Hosea 9:15 - ASII LAKDAP Bible (BSI)

¹⁵ Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

Hawa Naga Bible 2001

¹⁵ Yehowa rueq, “Tsuingshiq rueq shuimx yaq layx bac yauk shuimc lotlaz kuex Gilgal ghaq maq phaungc ruiux yaq. Kvruex kuex tsuingshiq rueq ngaz muex shuiuc pac thuinz kvruex maq phaungc wvnc tueq. Tsuingshiq rueq shuimx wvnc tueq layx vbac ningkhvnc nuex ngvy mungtan wawc tsuingshiq kuex yurc gay shaungx. Tsuingshiq kuex ngaz rueq mkaq muinz lungwawx shaungx rvmuq shex; tsuingshiq vyungx vlaungx bix lotlaz rueq ngaz kuex khawx lvlx wuez yaq.

Hosea 9:15 Referencias Cruzadas

Tvtsvmc 78:60

Apaiq raq apaiq sichang tombutiip ka Shilo hiq na miimbaiqto, kriika apaiq nashiq phong na sichang jam riito.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

JEREMIA 11:15

Tatiwe raq nguto, “Ngi raq lungwiitiikang nok raq abi kiimungthun klotlo. Tsangshiq ka i Shomjam na wa miitu jamlai arang wa hotla? Tsangshiq raq kiqkham raüpot khakuq raüta kiimaq nyamse thun honglu na takuq raüta tsangshiq khuthaq na then wan rahai saü wan tlaq kra mishkhinglot rong i ngutiisha tiimatla? Kriithun raq tsangshiq ka mitiichochi shea?

JEREMIA 12:8

Ngi raq atsea wanha isenginok raq ikiq khiitlo; rum na hangsikaü ikha tsangshiq raq ngi kaq ma hok hiiqtlo, kra ningkhan ngi raq tsangshiq shutiikang.

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 3:8

Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.

JEREMIA 5:5

Ngi ka ajong alabi phana mikiha, lata tsangshiq rai mirbom kiha. Tengteng, tsangshiq raq jamlai jaqsham raüwa Shiikeawe raq miro kriika asap ahiq na, Tatiwe raq tsangshiq ma jamlai jaq tiisham rowa kriika asap ahiq.” Shatmaq tsangshiq tarü ka Tatiwe wokhong na simak, kiimaq apaiq aming ka langmak.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

EJEKIEL 23:18

Apaiq ka mungmaiqse man na mephe nyung dea nguta tantan sito. Kiimaq maiq wiitarü raq apaiq ka mephe nyung dea nguta asap riito. Ngi ka anyi nyung ma jamkho isaisitaq kiikha apaiq miimin isaisi she riito.

Hosea 1:6

Kriijai maq, Gomar raq ase ashi hali hum nongto. Ara lak niika jechakse she humto. Tatiwe raq Hosea ma, “Ümse mang ka ‘Lungwiimak’ nguta mang laq, jamkhano ngukla, israilnok ma lungwiitsii ka thümang she. Kiimaq tsangshiq mra ka diikuq mang she.

Hosea 1:9

Kiijiishe Tatiwe raq Hosea ma, “Ümse ka ‘Isengi Riimak’ nguta manglaq nguta chongto. Jamkhano ngukla Israilnok ka isengi riimak. Kiimaq ngi ka tsangshiq Shiikea riimak,” nguta chongto.

Hosea 12:11

Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Hosea 12:2

Tatiwe raq Juda mung ma kha nyantlo. Apaiq raq Israilnok kiimin, tsangshiq raq ashut klowantaq kra phanphan, sintsang mitiiho. Tsangshiq raq jamkho ashut kowantaq, kra khan khan khatham mitiichamchao.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hosea 4:9

Arkha na namshiq ramwebi ka, mungmaiqse rai chiimshi niili, midea han! Namshiq kiimin mungmaiqse rai adam na mitiichamchao wan ha.

Hosea 7:2

Shatmaq tsangshiq raq, atinkhan ngarai tangwan tlaq arka, ngi raq achhiha nguta, tsang khutsai na saümak. Ümchaü sanha tsangshiq ngarai raq alamshe riiwanto. Tsangshiq ngarai ka imak na rashra tiichhi shat,” nguta Tatiwe raq ngutlo.

Hosea 9:17

Tsangshiq raq Shiikeawe bom tlea wan kha na, I Shiikeawe raq tsangshiq ka amiimshe mirbaiq. Tsangshiq ka Pongmung na, mangtam ikhiishe mimo wan.

Hosea 9:3

Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.

LEWI 26:30

Namshiq raq hiq lam thun na shomnoq tlan jam thun kra wiita mitiithen baiqha. Namshiq raq homseng honglu kechang berong-wacha thun ka wiita michaibaiqha. Lata nam maa phong ka namshiq raq shomnoq tlan sumla thun hiq na riiphongtlaq kriithaq na miphong baiqha. Arka itsankhiq tsi ma makshu tsi miishe mikloha.

AMO LUIK DVP (AMOS) 4:4

Ajong Thaq Na Ajong Tatiwe raq ngutlo, “Israilnok lei, warong ra Bethel chela na Shiikeawe shomnoq wa, namshiq ngarai kra apapa tiipa ma. Warong riita Gildel chela na, namshiq ngarai ka apapa tiipa ma. Ranaptek nyamse honglu take wan chang kuq rong liita, namshiq ngarai apapa tiipa ma, ranaiq tsamtsam na kechang aroq khu wa honglu kra, kuq wan rong liita, namshiq ngarai kra apapa tiipa ma.

AMO LUIK DVP (AMOS) 5:27

ngi raq namshiq ka Damaskas chela tlea na, munglu shumwi miishe mitiiwa baiq ha.” Arka Tatiwe raq ngutlo. Apaiq mang ka Ningkun Ajong Pinthum Shiikeawe.

AMO LUIK DVP (AMOS) 5:5

Beersheba hiq na naqshomkiq, Bethel hiq na ngi hummaü. Bethel ka athum mirki, Gilgal hiq na naqkikiq, Tsangshiq ka shumwi ma mitsuq wan.”

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 6:5

Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”

JEPHANIA 3:3

Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.

JEKERIA 11:8

Shatmaq ngi ka sku rümti maiq wetsam kriirai, kiq ram wan lot mang she riikang. Tsangtsam raq ngi ka kai ngeng seng wanto. Kriikha niishe, jipi lüshi liipan niili, ngi raq tsangtsam ka ajo riibaiq kang.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

Acts 5:21

Krai mren, kiimwebi raq rase aming kra taito. Raüta, ranap na Shomjam na kiraüta, mungmaiqse ma trahokuqto. Ramwe Ajong Pinthum we nai akongtibi raq Jehudinok Rung welabi thun ka ngongthun rong i nguta Rung na tiiheato. Raütiishe, tsangshiq raq kiimwebi ka Rung na tiichap miitu, phaqtek mong wa sheaki rongkiq nguta peta siihiipbi ma aming kuqto.

JOSHUA 10:43

Arjai maq, Joshua nai asengi Israilnok ka Gilgal piitiip niishe jang wanto.

1 SAMUEL 7:16

Rawiitek apaiq ka Bethel chela, Gilgal chela, kiimaq Mijpa chela thun kiina tro khumki lili riitlo. Raüta arthun hiqshong maq mungmaiqse khü akha thun ka phokuq lili riitlo.