miitu kiimaq ümnaq lümaq Ngi raq jamlai jaq wa shamtiikang kriimaq Ngi ka asii sitiikang kra mitiichhi kuqha.

EJEKIEL 40:2

Ngi raq riisham mak maq chhikang, Shiikeawe raq ngi ka Israil mung na sheahoto. Raüta ngi ka pum diiluhea kiijaq thü wato. Ngi raq imakki na jam phong ka pahea chela ashi ikha chhikang.

DANIEL 10:14

Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

DANIEL 2:35

Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

DANIEL 2:45

Ümniiraq longraqkam khupo wa longkaü ashi ka apaiq tiikoqkoq, maiqjaq maq jurmin shamhü maq tiikoq wan raüta, kra sumla kaü jin, nai miiki, hamlii hiq, kampho, kiimaq chaq maq alo sumla ka, tiibunlak tiiqbaiqtaq chhilaü. Arka ajong Shiikeawe raq, chaü lei, ümniima rawiichii pat na jamlai mra pin wan chang wa kra chongkuqtlo. Ümniiraq jamkho malaü kra ngi raq chongkuq kang. Lata kra liichum ka riikhaqli chongkuq kang.”

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

JEKERIA 14:10

Kra mung tlotli ka shekhu nü na Geba hiqshong maq phaho, raüta shemai nü ka Rimmon hiqshong na saüli, hiq thung miishe miitiija baiq. Jerusalem ka kra tro na maiqhiq thun thaq na diilu hiqlam miishe mija. Chela jonglu ka Benjamin Kilamchong maq phawan raüta, man na kongkhu na kilamchong asi dongdii riitaq, kriiba kiijaq saüli she miraq. Kiimaq riita Hananel kongmong chong ba kiina saüli raüta, hokhamwe spiqtsitai tiikitchang longtham ba kiijaq saüli she miraq.

JEKERIA 14:9

Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.

JEKERIA 8:22

Pongmungti maiq pahea kiimaq maiqphan jonghea phan thun ka Jerusalem na miwa. Raüta Tati Ningkun Ajong Pinthumwe mishomnoq wan kiimaq achu shiiman lap miitu achu mijaü.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

MALAKI 3:12

Kiijiishe pongmungti thun tlotli raq namshiq ka kechu maiqsetiim dea ngutaq mirinwii wan. Jamkhano ngukla, nammung ka maiq siwan miitu mungpo mung ashi miishe mija wan.

WEAWEA 24:14

Kiijiishe Balaam raq Balak ma nguto, “Ümchaü ngi ka inok ita phana wa wan she. Shatmaq ngi miwa wanha shaq na, ngi raq rawiichiiji na Israilnok raq ümsenginok ma jamlai wa miraq kra, ümniima honlam bom chong kuq pha.”

Acts 2:17

‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.

2 Timothy 3:1

Tsan na tiitsangshat maq silaq. Phangthum wan akhing she saü wan raüka, rahiq jipi ka bihea she mir wan.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.