Hosea 8:10 - ASII LAKDAP Bible (BSI)

¹⁰ Shatmaq ümchaü ngi raq tsangshiq ka adam niishe mitriichomha. Lata sintsang ma mitsatha. Asiria hokham ajongwe ka isintsang kii. Tsangshiq ka tsaija chhunja michamchao wan.

Hawa Naga Bible 2001

¹⁰ Yuq muinz majuiuc ngaz rueq tsuingshiq kuex vdvmz nuex tvtuimx vtueq murx tvgurc shaungx. Mtanc httax muq nuex tsuingshiq kuex Asiria honoc rueq tuinghtuing guirguenc thuiuz hvlc rvhumc wuez tuex.

Hosea 8:10 Referencias Cruzadas

2 HOKHVMX 14:26

Tatiwe raq phiiptsi jiiptsi Israilnok mung chamchao wantaq kra chhito. Tsangshiq khrum keti maiq ka jumin ahü riito.

2 HOKHVMX 17:3

Asiria mung Ajong Hokhamwe Shalmanesar raq apaiq rai riikhatto. Kiimaq Hoshea ka Shalmanesar puk na nyapto. Raüta apaiq ma wiitek tijong tsiiq kuqto.

2 HOKHVMX 17:4

Shatmaq rawiishi she apaiq raq Ejip mung hokhamwe So pha na khrum jaükaiti kiimwebi maiq tiikito. Kiimaq apaiq raq Asiria hokhamwe ma wiitek tijong tsiiqke ka kuq mak she riito. Kiimaq kra tho ka Shalmanesar raq sap raüta apaiq raq Hoshea ka atlap riito. Raüta phaqtek na shaqbaiqto.

1 KAÜWA WERAÜ 5:26

Kra ningkhan she, Shiikeawe raq Asiria mung riimti Ajong Hokhamwe Pul (apaiq mang ka Tiglath Pilesar ngutiimin ngutlo) kriima tsang mung kriishe tiikhatto. Apaiq raq Reuben phan, Gad phan, kiimaq shedong nü wang na siti Manase phan ka pong mung na tsuq wan raüta, tsangshiq ka pattup miitu Hala chela na, Habor chela na, kiimaq Hara chela kiimaq Gojan Rai tan niishe tiishong wanto.

ISAIA 10:8

Apaiq ka akha shiikongsiqtlo, “Isengi loweatek phentubi thun ka hokham weshi shi khan!

ISAIA 30:2

Tsangshiq ka Ejip mungti tijong hokai ngi rai tsii riiwai mak maq kihoto. Tsangshiq ka Ejip mungti ka tsangtijongnok ma tiijakai kihoto. Tsangshiq ka Ejip mung hokhamwe ma kamtlo.

ISAIA 36:13

Kra ngu raütiishe siihiipwe kaü ka chaphiiq she riito. Raüta agilülü she Hibru bom miishe tiiheng wanto, “Asiria mung hokham ajongwe raq namshiq ma jamlai bom wa chongtlaq kra tiitsangtai ronglaq.

JEREMIA 42:2

ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

EJEKIEL 16:33

Mephe nyung miika amaq kampho kuqtlo. Shatmaq ümniiriika ümkongtiwetiim tlotli ma kongphiq kuq wan laüta, kiimaq tsangshiq ka kampho tsiiqlap kuq laüta, barap binriiwa heawan laü, ümphana wa raüta, ümniirai konwa dam miitu.

EJEKIEL 16:37

Ümniiraq atinkhan ashut klo laü kha na, Ngi raq manniiwa ümkongtiwetiim ka adam na mitriitamha. Ümniiraq rotlaüti thun kiimaq ümniiraq ngeng wan laüti thun kra mitriitam wanha. Ngi raq tsangshiq ka sheawan lata, ümtro na trotam na mishea wanha. Latiishe Ngi raq ümdü wa khea ka michhut baiqha, latiishe ümniika tsangshiq makki na kheahü ma she mitiichhiha.

EJEKIEL 22:20

Arka kampho, miiki, jin, chun kiimaq tin ka watum khok mong na chaq baiq raüta wadaiq na sakitlaq ikha michen wanha. Itsankhiq walütum mong na tsangshiq ka michaq baiqha. Lata jin jamkho watum mong na tiijo chenbaiq tlaq ikha michen baiqha.

EJEKIEL 23:5

Ohola ka ijamti nyung. Shatmaq apaiq ka mephe miili jaruq riito. Apaiq raq sethoq pinthum awesetiim Asiria mungti rai kiicham raütli sito.

EJEKIEL 26:7

Tati Rakaü Hiqwe raq ngutlo, “Ngi raq hokhambi thaq na ajong thaq niimin ajong pinthum Bebilon mungti Hokhamwe Nebukadnejar ka Tajar chela khatkai miitu misheahoha. Apaiq ka shekhu nü maq phenlabi rama hiqma sheaho raüta, kumrang kong kiimaq kumrang leng phong kiimaq kumrang raikhü na nga raüta rekhatti phenlabi thun kra sheaho raüta miki.

DANIEL 2:37

Chaü lei, ümniika hokhambi wiita thaq na ajong pinthum. Ramungtan na siti Shiikeawe raq ümniika ajong pinthum hokham ma shongto. Raüta ümniima ningkun, phenla ningkun, kiimaq khushü kuqto.

Hosea 10:10

Ngi kilata ara ngaraibu hoti mikhatkiha. Pongmungti re pahea shun lata, Israil mung mikhat wanha. Tsangshiq khabu jonghea, kriikha na mikhat wan.

Hosea 12:2

Tatiwe raq Juda mung ma kha nyantlo. Apaiq raq Israilnok kiimin, tsangshiq raq ashut klowantaq kra phanphan, sintsang mitiiho. Tsangshiq raq jamkho ashut kowantaq, kra khan khan khatham mitiichamchao.

HAGAI 2:6

“Jaqlolishe ngi raq ramungtan nai mangjong hiqdiim, kiimaq mangjong hiqraikhü nai sammoktra jü thun wiita mibaiqha.