ISAIA 11:2 - ASII LAKDAP Bible (BSI)

² Tatiwe wenyi raq apaiq ma taksutsii mikuq, kiimaq asenginok peng wan miitu apaiq ma anyan phaqchi nai jaqsham sma mikuq. Apaiq raq Tati tiima tsantsii kra mikhon; kiimaq apaiq ma shreng manto thüshat miraq.

Hawa Naga Bible 2001

² Piq rueq miqmac miqsaz htenc kuex guimz lawc tvkoc, Yehowa siyac rueq piq muex taksux tharc, phaqjic nuiyc vthenc vtuiuz kuex kuq shuex. Piq rueq Yehowa thuinroc kuex tuiuz vtueq vpiq muex tvtsanc nganc shuex,

ISAIA 11:2 Referencias Cruzadas

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

Tvtsvmc 72:2

kra riihaütiq apaiq raq ümsenginok ka tingting kappe sham raüta mipeng wan kiimaq jehin norekong maiq raq nanshantlaq kra riikhaqli tri maq mipeng.

DUNGWVNC 28:3

Kiimaq Ngi raq jaqsham smabi hon atsii juju mo kuqkang kriibi thun ka wiita healaq. Laüta tsangshiq ma Aron rohun khu akhea thun kra klo ronglaq nguta chonglaq. Kra raütiq apaiq raq akhum ka Ngi shiikumpan ramwe jaqsham miitu kiinongke chang miraq.

ISAIA 28:6

Apaiq raq phowebi ma kha ka tingting tri raütu sham raüta phoke miitu phaqchi mikuq. Kiimaq chela tro ruk kilamchong thun ka re jaq wa tiiwongti phenlabi ma nola ningkun mishoqkuq.

ISAIA 32:15

Shatmaq jangshiri hali Shiikeawe raq apaiq asii wenyi nashiq ma mikuq nong. Kra wakram shamseahü amiimbaiq thun kra thongshiri hali hiqpo hiq win ma mija nong. Kiimaq kra ramsea binjü kiiwa tü atsam ka aheawiq aphok alok mihea nong.

ISAIA 42:1

Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.

ISAIA 48:16

“Ümchaü min ana ithona warongra lantea Ngi raq jamlai wa chongtiikang kra taironglaq. Aphaji niiphü Ngi raq linham linhok chongkuqkang, kiimaq wranaiqtek ibomtsi ka khashkhaq tiiku piwan kang.” (Ümchaü Ajong Thaq Na Ajong Tatiwe raq ngi ma apaiq ningkun kuqto raüta ngi ka tiikito.)

ISAIA 59:21

Kiimaq ümchaü ka Ngi namshiq rai tongshong tiikang: Ngi raq namshiq ma iningkun tu kra kuq tiikang. Kiimaq iman phan ijüche ka namshiq miishe kuq tiikang. Arka pattup pat-sa namshiq miituli she miraq. Krai mren ümchaü ranaiq armiishe namshiq raq ibom taichang. Kiimaq namsetiim ma kiimaq namsaütiim ma shrinkuq ronglaq, tsangshiq raq Ngi raq akuqha aming thun ka pattup pat-sa lang raüta shong wan chang nguta.”

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

Matthew 3:16

Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.

John 14:17

Apaiq raq maiqse ka Shiikeawe rai sham triichhike wanti Asii Wenyi. Apaiq raq Shiikeawe tiima tsantsii ka maiqse ma tiichhi kuqtlo. Mangjong maiqse raq apaiq ka tsangshiq tsan mong na tao mak. Ara jamkhano tao mak ngukla, tsangshiq raq apaiq sham ka chhi mak. Kiimaq mang min riisap mak. Shatmaq, namshiq raq apaiq ka asap han. Ara jamkhano chongtiikang ngukla, apaiq ka namshiq rai adam sitlo. Kiimaq, apaiq ka namshiq mongjii na sitlo.

John 15:26

“Riita, Khrumti we ngutlaq ka misaüho she. Apaiq ka Asii Wenyi. Apaiq ka Awe pha wa kitlo. Apaiq raq Shiikeawe ka maiqse rai mang mitriisap kuq wan. Kiimaq, Shiikeawe tsantsii ka maiqse ma tiichhikuq wantlo. Ngi raq apaiq ka Awe phawa, namshiq phana mitiiki kang. Kiimaq apaiq ka ngi hakhi ma jaraüta, ngi tingkhu wa bom ka, namshiq ma michong phan kuq wan.

John 16:13

Shatmaq, ümtiikiishe wa, Asii Wenyi ka saüki jiiq, kra akhing niishetiq apaiq raq, namshiq ma Shiikeawe tingting rilung bomtsi thun kra mitiichhi kuq wan. Apaiq riishetiq namshiq ma teng man tlaq bomtsi thun liichum kra arang chong maq thu raütiishe mitru chongkuq wan. Apaiq riika, apaiq tsiitsii maq chong kuq mak. Apaiq raq jamlai wa ani maq tai tlaq, kriili namshiq ma michong kuq. Kiimaq, rawiichii akhing na jamlai phan saüho chang wa sitlaq, kriithun bomchong kra namshiq ma michongkuq.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

TRI CHONGKE 34:9

Kiimaq Nun se Joshua ka anyan phaqchi tsü raq ama riito. Jamkhano ngukla Mosheq raq apaiq pumsong wela jaqsham ma nguta shongto. Kiimaq Israilnok ka Joshua wokhong na sito kiimaq Tatiwe raq Mosheq lümaq tsangshiq ma aming thun kuqtaq kra langto.

2 Timothy 1:7

Ara jamto chongtiikang ngukla, Shiikeawe raq nashiq ma Asii Wenyi kuq tlaq kra riika, nashiq ka wenyi na ningkun ajong, srea nola ma tiija tlo. Raüta, phunaino Phungmaiqse ma lungwiitsii rüm tiikai walü ka tiinyai kuq tlo. Kiimaq nashiq raq nakhum ara, stiq skhaq maq, Phungmaiqse awongsii rilung si miitu ningkun kuq tlo.

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,