ISAIA 1:16 - ASII LAKDAP Bible (BSI)

¹⁶ Ümkhum ka kongkhu tiisii helaq. Ümniiraq atinkhan abi ashut kiimung wan tlaü imakki na tiichhi rai tlaq ara kongkhu thaqbaiq tlolaq. Ngutiikang, ashut jaqsham tlaü thun ara thaqbaiqtlo laq.

Hawa Naga Bible 2001

¹⁶ Nuimshiq gvnz kuex tvsawc hoal shuinz. Ngvy rueq khiz yaq nuex nuimshiq rueq shuimx vshuinx layx vbac phvnx lotlaz kuex httvr shuinz. Rvtueq, layx bac yauk shuimc kuex httvr gay ruiux

ISAIA 1:16 Referencias Cruzadas

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

Tvtsvmc 26:6

Tatiwe lei, ngi raq ijaq ka kham maq ahea riikang ngi ka chiisan nguta tiichhike miitu lata ümnaq shomnoq berong-wacha tro na khumtiikang.

Tvtsvmc 34:14

Abi lamphan wa jang wan liishe; laüta jaqsham ahea kli shamlaq; mungtsing maq si miitu tsantsii wiita kuq laüta shiikutlaq.

Tvtsvmc 37:27

Abi lam wa jang wan laq kiimaq ahea jaq shamlaq, raüla ümsaü ümsetiim ka mung na pattup mishong wan;

Tvtsvmc 51:2

Ikhum wa abi thun ka hebaiqlaq kiimaq ngi ka ngarai mong wa tiisiirai helaq!

TAKSU LAK 21:3

Kechu jaqsham nai riikhaqli jaqsham ka, Tatiwe ma, honglu pahea akuq thaq na ahea.

TAKSU LAK 4:27

Abi jaq naq shamkiq: tingting lam ka phan laüta silaq. Tingting lam phan kiiwa, lamphai naq jin kiq.

ISAIA 52:11

Bebilon mung baiqthü miitu khekham sironglaq, namshiq wiita Shomjam hupsam pitibi raq! Apii chang phan hupsam riiqkhiq jaq maq naqsham rongkiq; namkhum ka asii maq thüronglaq. Lantea kra mung wa laü wan tlo ronglaq.

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 25:5

Tsangshiq raq namshiq ka abi rilung lam phantlan kriiwa jang wan ronglaq kiimaq namshiq raq abi jaqsham tlan kriiwa jang wan ronglaq nguta chongkuqto. Kriika Tatiwe raq namshiq ma nai namtitiim ma pattup miitu tachong hupsam hiqshong kuqthütaq kriijaq namshiq ka rilung alu maq siwan miitu chongkuqto.

JEREMIA 26:3

Jursap mungmaiqse raq ibomtsi kriiwa taijiiq riila. Raüta tsangshiq raq abi jaqshamtlaq kriilo thaq baiqjiiq riila. Tsangshiq raq kra thaqbaiq raü ka, Ngi riimin, tsangshiq raq ngarai pahea klotlaq kha na, tsangshiq ka atiithen mirbaiqha nguta toqtan tiikang kriika, tiithenbaiq mang, ngi tiima ka aklai mirha.”

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

Jona 3:8

Maiqse wiita kiimaq nyamse wiita raq khuriim kheariim samraq maq si ratlo. Tarü raq Shiikeawe jaq wa pinthum tsan tiitsi raüta makphai trok raüta achu jaü ratlo. Raüta tarü raq maiqmii abi ngarai jaqsham kiimaq tiimaq tsantsii abi thun ka wiita baiq ratlo.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.

Matthew 3:8

Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Acts 22:16

Riita, ija, ümchaü min, jaram she wa mikhesiq haü? Tiido liina. Chaplaq. Laüta kham ka lam laq. Kiimaq apaiq jaq wa achu jaü laq. Laüta, ümngarai thun ka tiihe tlo liishe,’ nguta Paul raq tsangshiq ma bom ka chongkuqto.

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

James 4:8

Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!

1 Peter 2:1

Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.

1 Peter 3:11

Apaiq raq abi kiimung wan raa mak, shatmaq athuk atsom jaqsham kli she sham wan raa tlo. Apaiq riika Phungmaiqse liipan na, kaütak rishi tümlüm tümli maq, shongnga wan jaqsham kli shiichaq wan raa tlo.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.