ISAIA 11:1 - ASII LAKDAP Bible (BSI)

¹ Dawit hokham weraü saüse phan ka pechong ashi adaq arbaiqrat ikha. Shatmaq achongkhuk kiiwa asongsetiim song wantlaq ikha Dawit weraü phan asaü asetiim phong wa hokham weshi midong wan.

Hawa Naga Bible 2001

¹ Dawid hokhvmx phvnx vmaq kuex vduiuz vruez gay pulx rulc rv-ngvlc yaq; yuq muinz vjungx khuiuq maq vnyalx sung yek yaq ikhoc Dawid suiuz vsaz htenc wawc hokhvmx vnyalx washiz dung tuex.

ISAIA 11:1 Referencias Cruzadas

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

1 KAÜWA WERAÜ 2:12

Obed, Obed se ka Jessi riito.

Tvtsvmc 145:11

Tsangshiq raq üm hokham khushü chhainyii kra mitsaki wan, kiimaq üm ningkun jonglu kra mitsaki wan.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 4:2

Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.

ISAIA 53:2

Kriika Tatiwe apaiq raq dongdii thimi wanto, ajaqshi se ka pechamse ikha hiq shinriiqriiq ba na cham raüta arang ka hiq mong na cham chang nguta thapthi wanto. Apaiq sham ari ka achaq awaq ka riimak. Kiimaq shamhea shamjü alüsea chang ka riimak. Nashiq raq apaiq ka maiqse wiqwiq dea nguta chhiha wanli chang ka riimak. Apaiq sham na liiraüta atsomwiqse dea nguta maiq maklii ranphan chang ka ahü riito. Nashiq raq apaiq ma tsan tiitsi chang sham ka ahü riito.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 23:5

Tatiwe raq ngutlo, “Ngi raq Dawit saüse phan wa kechu hokhamwe ashi mishongha. Kra hokhamwe raq taksu tsü maq kiimaq tri raü ka riikhaqli sham raüta mung hamli ka aheawiq mipeng wan.

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

EJEKIEL 17:22

Tati Rakaü Hiqwe raq akha ngutlo: “Ngi raq maisak pechong chong luhea kiiwa, amuntsii tsung kra milam baiqha, lata amuntsii ashun nintata ba kra mingoq baiqha; kra Ngi raq pumkaü diiluhea kiijaq michhiha.

EJEKIEL 37:25

Raüta tsangshiq ka Ngi raq ijaqshise Jakob ma akuqha mung, tsangtitiim siwan chang hiqchü rachü mung kiijiishe mishong nga wan. Kiijaq tsangshiq ka pattup pat-sa she mishong nga wan. Krai mren, tsang setiim kiimaq tsang saütiim ka misi wan. Ijaqshise Dawit raq jamkho mung peng wantaq kiikha hokham weshi raq tsangshiq ka pattup pat-sa she mipeng wan.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

JEKERIA 3:8

Arkha na, tailaq, Ramwe Jong Joshua lei. Kiimaq, Joshua jaq tiihapti ramwebi, namshiq riimin, namshiq ka rawiichii miitu miithii ashong. Jamkhano nguraü la, ngi raq jai na ijaqshise ashi saühotlaq, Pekü ngutlaqwe sham ka mitiichhi kuqha!

JEKERIA 6:12

Laüta apaiq ma Tati Ningkun Ajong Pinthumwe raq akha ngutlo nguta chonglaq. ‘Maiq weshi juwa Pekü nyam ngutliiwe kriika ümchaü apaiq ümbano sitlaq kriijaq pinthum mitiijong lu kuq wan. Kiimaq apaiq lümaq Tatiwe Shomjam ka mitiihea hailot.

Matthew 1:1

Arka Jesuq Khristo weraü manphan. Apaiq ka Dawit lai. Dawit ka Abraham lai.

Romans 15:12

Kiimahali Isaia raq, “Jessi lai wa maiq ashi misaüho, apaiq ka Shiikeawe raq amaa wa mitiidong wan. Raüta Pongnok phan maiqse mung ka mirüm wan. Kiimaq tsangshiq raq, apaiq ma ran raüta misi wan,” nguta waiqthüto.

Hebrews 7:14

Riita, apaiq ka Juda weraü phan ta na rawü chhikito nguta, wiitarü raq ra tsa ikha asap siisaq. Shatmiitiq, Mosheq raq ramwebi jaqsham chong tlaq kiijiika, Juda weraü wa ramwe jaq misham dam ngutiika chong mak dea riito.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”

Revelation 5:5

Kiijiishe nyungwere phong wa maiq weshi raq ngi ma bom ka akha chongto, “Naqhoqkiq. Liilaq! Juda weraü wa hangsi kaü Dawit ma asaü saüpai, ajong weshi raq rekhat ka atang wan kun she. Krai mren, apaiq raq ara sil atrap miishi ara tiibun raüta, akom ka alin miraq.”

RUTHA 4:17

Kiiwa chiiti jamthaq jamkiqti jechakre nyungwere raq, kra no ka Obed nguta mangto. Tsangshiq raq nanok tarü ma, “Naomi raq ase ashi humto!” ngutiishe rinwii wanto. Riita, Obed kriishe Jessiwe riito. Kiimaq Jessi ka Dawitwe riito.

1 SAMUEL 17:58

Saul raq apaiq ma waito, “Jerowe lei, ümniika juse wa?” “Ngi ka ümdise Bethlehem na siti Jesi se,” nguta Dawit raq treto.