ISAIA 15:1 - ASII LAKDAP Bible (BSI)

¹ Arka Mob mungti miitu tsütsa. Ar chela nai Kir chela ka rawashi liipan niili tiithenbaiqto. Mob mung tlotli na kaiqshak kaiqshi biibangbang ma she.

Hawa Naga Bible 2001

¹ Vruex kuex Moba mungx nuex seng vtueq bomjungc rvtueq. Ar nuiyc Kir ghaqyungx htenc kuex raungwvrx shiz nuex dvyx tvbac gay rvhumc vtueq, Moba mungx kuex kuiyqshuik kuiyq shix shex.

ISAIA 15:1 Referencias Cruzadas

2 HOKHVMX 3:25

Raüta tsangmung wa chela thun ka wiita khat raüta tiithenbaiqto. Kiimaq tsangshiq ka wakram hiqpo hiqwin lam maq leawan lam maq, Israilnok loweatek raq longpo pochhuq tsun rang raüta, wak ram thun kiijaq thong wanto. Krai mren, kra wakram thun kra longrong phong li she makito. Kiimaq tsangshiq raq jüse raisetiim kiimin wiita shangbaiqto. Kiimaq petsiro thun kiimin wiita daqbaiqto. Atiisup niishe Mob mung nyungchong chela Kir Heres kli she tiichongto. Kriimin longpo hiipti sreanok raq chela ka trotam maq komto. Raütiishe khatto.

ISAIA 11:14

Tsangnai wiita adam na pong raüta shenyap mung nü wa Philistain mung kra mikhat. Kiimaq shedong mung na sitinok kra khat raüta tsiiq nai nyam ka mirut wan. Tsangshiq raq Edom mungti nai Mob mungti kra mikhat. Raüta mitang. Kiimaq Ammon mungti ka tsangshiq puk na minyap wan.

ISAIA 13:1

Arka Bebilon mungti miitu tsütsa, Amoj se Isaia ma Shiikeawe raq atiichongho.

ISAIA 14:28

Ara tsütsa arka Hokhamwe Ahaj tsaitaq rawii chiiriim raüta tiitai chongto.

ISAIA 16:11

Ngi ka Mob mungti miitu makphai khüshang shirisiq tiikang. Kiimaq Kir Heres chelati miitu jümiisiq tiikang.

ISAIA 16:6

Juda mungti raq akha ngutlo, “Naishiq raq Mob mungti ka kai kumrong kumraq hea nguta tsütsa taiwan kai. Naishiq raq asaphai tsangshiq ka shiikonghea pinthum. Kiimaq khünganok. Shatmaq tsangshiqnok tiitsakirai tlaq kriika shaqmii, banbok miili.”

ISAIA 16:7

Mob mungti ka pinthum miho trang wan. Jamkhano ngukla tsangshiq ka pinthum chamchao sangrai mirhum wan. Tsangshiq chela Kir Heres maq phaq nai sea chamtraq rongboq siwantaq kra riiwealili raüta tsangshiq ka kai mihoqsii trang wan. Tsangshiq ka chamchao waqkhü kham nyang raüta tsaija chhunja michamchao wan.

ISAIA 25:10

Tatiwe raq Jajon Pum ka mikhup wongkuq. Shatmaq Mob mungti ka ji maq nishishi minibaiq. Tsamkü phong ka hok maq nibaiq wan raüjaq hiq tiipü chang ma tiijabaiqtlaq ikha.

ISAIA 25:12

Apaiq raq Mob mung wa chela thun dü luheahea kiitelong maq aruk peruk weshaü thun ka mitiithenbaiq. Raüta botkhulai rai shotbaiqtlii mitiibunbaiq.

WEAWEA 21:28

Man na ara Heshbon chela armaq, Sihon phenlabi thun ka waniitu ikha rekhatkai wawanto; Raüta tsangshiq raq Mob mung wa Ar chela ka khat raüta tiithen baiqto Kiimaq Arnon rai jükhü nü wang kin thun phaqbaiqto.

TRI CHONGKE 2:18

‘Ümchaü ranaiq namshiq ka Mob mung lam maq Ar chela lam kiimaq laüwan longlaq.

TRI CHONGKE 2:19

Kra riihantiq namshiq ka Lot saüse phan Mobnok shongtlaq hiq rai tho tho na mirhan. Tsangshiq ka naq niq siq wan rongkiq. Riimakla tsangshiq rai ka naq riikhat rongkiq. Jamkhano ngukla Ngi raq tsangshiq ma hiqshong kuqkang kra wiika namshiq ma phushi min chumkuq mang she.’”

TRI CHONGKE 2:9

Tatiwe raq ngi ma akha nguto, ‘Mob mungti Lot saüse phan rai ka naq riitsak kaq rongkiq. Riimakla tsangshiq rai naq riikhat rongkiq. Ngi raq tsangshiq ma Ar chela ka akebaiq kun she. Kra ningkhan Ngi raq tsangshiq hiqshong kiiwa hiq ka namshiq ma phushi ra jiimin kuq mang.’”