ISAIA 10:13 - ASII LAKDAP Bible (BSI)

¹³ Asiria mung wa hokham ajong raq akha tsütsitsiqtlo, “Arthun ka ngi raq siisaq klokang. Iningkun ka jonghea achhe achhaq kiimaq ngi ka taksma kiimaq pinthum khonglaq. Ngi raq maiq mung thun liipan wa hiqtrai longshong thun ka wiita jiibaiq kangshe. Lata tsangshiq tsiiq tum thun ato kra wiita howan kang. Kra mung thun na siti mungmaiqse thun ka minsaü pongwe raq nibaiqtlaq ikha ngi raq iji maq nishi nibaiq kang.

Hawa Naga Bible 2001

¹³ Asiria honoc waz rueq, “Ngaz rueq kvruex htenc lotlaz kuex ngvy shauk pumz maq shuimx wvnc tauk. Ngaz kuex hungc hvlc nuiyc wvtharc, miqjat lat httax taungx. Ngaz rueq miqphvnx htenc ghaqruiy kuex tvhttot gay ruiux tsuingshiq rueq vphungc taq lvmx svy htenc kuex nyvlc wvnc tauk. Kvyuq httax jix miqphvnx htenc kuex ngaz rueq manx pung saz vshiz nuiuz gay yaq ikhoc nuiuz gay tauk.

ISAIA 10:13 Referencias Cruzadas

2 HOKHVMX 15:29

Peka ka hokham jatlaq pat na, Asiria mung Ajong Pinthum Hokhamwe ka kiraüta Israil mung ka khatto. Raüta Ijon, Abel Beth Maaka, Janoa, Kedesh, kiimaq Hajor chela thun, kiimaq Gilead wang binjü thun, Gelili wang, kiimaq Naphtali chela thun kra khatto. Raüta arthun chela wa mungmaiqse ka munglu shumwi ma Asiria mung na tsuq wanto.

2 HOKHVMX 16:8

Ahaj raq kampho kiimaq chaq thun ka Shomjam na sitlaq kra kiimaq hokhamwe jam na tsiiq tum na thütlaq kiiwa lam raüta ajong hokhamwe ma kongphiq tiiho wanto.

2 HOKHVMX 17:24

Asiria mung ajong hokhamwe raq mungmaiqse ka Bebilon chela, Kuth chela, Iwa chela, Hamath chela, kiimaq Shepharwaim chela thun wa tsuqho raüta Israil mungti munglu shumwi ma tsuq wantaq kriiti sichang Samaria wang na chela thun kiijiishe tiishong wanto. Tsangshiq raq arthun chela ara jiiwan raütiishe shong wanto.

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

2 HOKHVMX 18:11

Asiria mung pengti ajong hokhamwe raq Israilnok ka Asiria mung na munglu shumwi ma tsuq wanto. Raüta tsangshiq phong wa maiq wiijam ka Hala chela na tiisi wanto. Kiimaq wiijamti ka Gojan wang na Habor Raikii tan na tiisi wanto. Kiimaq wiijamti ka Media mung na chela thun kiina tiisi wanto.

2 HOKHVMX 18:15

Hejekia raq apaiq ma Shomjam na kampho ümchuwa sitlaq kra kiimaq hokhamwe jam na tsuq tum na ümchuwa sitlaq kra tiikuq wato.

2 HOKHVMX 18:32

Raüta ajong hokhamwe raq namshiq ka mung ashi aheawiq ümchaü ara nammung akha, spiqtai nyang miitu spiqro asi, winsii phaq miitu püwong kham ra jangphaq chang hiq asi. Olip pero tonglong mung, olip tai ka chamtraq, kiimaq ngiqngu chamtraq asi, mung na mitiisi wan. Namshiq raq apaiq aming kra tai han jiila, namshiq ka tsai man mirhan. Shatmaq atra misihan. Hejekia raq namshiq ma Tatiwe raq mitiichhiikuq nguta tsaiji tlam bom chongtlaq kriima naqshon rongkiq. Namshiq ka anginok ma naqja rongkiq.

1 KAÜWA WERAÜ 5:26

Kra ningkhan she, Shiikeawe raq Asiria mung riimti Ajong Hokhamwe Pul (apaiq mang ka Tiglath Pilesar ngutiimin ngutlo) kriima tsang mung kriishe tiikhatto. Apaiq raq Reuben phan, Gad phan, kiimaq shedong nü wang na siti Manase phan ka pong mung na tsuq wan raüta, tsangshiq ka pattup miitu Hala chela na, Habor chela na, kiimaq Hara chela kiimaq Gojan Rai tan niishe tiishong wanto.

TAKSU LAK 28:11

Chiithe maiqse riika, apaiq ka maiqshaq nguta riiweatlo; shatmaq miitsan maiqse jiimin, atsii asiti ka taksu jatlo.

ISAIA 10:8

Apaiq ka akha shiikongsiqtlo, “Isengi loweatek phentubi thun ka hokham weshi shi khan!

ISAIA 5:21

Namshiq ka miqlan she! Namshiq nga namshiq ka taksu maiqse nguta tiimatlan. Kiimaq khonglaq maiqse nguta tiimatlan.

JEREMIA 46:8

Ahata Ejip mungti, Nail rai lüm wantlaq ikha lümtlo; jürai ashi raq jükii thun lüm wantlaq ikha. Ejip raq nguto, ‘Ngi ka michapha lata mangjong hiq ka milüm wanha; Lata ngi raq kiijaq siti mungmaiqse ka mitiijiim baiqha.

JEREMIA 48:14

“Mob mungti lei, namshiq ka jam nguto srea nolabi nguta tiitsakitlan, rekhat na alankaiwi she nguta tiitsaki rai tlan nya?

EJEKIEL 25:3

Tsangshiq ma Ngi, Tati Rakaü Hiqwe raq jamlai wa chongtiikang ara tiitsang tailaq nguta chonglaq: Ümniiraq i Shomjam ka tiishebaiq wan kra chhilaüta kai chochi laü; Israil mung ka tiihihut tiithenbaiq wan kra chhilaüta, kiimaq Juda mungti ka rewa shumwikong ma pongmung na tsuq wan kra chhilaüta chochisiq laü.

EJEKIEL 26:2

“Maiqse lei, Tajar chelati raq akha ngu raüta chochi siqtlo. Tsangshiq ka, ‘Jerusalem ka bunto she! Apaiq laopan ja ningkun kiimin thento she! Apaiq ka nashiq rai riilong pailot mak she!’

EJEKIEL 29:3

Tati Rakaü Hiqwe raq Ejip mung hokhamwe ma ara chongkuqtlo nguta chonglaq: Ngi ka ümniima wesang. Ümniika chlaikaü abi thawe. Ümniika jümong na sitlaü. Ümniinga Nail rai ka ümrii kiimaq kriika ümniiraq aphan sang haü ngutlaü.

EJEKIEL 35:13

Ümniiraq, Ngi ka shummii shaqshaq ngeng wan laüta, ümchuwa bom wan laü kra wiita Ngi raq ataiha siisaq.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

DANIEL 4:30

Kiitiikaq apaiq raq akha nguto, “Liilaq! Bebilon mung ka ümtinkhan jongwa! Ngi raq ara Bebilon mung nyungchong ma tei wan kang. Lata iningkun jong nai iphen rung jong hongla kra tiichhikuq tiikang. Kiimaq ikhushü jonglu nai imangchong tsa jonglu kra tiichhi tiikang,” nguta tiishom ra siqto.

AMO LUIK DVP (AMOS) 5:27

ngi raq namshiq ka Damaskas chela tlea na, munglu shumwi miishe mitiiwa baiq ha.” Arka Tatiwe raq ngutlo. Apaiq mang ka Ningkun Ajong Pinthum Shiikeawe.

AMO LUIK DVP (AMOS) 6:13

Namshiq raq Lodebar chela ka khat lanta, jiiwan kai she nguta, jaqrap jirap doqsiq tlan. Namshiq raq, “Nashiq ningkun maq Karmaim chela kiimin khat laita, jiiwankai,” nguta ra na dü wan tlan.

HABAKUK 1:11

Kra lot jai tsangshiq ka, rahai wa ikha wawan tlo. Tsangshiq raq mangjong maiq tri, ji maq nishishi jin wantlo. Raüta tsangshiq ka ashutwe ma jawan tlo. Jamkhano ngukla tsangshiq miika, tsangshiq ningkun tri kli, tsangshiq shiikea.”

HABAKUK 1:16

Krai mren tsangshiq raq tsangshiq chiiq ka, shiikea ikha noq wan tlo. Kiimaq chiiqjong kiima honglu, kuq wan tlo. Jamkhano ngukla tsangshiq chiiq maq, ngiq khup wan lili raüta, tsangshiq ka chiithejong jawanto. Kiimaq winlü winshii miishe, tiipongpii wan raüta siwan tlo.

HABAKUK 2:6

Munglu rewa wanshanok raq, tsangshiq tijongnok ka akha mislai wan, “Namshiq raq maiqjaq wa, anyea wan han tsiiq nai nyam tum, namshiq raq phaqsiq lap man mithen han! Namshiq thiitham ka maiq ma tiitham wan lanta, ümloq na saüli wa chiithe ma mija han?”

TRI CHONGKE 8:17

Arningkhan, namshiq ka maiqmii ningkun maq kiimaq maiqmii hong ala maq, chiithe lüwa jawan kai nguta tiima wan raa mak.

PHOWEBI 7:2

Kiijiishe Tatiwe raq Gideon ma akha chongto, “Ngi raq Midiannok tiitangke miika, ümniirai phenlabi ka pahea. Tsangshiq raq rekhat ka tsangshiq maiqmii ningkun maq tangkai nguta mongo miraq. Raüta tsangshiq raq ngi ka wea mak miraq.