ISAIA 1:4 - ASII LAKDAP Bible (BSI)

⁴ Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

Hawa Naga Bible 2001

⁴ Nuimshiq kuex vphoc rvhumc tuinx, nuimshiq kuex ngarvyx vhttax phvnx rvtuit, nuimshiq kuex miqsuirc vsac nuiyc layx vbac rvtuit! Nuimshiq mvrax htenc rueq nuimshiq kuex tvrul het wvnc kv-phuinx! Nuimshiq rueq vsawc Israel Tishox kuex khawx lvlx vtueq yix tvnungx shung kuq wuez tuit.

ISAIA 1:4 Referencias Cruzadas

RAPHA HIQWA LAK 13:13

Kiijaq sitinok ka abi kiimaq Tatiwe makki na ngarai kloti riito.

2 HOKHVMX 21:22

Apaiq raq Tatiwe, atitiim Shiikeawe kra no na thübaiqto. Raüta Tatiwe aming raütu thun ka wiita jinbaiqto.

2 KAÜWA WERAÜ 12:1

Rehoboam raq apaiq hokham ngachang ngacho kra phataqtaq hea she tiipha lot raüta sanha, apaiq nai asengi mungmaiqse kunli raq Tatiwe Thungtri raütu ka amiimshe riibaiqto.

2 KAÜWA WERAÜ 27:2

Apaiq riimin awe raq Tatiwe tiichochi chang jaq shamtaq kiikha athuk shamto. Shatmaq awe raq Shomjam na homseng honglu kuq wa raüta ngarai klotaq kiikhiika klomak riito. Shatmaq mungmaiqse raq riiwe kla ngarai ka tang wan ruq li riito.

NEHEMIA 1:7

Ngohea dea tengto. Naishiq raq ümman na pinthum ashut pahea dea klo wan kai. Laita ümtsan tiibi wan kai. Ümniiraq naishiq ma ara sham wan rong laq nguta aming akuq haü ka, lang wan mai dea. Kriika tengto. Ümniiraq ümdise Mosheq lümaq naishiq ma thungtri aming akuq haü ka lang wan maidea riikai.

Tvtsvmc 58:3

Abi kiimungti thun riika rilung wiilü ashut kloli; tsang rawii chhi wan li miiphat arot akiq chongseali.

Tvtsvmc 71:22

Ngi raq ümniika hünongtoro tsülata kai mitiitsamha; ngi raq ümnaq tsapkap ka mitiitsamha, i Shiikeawe lei. Ngi raq hiinongtoro kra tsü lata ümniima miikhon ashi mishiha, Asii Israilnok Shiikeawe ma.

Tvtsvmc 78:40

Tsangshiq raq kumtsaiphii binjü maq jang pahea apaiq kiq khii sru wanto; tsangshiq raq apaiq tsan jang pahea tiibi wanto!

Tvtsvmc 78:41

Tsangshiq raq Shiikeawe ka niqruqruq jang pahea niqsiq wanto raüta Israilnok Asii Shiikeawe tsan tiitsi wanto.

Tvtsvmc 78:57

shatmaq tsangshiq ka nilankong kiimaq awetiim kiikha apaiq wokhong na simak riito, liqsin ako ikha maiqkamsea chang riimak riito.

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

Tvtsvmc 89:18

Ümnaq, O Tatiwe lei, ümniiraq naishiq tiiwongketi ka tsealaq; ümnaq, Israilnok Asii Shiikeawe raq, naishiq ma nai hokhamwe ka kuqlaq.

DUNGWVNC 32:7

Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 1:28

Shatmaq ngarai kloti nai apaiq kiq khiiti thun ka wiita kunkun atsea mirbaiq. Apaiq wokhong wa dongho raüta, apaiq miimbaiq thüti ka loweatek wiita atsea mirbaiq.

ISAIA 10:6

Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 14:20

Jamkhano ngukla ümniiraq üm mungtan kra tiithen baiqlaü. Kiimaq ümsengi mungmaiqse thun kra tsat baiqlaü. Kriikha na ümmaa ka nanok ahinti hokhambi maa laptlaq kiikhiika lap shu mak miraq. Ümjam kunti abi klowan damti thun ka jumin atra siwan lot mak she miraq.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

ISAIA 30:15

Ajong Pinthum Tatiwe, asii Israilnok Shiikeawe raq nokmaiqse ma akha ngutlo, “Namshiq ka jang wan nong ronglaq. Lantea sangli li maq ngi ma kamtsantsii thüronglaq. Raüla namshiq ningkun ka ajong miraq kiimaq khusang maq mishonghan.” Shatmaq namshiq kra taiman tlan!

ISAIA 30:9

Tsangshiq ka wranaiqshe Shiikeawe kiqkhii sru riitinokli. Wranaiqshe arot akiq bomchongtinok. Wranaiqshe Tatiwe raq shrin kuqtlaq kra tlea sruriitinok.

ISAIA 31:2

Apaiq riika apaiq raq jamlai wa kiimungtlaq kra asap! Apaiq raq chongthum rathaiq tiisaütlo. Apaiq raq maiq abi ati maiqse kra atsea mirha nguta shiikengtlaq kra phan phan tsatbaiqtlo. Kiimaq maiq abi ati maiqse khupwongti kriima apaiq mo tiihotlo.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

ISAIA 41:14

Tatiwe raq ngutlo, “Ümniika aranse kiimaq ningkun ajom, Israil lei naqhaikiq, Ngi raq ümnaq mikhrumkang. Ngi ka, asii Israilnok Shiikeawe ahata ümnaq tiichhiiti.

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

ISAIA 41:20

Maiqse raq arthun ara michhi, raüta arka Ngi Tatiwe raq kloto nguta misap. Tsangshiq raq mitak wan arthun arka Israilnok asii Shiikeawe riidea kloto nguta misap wan.”

ISAIA 5:19

Namshiq raq ngutlan, “Tati raq apaiq raq jamlai klo chang ngutiiwa thapthitlaq, kriika jaqlolo miklolaq. Kra nguraütiq nashiq raq michhi rong i. Israilnok asii Shiikeawe raq jamlai wa thapthitaq jaqsham thun ka miklolaq. Atsan mong na jamlai wa sitlaq kra miklolaq.”

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

ISAIA 57:17

Ngi ka tsangshiq ma itsankhiq riikang. Tsangshiq ngarai tangwan kha na kiimaq tsangshiq sükhatsii thü wan kha na khiq kang. Kra ningkhan Ngi raq tsangshiq ma mo tiihokang lata tiishaübaiq kang. Shatmaq tsangshiq ka nilannok. Krai mren tsangshiq raq lungwiitlaq kriili klo wanruq riito.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

ISAIA 65:11

“Shatmaq namshiq jurwa Ngi miimbaiq lan, jurwa Ngi asii kin Jajon chela kra shipoq tlan, kiimaq kiim phra kaü Gad kiimaq ningthoi phra kaü Meni shomnoqtlanti miika pong lin miraq.

ISAIA 65:3

Tsangshiq ka tsanglaipo ahünok. Jeasi mak phan. Tsangshiq raq itsan kli tiikhiq wanto. Tsangshiq raq asii sonruk mong thun na thatsang ma honglu thun ka takuqto. Raüta thatsang berong-wacha thun na homseng honglu chaqtlo.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 2:33

Ija namshiq raq namkongtiwetiim jaijo sea kla atsin wiq han dea na. Jechak nyungre shambi liiti nyungre riimin, namshiq raq jamlai wa tiichhikuq tlan, kriika mishrin wan kata.

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

JEREMIA 32:32

Jamkhano ngukla tsangshiq raq Juda mungti nai Jerusalemti raq, tsangshiq hokhambi rai kiimaq tsangshiq welabi rai adam na, kiimaq tsangshiq ramwebi nai shammibi rai adam na pong raüta, ashut aphit bihea phan pahea she klo wanto.

JEREMIA 50:29

“Liq shamti sreabi kiima Bebilon mung ka khat rong laq nguta chong rong laq. Maiq loweatek jurwa liqsham atsinti thun ka tarü rekhat wa tiiwa ronglaq. Lanta chela ka trotam maq kom ronglaq. Lanta chela mong wa maiq ka ashi min tiijubaiq raamak. Apaiq raq jamlai wa abi klo wantaq kra tham ka apaiq ma thamkuq ronglaq. Apaiq raq nanok ka jamkho haihiitaq kra phan phan apaiq kiimin haihii ronglaq. Jamkhano ngukla apaiq raq Ngi, Israilnok Rümti Asiiwe ka roi raüta shiikongkhiq maq ajiq kiimungto.

JEREMIA 51:5

Ngi, Tati Shiikeawe, Ningkun Ajongwe raq Israil mungti nai Juda mungti ka, Ngi Israilnok Ma Asiiwe, makki na ngarai pahea tang wanto. Li jiimin, Ngi, raq tsangshiq ka shubaiqtlii ka shubaiq mang.

JEREMIA 7:19

Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

EJEKIEL 14:5

Kriithun sumla phra kong raq Israilnok ka iwokhong wa ahin niishe sheahoto. Shatmaq Ngi raq tsangshiq bomtre chongtiikang bomtsi kriimaq tsangshiq ka iwokhong na hali mitiijang sheawan lot ha sham nguta riichopi tiikang.

EJEKIEL 16:33

Mephe nyung miika amaq kampho kuqtlo. Shatmaq ümniiriika ümkongtiwetiim tlotli ma kongphiq kuq wan laüta, kiimaq tsangshiq ka kampho tsiiqlap kuq laüta, barap binriiwa heawan laü, ümphana wa raüta, ümniirai konwa dam miitu.

EJEKIEL 16:45

Tengto, ngohea shaq shaq, ümniika ümnyung jai phanti dea riilaü. Apaiq raq awese nai asetiim ka angoq aphai saisito. Ümniika ümnyino nyungtiim ikhiidea. Tsangshiq riiminla tsangwe setiim nai tsangsetiim ka saisito. Ümnaq nai ümnotiim chela ahin thun kriiminla tsangshiq ma anyung ka Hitaiq phan shea. Kiimaq tsangshiq ma awe ka Amoraiq phan riito.

DANIEL 9:11

Israilnok tlotli raq ümniiraq akuq haü aming wiita jinto. Raüta ümniiraq achong kuq haü ümbomtsi ka taimak tlea wanto. Naishiq ka ümman na shut wan kai dea. Kriikha na ümdise Mosheq lümaq akuq haü, tri raütu na waiq laü kra phan phan she dea naishiq khuthaq na ümmanson ka niwanto.

JEPHANIA 1:6

Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

WEAWEA 32:14

Kiimaq ümchaü min namshiq riika namwetiim jijai kra hali she phan wan nongtlan. Ngarai bu senye pat she hali dong nong tlan, Israilnok mung khuthaq na Tatiwe tsan khiq walü henghea kra tiisaü miitu.

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

TRI CHONGKE 29:25

Kiimaq kra bomtre ka akha miraq, ‘Arka Tatiwe senginok raq, tsangtitiim Shiikeawe raq, tsangshiq ka Ejip mung wa shea wantaq akhing na, tsangshiq rai tongshong raüta tri thü wantaq kra jinbaiq wan kha na tiithen baiqto.

TRI CHONGKE 31:16

Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.

TRI CHONGKE 32:19

“Ümtiikiiwa Tatiwe raq ara chhitaq, apaiq atsan khiqto, kra ningkhan ase maiqwesetiim nai jechaksetiim ka miimbaiqto.

TRI CHONGKE 32:5

Shatmaq namshiq ka awokhong na siman, asenginok ma ja thek man, ngarai bu kiimaq laopha mung ashi.

Colossians 1:24

Riita ngi ka ümchaü sanha, namshiq miitu chamchao tiikang arkha maq, chochi khiq li sitiikang. Ara jamkhano chongtiikang ngukla, ngi i khum na chamchao tiikang ara lümaq, Jesuq Khristo raq apaiq khum phungtu miitu, apaiq chamchao chang ümchuwa tiichong tlaq jaqthiq ka tiinyi wan miitu jaqsham holai ka riisha howan dam tiikang.

Revelation 18:5

Apaiq ngarai ka ra ham hiq ham, kiimaq Shiikeawe raq apaiq abi lamphan thun ka tsan na tiitsangshat.

PHOWEBI 10:10

Kiijiishe Israilnok ka Tatiwe man na aho asii hoqtrangto. Kiimaq akha achu jaüto, “Naishiq raq ümman na ngarai tangkai. Jamkhano ngukla naishiq raq ümnaq, naishiq Shiikeawe ka miimbaiq kai. Laita Baal phra thun ka shomnoq kai.”