ISAIA 2:11 - ASII LAKDAP Bible (BSI)

¹¹ Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

Hawa Naga Bible 2001

¹¹ Miqsaz laungc tsvnc yaq kuex tvnulx gay ruiux miqsaz ngamc boq yaq kuex tvbac gay rvhumc tuex raungnuiyq httuiuc wvnc yaq. Kvruex yimaq Yehowa dvyx somraungc kuy rvhumc tuex.

ISAIA 2:11 Referencias Cruzadas

2 SAMUEL 22:28

Sobsob bombomti ka ümniiraq, tiikhup wongkuq tlaü. Shatmaq akhü ra na tsanshatti ka, hiqbi kho na tiidea baiq tlaü.

Tvtsvmc 18:27

Ümniiraq sobsob bombomti ka tiichhii kuq tlaü, shatmaq juwa khünga kriiti ka anun ma tiija baiqtlaü.

Tvtsvmc 18:28

O Tatiwe lei, ümniiraq ngi wa tiinii kuq tlaü; ngi ranyaq mong wa ra tiiwükuq laü.

Tvtsvmc 20:8

Akhnok maiqse ka atiithap rai raüta mikü rai, shatmaq nashiq ka chap rang laita tiime mai maq mikhat rong i.

Tvtsvmc 46:10

“Tsaq ronglaq naq riikhat rongkiq,” nguta apaiq raq ngutlo, “kiimaq namshiq raq sap ronglaq, ngi ka Shiikeawe, maiqmung thun thaq na ajong pinthum; kiimaq mangjonghiq raikhü na ajong pinthum,”

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 94:2

Ümniika maiqse angu kunli kha phoketi; tiidolaq laüta ashkongtamliti kha ka pholaq laüta tsangshiq khama khankhan khama ka tiihokuqlaq!

TAKSU LAK 16:5

Tatiwe raq, kumrong kumraq maiqse ka, pinthum tsaihaitlo. Apaiq raq tsangshiq ka weshi min, tiichamchaohü maq tiihang mak miraq.

TAKSU LAK 30:13

Maiq wiijamti raq, tsangshiq ka tarü thaq na, maiqshaq pinthum nguta riiweatlo! “Naishiq ka maiqshaq pinthum,” nguta tiimatlo!

ISAIA 10:12

Shatmaq Tatiwe raq ngutlo, “Ngi raq Jajon Pum na nai Jerusalem na jamlai jaq wa shamtiikang arshe lotha jiila, Ngi raq Asiria mungwa ajong hokhamwe ma, apaiq ümtinkhanwa jaqrap jirap phephiiqtlaq kiimaq kai shiikongtlaq kra miitu imo mitiihoha.”

ISAIA 12:1

Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

ISAIA 12:4

Ranaiqshi akhing misaü wan kiitiikaq nokwe akha mishi, “Tati tiitsam ronglaq! apaiq jaq wa khrum jaü rong laq! namshiq khrum miitu! Mangjong tlotli ma chong ronglaq, apaiq raq namshiq ma jaq sham kuqtaq kra! Tsangshiq ma chong ronglaq apaiq jonglu kra!

ISAIA 13:11

Tati raq ngutlo, “Ngi raq mangjong hiqraikhü na chamchao jonghea mitiisaüha. Lata abi kloti thun ma tsangshiq ngarai kha miitu mo mitiihoha. Ngi raq shiikong miilongti thun loweatek ka aranse ma mitiijaha. Kiimaq wanshak shakti nai maiq ka jimaq nishishiti thun ma mo mitiihoha.

ISAIA 14:15

Shatmaq kra rii na, ümniika wulum mung thaq niimin lumkükiq pinthum tsaühea hiq mong nyang niishe tiidea baiqto.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 23:9

Arka Tati Ajong Pinthumwe raq thapthi wanto. Tsangshiq raq shiikongkhiq maq jamlai phan wa klowantaq thun kra miqchup tiithenbaiq miitu apaiq raq toqtan wanto. Kiimaq tsang mungti aki miikiimbi thun kriima jea tiingaü miitu kloto.

ISAIA 24:21

Akhing ashi misaü wan, raüla Tatiwe raq ra na siti ningkun hotibi nai mangjong hiq na hokhambi ma mo mitiiho.

ISAIA 25:9

Kriishe kupi wan raüla, maiqse wiitarü raq akha mingu, “Apaiq ka nashiq Shiikeawe! Nashiq raq apaiq ma kamwankai, kiimaq apaiq raq nashiq tiiwongkuqto. Apaiq ka Tatiwe! Nashiq apaiq ma kamtiikai. Krai mren ümchaü naishiq ka chochikhiq she sitiikai. Kiimaq khoqriiq shishiiq she sitiikai. Jamkhano ngukla apaiq raq naishiq ka tiichhiikuqto.”

ISAIA 26:1

Ranaiqshi akhing misaü wan, kra akhing na Juda mungti raq ara mishinge: Nachela ka ningkun aheng! Shiikeawe apaiq raq chela tro ruk thun kra tiiwongtlo!

ISAIA 28:5

Akhing ranaiqshi misaü wan, raüla Ajong Pinthum Tatiwe ka asenginok rejaq song atiichong thun kra miitu achhai anyii pepütu maq ahai hokham khuphok ikha miraq.

ISAIA 29:18

Kra ranaiq she saüwa raüla, nitangwe riika apaiq ma tiihong raüta lakdap ashi ka phatkuqtlaq kra mitai. Kiimaq makchuktitiim riimin, ranyaq tangtang mong na siwantibi riimin, tsangshiq mak ka apiiq she mirki. Krai mren tsangshiq raq phanrap ka michhi.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 30:23

Kiimaq ümtiikiiwa namshiq raq tü lai tsamlai wak na chhijangtlan, Tatiwe raq ra mitiijunkuq. Raüta tü atsam ka mitiidong man kuq. Raüta namshiq raq tü atsam ka pahea milaphan. Lantea rongboq miwinhan. Kiimaq namshiq nyamsekong rümchang kiimin sangphii rii chamtraq miraq.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

ISAIA 4:1

Kra akhing she saü raüla, jechakre nyung miishe raq maiq weshi jaq kiijaq riiwiiqki raüta, akha mingu, “Naishiq ka maiqmii mitiidunghai. Laita maiqmii khu akhea misamhai. Shatmaq mangchan laüta ümniika naishiq ma naitawe ma jalaq. Laüta ümniiraq naishiq maiq ma wahü nyungre junchan jeasi chang kriiwa tiichhiikuqlaq.”

ISAIA 40:23

Apaiq raq ningkun chaqhea maq mungpengtibi tiidea baiqtlo, raüta tsangshiq ka hiqtili ma tiijabaiqtlo.

ISAIA 52:6

Jai na akhing misaü wan, kra akhing na namshiq raq Ngi ardea Shiikeawe nguta misap wan han. Kiimaq Ngi riidea namshiq ma arthun bomtsi ara chongkang nguta misap han.”

JEREMIA 12:9

Isenginok ngi raq atsea arwanha ka rum wa wushi kaü ikha; trotam ma liikong raq tamphaq wanto. Rum ngam kong ka healaq, wa raüta ngamphaq poi ka milomdamlaq!

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

EJEKIEL 38:14

Kra ningkhan Tati Rakaü Hiqwe raq Gog ma jamlai bom wa chongtlaq kra ngi ma tiichongkito: “Ümchaü i sengi Israilnok ka hansang maq aheawiq shongngatlaq akhing na,

EJEKIEL 38:19

Ngi raq i tsankhiq henghea lam maq ara kha toqtan tiikang, kra ranaiq akhing na Israil mung na pinthum henghea hiqjong mimu.

EJEKIEL 39:11

Tatiwe raq nguto, “Arthun ara hongtha wan jai, Ngi raq Gog ma apaiq maa lap chang ka Israil mung na maa lapchiim hiq bashi mikuqha. Kriika Amaa Khamjong Chum maq shedong nü wang na Wankhum Tan na miraq. Gog maa nai apaiq phenlabi maaphong ka kriitan na milap. Kiimaq kra tan mang ka ‘Gog Phenlabi Tan’ nguta mimang.

EJEKIEL 39:22

Kriimiiphat she Israilnok raq Ngi ardea Tatiwe tsangshiq Shiikeawe nguta misap wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

Hosea 2:16

Kra akhing na ümniiraq ngi ka, “Iwese loi” ngutiishe mihea haü. Kra akhing na ümniiraq ngi ka, “Itawe Baal Phra,” ngutiika hea maü she miraq, nguta Tatiwe raq nguto.

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Hosea 2:21

Kra akhing na ngi raq isengi Israilnok, achu jaü mitreha. Ngi raq ra mitiijun kuqha. Krai mren tsangmung na, tü atsam nai spiqtsi kiimaq Olip petsi thun aheawiq mitsingo.

Yoel 3:18

Kra akhing na pum thun ka, spiqro tonglong li she miraq. Kiimaq kin thun ka dut siisaq li miraq. Kiimaq Juda mung wa jükhü thun na, kham ama miraq. Kiimaq Tatiwe jam mong maq, kham miphok. Raüta Wadi Shittim Thung na minyamho.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

Obadia 1:8

Tatiwe raq ngutlo, “Ngi raq Edom tiichamchao ranaiq, ngi raq tsangshiq maiqse thun ka, mishthenbaiqha. Lata tsangshiq taksu tsii ka, wiita mitiimobaiqha.

Mikha 2:3

Arningkhan Tatiwe raq ngutlo, “Ümchaü ngi raq ümnaq dea wa chang, thü kho thü tiikang, kra mongwa ümniika, lun lot maü she! üm thiikho na ümniili midea haü. Krai mren shiikong kumrong maq, khumlot maüchang.

Mikha 4:6

Tati raq ngutlo, “Kra akhing na ngi raq, pong mung na atiipin jobaiq ha wa, adam niishe mitriitam wan ha. Ngi raq tiichamchao kang thun ka, adam na mirchom wanha.

Mikha 5:10

Tatiwe raq ngutlo, “Kra akhing na namshiq kumrangkong wiita minyea wan ha. Lata kumrang leng thun wiita mishthen baiqha.

JEPHANIA 3:11

Kra akhing na isenginok namshiq ka, ikiq khii lantea ngarai tang wan lan, kra miitu tiijeasi chang ahüshe. Jamkhano ngukla, ngi raq ibom taimak shiikongti, namshiq phong wa, achum she mirbaiq wanha. Kiimaq namshiq ka asii ihiqlam na, ikiq tlea man she mirhan.

JEPHANIA 3:16

Akhing saü wantlo she, tsangshiq raq Jerusalem ma, “O Jajon chela lei, naqhaisongkiq! Ümjaq wiinai ka naq tiibatkiq she! nguta mingu.

JEKERIA 9:16

Kra akhing saü wan raüla, Sku rümti raq skukong asea phong wa, tiichhiikuq tlaq ikha, Tatiwe raq asenginok mitiichhiikuq, raüta tsangshiq ka amung na hokham khuphok na, longseng liliim tlaq ikha michhai.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Luke 18:14

“Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

2 Corinthians 10:17

Shatmaq, Asii bomtsi na, “Jurwa atiishomra ro tlaq, kriiti riika Tatiwe raq jamlai jaq wa sham tlaq, kriili shomra chang,” nguta chongtlo.

2 Corinthians 10:5

Naishiq raq, shiikong miilong kiimaq arot akiq tri raü maq, Shiikeawe lam phan sap wan chang lam jong na, peruk hai tlaq kra, arun riibaiq tiikai. Naishiq raq maiqse tiima tsantsii thun kriika, Khristo puk na nyap wan miitu trap tru rapkhat khat rap wiiq tiikai.

2 Thessalonians 1:10

Arka Tatiwe raq, apaiq saükai akhing Ranaiq na, apaiq phan amaq maiqse thun raq, apaiq khushü tiima shreng tlaq, kiimaq maiqse ümchuro apaiq ma kam tlaq, kriiti thun raq, apaiq tiishomra tlaq, kra akhing ranaiq na mirairii baiq. Naishiq raq Shiikeawe bomtsi ka namshiq ma chongkuq kai. Krai mren, namshiq raq, kriima kamwan lan. Kriikha maq, namshiq thun kiimin, kra ranaiq ka ara chongtiikai, asii maiqsetiim rai misi wan dam han.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”