Hosea 8:8 - ASII LAKDAP Bible (BSI)

⁸ Israilnok ka pongmungti raq jop raüta jok wanto. Abun arki hamtak ikha, athü min ahüshe.

Hawa Naga Bible 2001

⁸ Israel kuex vganc miqphvnx htenc ikhoc yaungx wvnc vtueq tuik bunx ikhoc khuec guez yaungx yaq.

Hosea 8:8 Referencias Cruzadas

2 HOKHVMX 18:11

Asiria mung pengti ajong hokhamwe raq Israilnok ka Asiria mung na munglu shumwi ma tsuq wanto. Raüta tsangshiq phong wa maiq wiijam ka Hala chela na tiisi wanto. Kiimaq wiijamti ka Gojan wang na Habor Raikii tan na tiisi wanto. Kiimaq wiijamti ka Media mung na chela thun kiina tiisi wanto.

ISAIA 30:14

Namshiq ka hamliitak bunlak buncha bunki tlaq ikha mibunkihan. Chhichhii phu wachan tsoq ma dongdii min taimak aranse ikha mibunki han. Kiimaq khappong wa khamkhe nyang chang aphuse min ahü miraq.”

JEREMIA 22:28

Kiijiishe ngi raq ngukang, “Riita Hokhamwe Jehoiachin ka hamlii kolo bunki raüjaq rum na tiijobaiqtlaq ikha, maiq jurmin romak she ikhiidea sha? Arningkhan she dea sha apaiq nai asetiim ka pongmung na tsangshiq raq chhiha mak nai sap mak mung na munglu shumwi ma tsuq wan ta?”

JEREMIA 25:34

Hoqtrang ronglaq, namshiq welabi thun ka, isenginok rümti mungtubi lei, tiihong lanta hoqtrang ronglaq! Maaho majü hiq na bot khulai thaq na akap atsea phelanta hoqtrang ronglaq. Namshiq jiipbaiq wan akhing she saü wato. Namshiq ka sku aresekong ikha mitaabaiq.

JEREMIA 48:38

Mob mung na maiq jam aweatek na wukhu thung kiijaq kiimaq mungmaiqse mungthung chang ba thun kiijaq, laihin jamlai min ahü, maiq kong ka aho ajü watrang lishe. Jamkhano ngukla Ngi raq Mob mung ka hamlii tsabum tiibun bukbaiq tlaq ikha tiibunbaiq kang. Maiq jurmin lang mak chang she then kito.

JEREMIA 50:17

Tatiwe raq ngutlo, “Israilnok ka skusekong hangsi kong raq jo raüta atiipinbaiq ikha. Apha na tsangshiq ka Asiria mung hokhamwe ajongwe raq khatto. Kiimaq kra jai maq Bebilon mung hokhamwe Nebukadnejar raq tsang rii thun ka bunlaklak kaqphaqto.

JEREMIA 51:34

Bebilon hokhamwe raq Jerusalem ka tiibunbaiqto, raüta wiita phaq baiqto. Apaiq raq chela ka hamlii tsabum wa hupsam tiidongbaiqtlaq ikha tiidongbaiqto; ngorokaü raq ikha apaiq raq jokbaiqto, Apaiq raq aroro tiithumpak runto, kiimaq kriiwa chantlaq ka wiita wanbaiqto.

AJONJÜ 2:16

Ümjaqtinok raq ümniika slailiisiq tlo, kiimaq ümtheaphi na liiraü raüta, thophi riiqphi tsaihai wantlo. Tsangtili ka leahihi raüta, “Naishiq raq tiithenbaiqkai! Nashiq raq ara akhing ardea khe wan kai ihata!” nguta slaisiqtlo.

AJONJÜ 2:2

Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.

AJONJÜ 2:5

Tatiwe ka rewe ikha ja raüta, Israil mung shiithen baiqto; Apaiq raq Israil mung wa, phentiip thun nai hokham jam thun, wiita runbaiqto. Apaiq raq Juda mungti thaq na, jonjü thaq na jonjü tiitsuq kuqto.

AJONJÜ 4:2

Jajon chelati jerobi ka, nashiq ma chaq ikha rahea riito. Shatmaq ümchaü san tsangshiq ka, hütihiqli hamlii takposetiim ikhli, shiinüm shatlo.

AJONJÜ 5:2

Naishiq tachong hupsam ka, wanwe jaqkhon mong niishe; pongmungti raq naihiqshong jiiwanto, raüta naishiq jam na tsangshiq sitlo.

EJEKIEL 36:3

“Ikhla riisham bom maq tiithailaq, laüta, Ngi, Tati Rakaü Hiqwe raq jamlai wa ngutiikang ara tiitai chongkuqlaq. Ümtiikiiwa, Israil mung tro na siti maiq mung thun raq Israil ka longtaq, raüta jiiwantaq kiimaq Israil mung wa pum thun wa tsiiq anyam thun ka tsuq wantaq, kra akhing na tsangshiq tarü raq Israil ka kai shummiito.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

Romans 9:22

Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 28:64

“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.