ISAIA 1:21 - ASII LAKDAP Bible (BSI)

²¹ Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

Hawa Naga Bible 2001

²¹ Laukshiz tvmtuing httaz wvnc tueq ghaqyungx kuex mephex nyuiuz ikhoc shex khuemx shamx httax yaq nyix! Kvruex ghaqyungx kuex vkhing vshiz nuex tsuingrux miqsaz htenc mvrx wvnc tueq, yuq muinz majuiuc kuex miq thvy jix dvyx shex kvjungx yaq.

ISAIA 1:21 Referencias Cruzadas

2 SAMUEL 8:15

Dawit raq Israil mung tlotli ka pengto. Kiimaq apaiq raq asengi mungmaiqse wiitarü ka mren mra chhaq kiimaq tingting tri raüshi maq shin raüta peng wan miitu shiithuk wanto.

2 KAÜWA WERAÜ 19:9

Apaiq raq tsangshiq ma akha tsii chong kuqto: “Namshiq raq jaq sham tlan na Tatiwe ma shreng lantea sham rong laq. Apaiq aming ka tsapkapkap maq lang lantea, phanrap jaq ka sham rong laq.

NEHEMIA 11:1

Mung welabi ka Jerusalem chela na shong nga wanto. Kiimaq mungmaiqse wiika, maiqta taroqshi khuthaq wa, tashishi langlii raüta, lang raq thaütlaq kriita ka asii chela Jerusalem na siwan miitu tsea wanto. Kiimaq kiiwa chan tlaq maiqta tatiikaü kriika, chela ahin na shongnga wan chang, nguta bom ka riichong raüta tri ka shatthüto.

Tvtsvmc 46:4

Shiikeawe chela tiichochi chang jürai ashi asi, kriika Ratsan Ramong Nyang na sitiwe asii jam.

Tvtsvmc 48:1

Tatiwe ka ajong kiimaq apaiq ka pinthum shreng chang nashiq Shiikeawe chela na, apaiq asii hiq lampo na.

Tvtsvmc 48:8

Shiikeawe raq jaq shamtaq kra naishiq raq taikai, kiimaq ümchaü ka naishiq raq chhikai nashiq Shiikeawe chela na, Tatiwe Ajong Pinthum; apaiq raq chela ka pattup pat-sa tiiwongshat maq mithü.

ISAIA 1:22

Jerusalem lei, man na akhing ashi na, ümniika kampho ikha silaü. Shatmaq ümchaü ka thiihü she sitlaü; ümniika che asumwiq chetsai ikha riilaü, shatmaq ümchaü ka ralang khamsangtili ikha sitlaü.

ISAIA 26:10

Ümniiraq abi maiqse thun kra mangchantlaü; li jiimin tsangshiq raq riikhaqli jaqsham ka ümtiikiimin tlang mak. Ara kechu maiqse hiqshong na dongdii min, tsangshiq riika ajiq kriili shamtlo; tsangshiq raq ümnaq jonglu ka sap wan ro mak shipoqtlo.

ISAIA 48:2

Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

ISAIA 59:14

Tingting kappe tri raütu lang wan mai riikai. Kiimaq riikhaqli tri raütu ka sham wan mai riikai. Tengteng tri raütu ka nokwe ngong thun chang hiq thung ba na tiithap tha wanto. Kiimaq rung na tengteng jaqsham ka khüpho khapho akhing na ahü mokito.

ISAIA 59:15

Riikhaqli maq jaqshamti maiq ahü ngokha maq, jurwa ashut jaqsham kra thaqbaiq wan tlaq, kriiwe kiimin ashut kloti maiqse chuntsi kra ho raüta chamchao riihum wantlo.” Tatiwe raq arthun arka chhiito she. Kriikha na apaiq ka atsanbi sitlo. Jamkhano ngukla mung na tri tingting maq lang wanti maiq ahü.

ISAIA 59:3

Namshiq ka arot bom khana, jasam piqsii riitlan khana, kiimaq maiq tsattlan khana ashut kong.

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

Hosea 11:12

Tatiwe raq ngutlo, “Arot akiq Israilnok jaqsham, lapphaq lusiq tsangshiq thiitham, ngi tro na amashe phong wanto. Juda mungti riimin, tsapkapkap mangchan tsii rümti, asii Shiikeawe kiqkhii sru wan ruqli.”

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

HABAKUK 1:4

Arningkhan tri raütu ka, thiihü miishe jawanto. Kiimaq tri raü kappe ka, phowebi raq riikhaqli sham mak she. Kriikha na ajiqwe ka alamwe miishe, tiijabaiq tlo. Joksaü liiqse kong riili she, kechu maiqsetiim ka tiikom tam maq, tamphaq wanto. Kriikha na phowebi raq, khapho ka ajiq phowan tlo.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

Luke 13:34

“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

Hebrews 12:22

Shatmaq, ümchaü sanha, namshiq ka Jajon pum na, kiimaq atra Shiikeawe sichang chela ramungtan Jerusalem na, ahing amun rasetiim sitlaq, kiijiishe saü wan tlan.

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.

Revelation 11:8

Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.

Revelation 17:1

Kiijiishe, Shiikeawe tsankhiq winpin miishi shamti, rasetiim miishi phong wa ashi ka ngi phana ki raüta heato, “Wara, ngi raq ümniima, ümchaü ajong pinthum mephe nyung ka, ümtinkhan she wa mitiicham chao, kra tiichhi kuq pha. Kra chela ajong pinthum ka jürai pahea tho na atei.