ISAIA 15:2 - ASII LAKDAP Bible (BSI)

² Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

Hawa Naga Bible 2001

² Dibon ghaq jix kuex yac yuimx nawk juing baung nuex khoarc kay tvkoc kuz nuex kaz wvnc wuez vtuex. Moba mungx jix kuex Nebo nuiyc Medeba ghaqyungx htenc tvkoc yonzyex wuez yaq, tsuingshiq kuex yonzyex vtueq tsuingshiq khux htenc nuiyc kaqmul htenc kuex sulx gay tueq.

ISAIA 15:2 Referencias Cruzadas

2 SAMUEL 10:4

Krai mren, Hanun raq Dawit tsasoqtibi ka lapto. Raüta tsangnübin ka nükoko kra sibaiqto. Kiimaq tsangshiq dü wa khea ka hüko ba tiithi kiimaq tiithiqrokrok chumbaiqto. Raüta tsangshiq ka tiijang baiqto.

1 KAÜWA WERAÜ 19:4

Krai mren Hanun raq Dawit kiimwebi ka lapto. Raüta tsangshiq nübin ka sibaiqto. Kiimaq tsangshiq dü na asam khea ka tsang hüko jam ba maq chumbaiqto. Raüta tsangshiq ka tsangshiq na tiijang baiqto.

YOBA 1:20

Kiijiishe Job ka tiidopot chapto kiimaq atsanbitsi ma adü wa akhea ka chaibaiqto. Raüta akhu ka loktam sibaiqto. Raüta hiq na kusaq bumkito.

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

ISAIA 15:3

Chiiheawea lam thun na maiq khumtlaq kriimin wunthaü riinaü khea sam raüta maajo hoqsiqtlo. Mungmaiqse ka chela mong na maiq thung chang tapshok hiq thung ba thun kiijaq nai kiitelong jam thun wukhu thung na ngaraqraq raüta maajo jonjü hoqsii trangtlo.

ISAIA 16:12

Mob mungti ka pumthun na sumla phong noq chang hiqba thun kriijaq kiimaq tsangshiq shomjam thun kiijaq achu jaüwa kli hunnii raitlo. Ningkun shaphaqli. Shatmaq kriiwa tsangshiq ma amet dong chang ka jammin ahü.

ISAIA 16:7

Mob mungti ka pinthum miho trang wan. Jamkhano ngukla tsangshiq ka pinthum chamchao sangrai mirhum wan. Tsangshiq chela Kir Heres maq phaq nai sea chamtraq rongboq siwantaq kra riiwealili raüta tsangshiq ka kai mihoqsii trang wan. Tsangshiq ka chamchao waqkhü kham nyang raüta tsaija chhunja michamchao wan.

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

ISAIA 3:24

Homseng ka tsangkhum na nyat rii na, tsangshiq khum ka tsangbi namtoktok she miraq. Tsangchhü na tsomhea nintata shinket parii na, thoila raütam ikha ala atsa klishe shinket ma mipa. Tsangshiq khu ka tsomhea sirii na, tsangkhupo ka kealoklok loktam she miraq. Miirii atsomwiq samrii na, wunthaü riinaü khea sam raütiishe misi. Tsangshiq shamhea kriika jeasi khatamshi horaütli she misi wan!

JEREMIA 3:21

Hiqlam thun thaq na maiqho maiqsii tiitaitlo: kriika Israilnok hoqtrangtlo, kiimaq tiipaiqnea trangtlo, jamkhano ngukla tsangshiq ka ngarai maaho raütli siwanto, raüta tsangshiq Tatiwe Shiikeawe ka laqbaiqto.

JEREMIA 47:2

Apaiq raq nguto: “Liilaq! shekhu nü mung maq Jü thun marai wanto, raüta jürai chhang wan raüjaq lüm wantlaq ikha milüm wan. Kra kham mawan tlaq kriiraq mung ka wiita mima wan, raüta armung na jamlai wa sitlaq kra milüm wan, Chela thun nai mungmaiqse chela na siti thun wiita mimawan. Mungmaiqse raq maaho manyi khrum jaü mihoq trang; mangjong hiq na siti maiqse wiita, pinthum riingoq rara mihoqsiq.

JEREMIA 47:5

Gaja chela na siti ma aho ajü jonghea saüto, kiimaq Ashkelon chelati ka kaiqshak shak she. Philistain mungti chela ahinti raq ümtincho na saüli wa mihoqsiq?

JEREMIA 48:1

Tati Ningkun Ajongwe raq Mob mung miitu akha nguto: “Nebo chelati ma mangchan tsi— tsangshiq chela ka tiithenbaiqto! Kiriathaim chela re raq jiiwanto, chela tro kiitelong ruk ka tiibunbaiqto, kiimaq chelati ma jea tiingaüto.

JEREMIA 48:18

Namshiq Dibon chela na sitibi lei, namshiq shreng ngachang wa satki rongkiq, lanta hiq na botkhulai thaq na ngaronglaq; Mob tiithenbaiqtiwe ka arjaq, kiimaq apaiq chela ruk thun runbaiqto she.

JEREMIA 48:31

Kra ningkhan, Ngi ka Mob mungti maiq loweatek miitu mihoqha. Kiimaq Kir Heres chelati miitu mihoqha.

JEREMIA 48:35

Ngi raq Mob mungti ka tsangshiq raq phra sumla thun shomnoq chang hiq ba thun kiijaq wa na chaq chang honglu takewan ka wiitashe mitiitsaq baiqha. Kiimaq tsangshiq sumla phra kong ma laihin honglu take wan kiimin wiita she mitiitsaq baiqha. Arka Ngi, Tatiwe raq toqtan tiikang.

JEREMIA 49:3

Heshbon chelati lei, hoq trang ronglaq! Ai chela ka tiithen baiqto she! Rabba chelati jechakre lei, maaho manyi hoqsii trang rong laq. Wunthaü riinaü khea thum sam lanta hoq trang rong laq! Lanta tuktuk mukmuk sunghü tsiihü jutrang rong laq. Namshiq phra kaü Molekh ka re raq munglu shumwi miishe milap wan. Kiimaq apaiq rai ramwebi kiimaq aki miikiim sere thun kiimin munglu shumwi ma mitsuq wan.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

EJEKIEL 27:31

Tsangshiq raq ümnaq miitu tsangkhu sibaiqto, Raüta tsangshiq ka tsanbitsi ma wunthaü riinaü khea samtlo, Tsangshiq tsantsi ninlot mak gushgu hoqtrangtlo.

EJEKIEL 30:2

“Maiq se lei, Ngi, Tati Rakaü Hiqwe raq bom chongtiikang ara riisham bom maq tiithailaq kiimaq tiitailaq. Ümniiraq ara bomtsi thun ara tiihong laüta agilülü riimlaq: Phiiptsi chang ranaiq saü wantlo!

EJEKIEL 7:18

Tsangshiq ka thoila khea wunthaü riinaü sam raüta atiikhai rok rok miraq. Tsangshiq khupo thun ka sibaiqje miraq. Tsangshiq tarü ka munjuk mijuk miraq. Jeasi raq atsai miraq.

LEWI 13:40

Kiimaq maiq weshi ra tok kun wa akhubin ka siiki raüla, riimakla akhakam tho wa akhubin ka siiki raüla, ariiraq kriiwe ka ashe ma tiija mak.

LEWI 21:5

“Ramwebi phong wa juwe riimin, akhupo wa bashi ra min sibaiq raamak, riimakla anübin ka tapbaiq maimak, riimakla akhum na tlam tlii tiimi khat raüta maaho dam mai mak.

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

WEAWEA 21:28

Man na ara Heshbon chela armaq, Sihon phenlabi thun ka waniitu ikha rekhatkai wawanto; Raüta tsangshiq raq Mob mung wa Ar chela ka khat raüta tiithen baiqto Kiimaq Arnon rai jükhü nü wang kin thun phaqbaiqto.

WEAWEA 21:30

Shatmaq ümchaü tsangshiq saüsetiim ka wiita she jiipbaiqto, Heshbon chela maq riita Dibon chela na saüli, Kiimaq Nashim chela maq riita Nophan chela na saüli, Medeba hiq tho na saüli tiithen baiqto.”

WEAWEA 32:3

“Arwang binjü na Tatiwe raq Israilnok ma tiijii wantaq--Ataroth chela, Dibon chela, Jajer chela, Nimra chela, Heshbon chela, Eleale chela, Shibma chela, Nebo chela, kiimaq Beon chela thun arka--nyamse rüm ma hiq hea wiq. Kiimaq naishiq jaq niika nyamse kong pahea.

WEAWEA 32:38

Nebo chela, Baal Meon chela (armang ka aklai riito), kiimaq Sibma chela thun kra tiihea haito. Tsangshiq raq chela thun tiihea haitaq kriika anye she mangto.

TRI CHONGKE 14:1

Mosheq raq Israilnok ma nguto, “Namshiq ka Tatiwe namshiq Shiikeawe senginok. Kra ningkhan pongnok phan maiqse raq maaho majütlaq akhing na tsangshiq khum na tiimi hantlaq ikha kiimaq tsangshiq khakam wa khubin ka sibaiqtlaq ikha namshiq riika namkhum naq tiimihan rongkiq kiimaq nam khakam wa khubin ka naq sibaiq rongkiq.

TRI CHONGKE 34:1

Mosheq ka Mob mung hiq thungtan maq Nebo Pum na düwanto. Raüta Pisga Pum khuthaq na düwato. Kriika Jeriko chela maq shedong nü na riito. Kiimaq Tatiwe raq apaiq ma Kanan mung tlotli ka tiichhi kuqto: Gilead wang hamli maq riita shekhu nü na Dan chela na saüli tiichhi kuqto.