ISAIA 10:12 - ASII LAKDAP Bible (BSI)

¹² Shatmaq Tatiwe raq ngutlo, “Ngi raq Jajon Pum na nai Jerusalem na jamlai jaq wa shamtiikang arshe lotha jiila, Ngi raq Asiria mungwa ajong hokhamwe ma, apaiq ümtinkhanwa jaqrap jirap phephiiqtlaq kiimaq kai shiikongtlaq kra miitu imo mitiihoha.”

Hawa Naga Bible 2001

¹² Yuq muinz Taungjix rueq, “Zion Kanx htauk nuex nuiyc Yerusalem nuex ngaz rueq shuimc juing kuex lot ruiux yuq, ngaz kuex Asiria honoc waz piq kvsomc parc nuiyc vngamc boq yaq lvmz lotlaz ningkhvnc nuex murx tvgurc shaungx,” ngoz tueq jungx tueq.

ISAIA 10:12 Referencias Cruzadas

2 HOKHVMX 19:31

Kra akhing na Jerusalem na mungmaiqse asi miraq. Kiimaq Jajon pum na aso tiichong tlaq kriiti ka misi wan. Jamkhano ngukla arka Tatiwe raq akha hongtha wan raa nguta athapthi wan kun she dongdii.

Tvtsvmc 18:27

Ümniiraq sobsob bombomti ka tiichhii kuq tlaü, shatmaq juwa khünga kriiti ka anun ma tiija baiqtlaü.

Tvtsvmc 21:10

Tsangsaü tsangsetiim ka ashi min tiichong mak chongthum miraq; hokhamwe raq tsangshiq ka wiita miqchup mijiipbaiq.

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

Tvtsvmc 76:5

Tsangshiq sreajongbi jaq wa hupsam ka wiita tsuq wanto kiimaq ümchaü tsangshiq ka amaaphong küram liira riiphong bumraqraq she; tsangshiq ningkun nai asap atsin phaqchi ka khanhü she jakito.

TAKSU LAK 21:4

Abi maiqse ka laopha tsii nai shiikong tsii raq phaqtlo, kriika ngarai.

TAKSU LAK 30:13

Maiq wiijamti raq, tsangshiq ka tarü thaq na, maiqshaq pinthum nguta riiweatlo! “Naishiq ka maiqshaq pinthum,” nguta tiimatlo!

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 24:21

Akhing ashi misaü wan, raüla Tatiwe raq ra na siti ningkun hotibi nai mangjong hiq na hokhambi ma mo mitiiho.

ISAIA 27:7

Tati raq, Israilnok ka tsang jaqtinok ma mo tsihea tiihotaq kiitinkhan mo ka tiihomak dea. Kiimaq asenginok ka re na pahea tiitsaimak dea.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 29:14

Kriikha na Ngi raq tsangshiq ka klata maq abuk ikha thongshi riihot bukjai na thongshi ri hali tiipat-saq mibukha. Juwa taksu maiqsetiim nguta tiimatlaq thun ka angok angikong miishe mijaki. Kiimaq tsangshiq khonglaq phaqchitu kriika khanhüli she mijaki.”

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

ISAIA 37:29

Ngi raq ümnaq hokho tlaü thun kra, kiimaq ümnaq shiikongsiq tlaü thun kra, tsütsa ka lapwan kang she. Riita ümchaü min Ngi raq ümkhü na jin raükom miishe miwa kang. Lata ümnübok na kumrang nübok na tiikaq chang jinpo kriishe mitiikaq kang. Lata ümnaq ana ümra lam mo kilaü kra lam phan phan hali mishea wan nong kang.”

ISAIA 5:15

Maiqse angu tarü khushü mijam, kiimaq shiikongkhiqti thun ka aran miishe mitiijabaiq.

ISAIA 50:11

Namshiq wiitarü, jurwa nanok tseabaiq miitu thiikho thutlanti ka, namshiq maiqmii raq athuhan thiikho na dea lantea mithen han. Arka Tatiwe apaiq raq mitiihong wan; namshiq ka maklii jaina tiijangphat kharii mihumphaq han.

ISAIA 65:7

Tsangshiq ngarai thun nai tsangtitiim ngarai thun kra miitu. Tsangshiq raq kin na thatsang berong chong thun na homseng honglu kuqto. Raüta Ngi ma ngengseng bombi kiqsü kuqto. Kriikha na Ngi raq tsangshiq ka man na ngarai ümchuwa tang wantaq kra phan phan mitiicham chaoha.”

ISAIA 9:9

Israil mungti kunli raq, Samaria chela na siti maiq loweatek raq, arka apaiq riidea photo nguta misap. Ümchaü riiwe kla, tsangshiq ka shiikongkhiq kiimaq ra na dü ma phipii sitlo. Tsangshiq raq ngutlo,

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

JEREMIA 50:18

Arningkhan na, Ngi, Tati Ningkun Ajongwe, Israilnok Shiikeawe raq, Hokhamwe Nebukadnejar ka kiimaq tsangmung ma imo mitiihoha. Ngi raq Asiria mung hokhamwe ma jamkho imo tiiho kang, kiikha mitiihoha.

JEREMIA 50:32

Üm mung ka shiikonghea. Ümchaü ka hok thaü lantiishe mikü raihan. Ümnaq doti ka maiq ahüshe miraq. Ngi raq üm chela thun ka wiita wa miishe michaq baiqha. Krai mren chela mong na jamlai wa sitlaq thun ka michup mithen wan.”

EJEKIEL 31:10

“Ümchaü min, Ngi, Tati Rakaü Hiqwe raq ümniima chongpha, kra pechong ra na phumda thin lili jongraitlaq kra jamkhiiwa jawantla. Kra chong ka jamkho jong rai wantaq, kai shiikong wanto.

EJEKIEL 31:14

Riita arningkhan, ümchaü armiiphat sanha, pechong ka chongshi ra min, kham maq ümtinkhan li nyuk raü jiimin, kra chong jongtaq kiikhiika, diiluhea jongmak she, riimakla achong mun ka ra na phumda tleali jong mak she miraq. Kiimaq atinkhan diiluhea ka jongmak she miraq. Tsangshiq wiita atsaikaiti siisaq, maiqse tsaiki tlaq ikha, wulum mung na kaihodamti kong siisaq.”

DANIEL 11:45

Kiimaq apaiq raq apaiq hokham tombutiip thun jonghea ka khamjong raikii nai Shomjam haichang hiqlam liipan na mihai. Shatmaq apaiq ka re na mitsai. Apaiq khrumti maiq ka jumin ahü she miraq.”

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

WEAWEA 24:24

Alongkaiti ka Saipras mung wa khamjong lam maq sangpho lai maq miki; Tsangshiq raq Asiria mung nai Ebar mung ka mitang wan, Shatmaq tsangshiq ka, maiqmii akhing na Pattup pat-sa miitu mithumki.”

Matthew 12:33

“Petsi ka tsihea phan pansea ma jiila, achong kiimin chonghea phan riichang. Achong ka abi phan jiika, atsi kiimin abi miraq. Petsi chong ka chonghea phan sha chongbi phan wa kriika, atsi kriimaq tiisap kitlo.

Matthew 15:19

Akhek ka maiqse tsan mong maq dong tlaq tiima tsantsii abi rüm tlaq kra kata abi pinthum. Maiqse tsan mong na tiima abi rümtlaq kra riili she, maiqse ka matwe ma tiija tlo, maiqchak maiqse rai sra raüta, sipe ma tiija tlo, kiimaq junshüm riirüm sethoq sepii tiija tlo, ahuk arot ma tiija tlo, arot hakhi ma tiija tlo, maiq chongseati ma tiija tlo.

TRI CHONGKE 32:27

Shatmaq Ngi raq tsang jaqtinok ka tiishkonglot mang, tsangshiq raq isenginok tiinamtok khatto nguta, shatmaq tsangshiq ka Ngi raq ijaq maq tiinamtok atiikhat baiqha.’

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!