Hosea 9:1 - ASII LAKDAP Bible (BSI)

¹ O, Israilnok lei, thatsang maiqse raq lang tlaq ikha, poi naq lang rongkiq. Namshiq ka Shiikeawe wokhong wa dongho lan. Lanta mephe-nyungre ikha sitlan. Israil mung tlotli na namshiq raq, Baal phra raq namshiq trong wintlo nguta, apaiq shomnoq tlan!

Hawa Naga Bible 2001

¹ Israel miqsaz lex, nawk palx htungx vguez miqsaz htenc rueq ikhoc tvhungx vshuinx phuiuz vsvy moalx htenc kuex httvr wuez shuinz. Nuimshiq kuex nuimshiq Tishox kox wawc kvroz kaz vtueq vpiq muex tvmtuing vguez. Nuimshiq rueq nuimshiq shauk pumz kuex wvmungx tuimx vyuq mephex nyuiuz hez ikhoc Bala tishox muex shaung kuq ruiux, tuiz vtsvmz raungc raq vshuinx kuex piq ningkhvnc nuex lvp vshuinx ngoz tueq tvmaung vshuinx!

Hosea 9:1 Referencias Cruzadas

Tvtsvmc 73:27

Jurwa ümnaq shishebaiqtlaqti thun ka tengteng athum mirki; ümnaq tsapkap makti thun ka ümniiraq mitiithenbaiqhaü.

ISAIA 17:11

Ahea na li jiiminla, kriithun na ümniiraq jamlai wa chhijang wan laü thun kra anap ranap niili petsi wiq tsam cham thun kra cham raüta apü alii wa hea liishe jong wan raümin, apan seakai chang ka jam min ahü miraq. Ümniimiika chamchaoli kiimaq ümthatsi ka ahea wan chang ka riimak miraq. Tsisi wan ruqli she michanchao haü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 2:20

Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

JEREMIA 44:17

Naishiq raq man na jamlai miklohai ngutiiwa chongkai, kriili miklohai. Naishiq raq naishiq phra nyungkaü, Ramungtan Hokham Nyung kriimiili honglu mitaakuqhai. Kiimaq naishiq raq apaiq ma che honglu thun kra mitiibok kuqhai. Arka naititiim riimin, naishiq hokhamwe riimin, kiimaq naishiq pengti tuwebi riimin, manniiphü Juda mung na chela thun maq, kiimaq Jerusalem chela na chiiheawea lam thun maq honglu kuq wanto. Kra kuq wankai akhing na, naishiq ka chamtraq arong awin siwankai. Naishiq ka chiithe lüwa tonglong siwankai. Kiimaq jamlai chamchao litkot athüm alit min sap mai sikai.

AJONJÜ 4:21

Edom mungti lei, kiimaq Uj mungti lei, namshiq ka naisiq rong laq, Chochisiq ronglaq tangtlan khan khan. Namshiq chamchao rahiq akhing minla, misaü wan she. Namshiq minla cheropwe ikha, naiqhü maq maiqthoda holanta michamchao han.

EJEKIEL 16:15

“Shatmaq ümshamhea nai ümmang chong tsaki kra chhi laüta, wanwe ümphana juwa lamjap jap wan tlaq kriiti thun loweatek rai changshi na akon anga wan dam nguli li siwan laü.

EJEKIEL 16:30

Tati Rakaü Hiqwe raq ara ngutlo: “Ümniiraq arthun ajiq kiimung ara jeahü mephe nyung raq shamtlaq ikha klo wan laü.

EJEKIEL 20:32

Namshiq raq namtsan mong na, namshiq kiimin nanok pongmungti thun jamkho sitlaq kiikhiisii misi rong i nguta, athapthi wan kun she. Pongmungti thun jamkho pechong thun nai longkaü thun kra shomnoq raüta sitlaq kiikha shonga wan miitu namtsantsii ka atiinyi wan kun she. Shatmaq kriika ümtiikiimin hongwa mak miraq.

EJEKIEL 21:10

Arka maiqjiipbaiq ma minto, rachhaitlaq ikha tiichhaisea ma. Kiijaq chochisea chang ka ahüshe, jamkhano ngukla isenginok raq, phanrap honlam tsii chongke bomtsi kiimaq sintsang ka wiita shishe baiqto.

Hosea 10:5

Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.

Hosea 2:12

“Arthun ara iwesetiim raq ngi ma ijaq maq akuq,” nguta tiitsakitlaq, apaiq spiqro nai phupmup ro ka, Ngi raq wiitashe mishthen baiqha. Lata rumnyangkhi miishe mitiija baiqha. Kiimaq rumnyamse kong riishe, petsiro thun wiita mishthen baiq.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 5:4

Tsangshiq raq abi ngarai pahea klowanto. Kriiraq tsangshiq ka Shiikeawe phana tiiwa mak shangbaiqto. Tsangshiq raq sumla phra shomnoq tlaq kra, tsangshiq khachang kharü ma jakito, tsangshiq raq Tatiwe ka sapmak laqbaiqto.

Hosea 5:7

Tsangshiq raq Tatiwe kai shishe wanto. Tsangsetiim ka siqphinsekong howanto, tsangsetiim ka Tatiwe rü riimak she. Arkha na tsangshiq nai tsangmung ka Tatiwe raq ashthen she mirbaiq.

AMO LUIK DVP (AMOS) 3:2

Apaiq raq akha ngutlo: “Ara mangjong hiq raikhü na mangjong maiqse ümchuwa sitlaq krii phong wa, namshiq lamlam kli ngi raq isengi ma nguta lungwii tsantsii maq tsea wan kang. Lata tiichhanchhi wan kang. Ngi raq namshiq ka atinkhan tiichhanchhi wan phata khoti, namshiq raq ibom chong tai man maq, ngarai tang wan lan, kriikha na, ümchaü san, ngi raq namshiq kha ka phowan chang dongdii,” nguta Tatiwe raq ngutlo.

AMO LUIK DVP (AMOS) 4:5

Kechutum honglu winsii kra kuq wan rong liita, lanta achan anase kuq wan tlan kra miitu, nokwe ma chiiriim lanta tiitai kuq wan lili rong liina. O, Israilnok lei, namshiq riika akha, Shiikeawe shomnoq wan kra kai lungwii tlan kata, nguta Tatiwe Shiikeawe raq ngutlo.

AMO LUIK DVP (AMOS) 6:13

Namshiq raq Lodebar chela ka khat lanta, jiiwan kai she nguta, jaqrap jirap doqsiq tlan. Namshiq raq, “Nashiq ningkun maq Karmaim chela kiimin khat laita, jiiwankai,” nguta ra na dü wan tlan.

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

James 4:16

Shatmiitiq, namshiq ka Phungmaiqse ngu raü, ashkong tam li sitlan. Jamlai jamla kiinang wiila miklo rong i nguta ra weahü bom tlan. Akha tiitsaki rai tlan arka, Shiikeawe man na ajiq, bintang.

James 5:1

Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!