Hosea 8:6 - ASII LAKDAP Bible (BSI)

⁶ Arka Israilnok tiiqwe raq atiiq wan. Arka Shiikeawe riimak! Samaria chela na noq tlaq minsaü sumla, bunlak buncha she mitiibun wan.

Hawa Naga Bible 2001

⁶ Thamtharc thenc yaq Israel miqsaz washiz rueq yac yuimx tvhungx yaq, kvruex kuex vsuing tishox vshiz rvmuq! Samaria ghaq nuex nawk palx yaq kuimshawx manx pung yac kuex tvbunx jek gay rvhumc tuex!

Hosea 8:6 Referencias Cruzadas

2 HOKHVMX 23:15

Kiimaq Josia raq Nebat se Jeroboam raq Bethel chela na sumla phra shomnoq chang berong ahai kriimin runbaiqto. Jeroboam raq arlümaq Israilnok ka ngarai thiikho na tiidea baiqto. Josia raq kra berong-wacha ka runbaiqto. Raüta kra langkaü thun ka bunlak buncha bukbaiqto. Raüta botkhulai rai shotbaiqto. Kiimaq apaiq raq Ashera sumla ka wa na chaqbaiqto.

2 HOKHVMX 23:19

Hokhamwe Josia raq Israil mung chelatek wa, Israil mung hokhambi raq thatsang chang berong pahea hai wantaq kra, raüta Tatiwe tsankhiq walü shaü wantaq thun kra kunkun tiithen baiqto. Apaiq raq Bethel chela wa jamkho tiithen baiqtaq kiikha siisaq barapse wa berong-wacha thun ka tiithen baiqto.

2 KAÜWA WERAÜ 13:8

Riita ümchaü namshiq ka Tatiwe raq Dawit saüsetiim ma hokham jaqsham akuq kriishe run baiq i nguta chiq chap rechap thungtlan. Namshiq ka maiq phenlabi pahea asi kiimaq Jeroboam raq nam phrakaü miitu chaq ngam maq alo han minsaü pongsetiim sumla phra kong asi.

2 KAÜWA WERAÜ 31:1

Kra poi thumjai she Israil mungti tlotli ka Juda mung na chelatek na kito. Raüta longkham thun tiibun baiqto, kiimaq jechak phra Ashera noq chang berong thun ka daqbaiqto. Kiimaq berong-wacha thun kra tiithen baiqto. Kiimaq thatsang chang jam thun kra tiithen baiqto. Tsangshiq ara jaqsham ka Juda mung hamli na kiimaq Benjamin wang na, kiimaq Ephraim wang na kiimaq Manase wang na kunli na kloto. Kra ngut raütiishe tsangshiq ka jam niishe wa wanto.

JEREMIA 10:14

Arthun ara chhi raüta, maiqse ka angikong kiimaq sunghü tsiihükong ma jakitlo. Sumla phra thun tiiqti ka tsiim jüshushu, jamto ngukla tsangshiq raq atiiq tisho thun ka arot kiimaq atsitsü ahü.

JEREMIA 48:13

Kriishe ngu raütiq, Mob mungti ka tsangshiq phrakaü Khemosh ma kamtsantsii thütlaq kra tsiim jüshushu she miraq. Israilnok raq Bethel chela na shomnoq wantaq phra kaü rai jamkho tsangshiq tsiim tiijübaiqtaq kiikhii she miraq. Tsangshiq raq kam wantaq phra kaü raq laorattaq ikha miraq.

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

Hosea 10:2

Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

Hosea 13:2

Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Mikha 1:7

Ara ariq tsangshiq phra sumla thun, wiita mitiibunbaiq. Kiimaq shomjam mephe-nyung ma akuq, tsiiqtum thun wiita wa maq michaq baiq, kiimaq phra sumla thun ka wiita mitiibun baiq. Samaria chelati raq tsangsetiim tiipa ma, nguta Phra sumla thun noq wanto, ümchaü ka tsangjaqti raq shomjam mephe-nyung re ma, maiqhiq ahin niishe miho wan.”

HABAKUK 2:18

Phra sumla aliip asi shea? Arka maiq jaq maq ahai kata. Ariiraq ümniima jamlai wa michong? Arot bomli khata michong! Sumla raq apaiq tiiqtiwe ma, jamlai wa mikuq? Phra nguraü abom min ahü!

Acts 17:29

Riita ija, nashiq ka Shiikeawe setiim she kha maq, nashiq raq Shiikeawe rong arai ka tsiimwe khiiqwe bi raq nai tiiqwebi raq, jaq maq chaq ngam wa, kampho ngam wa, kiimaq long maq sumla phra haihun tlaq kiikha sham nguta tiima ka raa mak she.

Acts 19:26

Shatmaq, lii rong laq, ümchaü arwe Paul raq, jamlai she wa riiwanta. Kra namshiq tarü raq maiqmii mak maq chhi tlan. Kiimaq maiqmii ni miishe tai tlan. Apaiq raq mungmaiqse ma, maiqse jaq maq ahaihun sumla thun kriika phra kaü ka riimak nguta traho kuqtlo. Raüta, apaiq traho bomchong lümaq, apaiq raq mungmaiqse pahea, ara Ephisia chela na sitibi mungmaiqse phong wa kiimaq Asea wang na siti mungmaiqse tsantsii ka, apaiq bomchong kra dea tengto ngutiishe trap ru wanto. Arka Ephisia na sitibi miili ka riimak, Asea wang na hamli she tiinyam wanto.