ISAIA 2:10 - ASII LAKDAP Bible (BSI)

¹⁰ Tsangshiq ka kin thun kiina longraq kam na chongkhong longsha bok thun kiiniishe mitiipaü wan. Riimakla tsangshiq raq hiq na hiqshakho bok thu raüta, Tati tsankhiq walü nyaitlaq kriiwa tiichhii wan miitu, kiimaq apaiq ningkun wa nyai tlaq kiimaq apaiq khushü ngao chhaitlaq kriiwa tsangshiq khum tiichhii wan miitu mitiipaü!

Hawa Naga Bible 2001

¹⁰ Tsuingshiq kuex Yehowa thuinkhvy wawc dungc wvnc tvkoc muinz, vpiq ngauz vngax, luimc vkawc wawc kvhttuiyq kay tvkoc muinz, lung tap lungshaung htenc nuex nuiyc ghaq luix nuex kvhttuiyq wuez tuex!

ISAIA 2:10 Referencias Cruzadas

YOBA 31:23

Jamkhano ngutiikang ngukla ngi ka Shiikeawe moho ma haitiikang, kriikha na ümtiikiimin akha ashut klo mang.

YOBA 40:13

Tsangshiq ka wiita hiq na lap baiqlaq; laüta wulum mung na khabaiq laq.

Tvtsvmc 145:12

Krai mren maiqse loweatek raq ümniiraq ningkun aheng maq jaqsham wan laü thun kra misap wan kiimaq üm mungtan chhainyii jonglu kra mitsaki wan.

Tvtsvmc 90:11

Ümtsankhiq walü heng ka juro wiita sapta? Ümtsankhiq moktlaq kriiraq ümtinkhan wa mitiiphiip kra juro saptla?

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

ISAIA 25:11

Tsangshiq raq tsang jaq ka ra na tiipii raqraq, jüwai ma tiipiitlaq ikha miraq. Shatmaq Shiikeawe raq tsangshiq ka jea mitiingaü. Krai mren tsang jaq thun ka ümkhii ijasiq jü mong na misang wan.

ISAIA 42:22

Shatmaq ümchaü asenginok ka laimiq runbaiqto; tsangshiq ka longsha phaqtek ranyaq mong na shaqbaiqto, raüta phaqtek mong na shaq raüta paübaiqto. Tsangshiq ka tekto raüta runto, tsangshiq khrumketi maiq jumin ahü kimak riito.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

JEREMIA 10:7

Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.

JEREMIA 13:9

“Ara khea riimkitaq akha, ngi raq Juda mungti shiikong tsii nai Jerusalemti shiikong tsii ka mitiithen baiqha.

Hosea 10:8

Abi hiqlampo Israilnok sumla noqchang, shomjam wiita hiqrai mishot. Shomjamkhü na shukrü phong. Tsangshiq raq pumkaütiim ma mingu, “Naishiq tiiwongkuq ronglaq.” “Naishiq pangkuq ronglaq,” nguta, kin thun ma tsangshiq raq mingu.

NAHUM 3:11

Ninewi lei ümnii min, kiikhiisii mimok chaq wan. Rewe makki wa ju laüta, atiipaü chang mirit haü. Shatmaq hum maü she mirhaü.

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

Luke 23:30

Kra akhing na, maiqse angu raq, ‘Naishiq ara pat baiq wan tlo laq!’ nguta pum kaü krai mirbom. Kiimaq kin kaü kra nangnga, ‘Naishiq ara paü liilii!’ nguta mingu.

2 Thessalonians 1:9

Tsangshiq ka kra akhing na, Shiikeawe raq pattup pat-sa matki mak phan wamungtan niishe mitiidea baiq wan. Raüta, kra wamong na michaq baiq. Tsangshiq ka Tati kaphap wokhong mong wa nai Tatiwe achhai anyii ningkun liliim mong wa, pong niishe mijobaiq.