Hosea 12:4 - ASII LAKDAP Bible (BSI)

⁴ Apaiq ka rase rai riiki raüta apaiq raq tangto. Raüta aholam maq achu shiiman kuqlaq nguta, rase jaq wa achu jaüto. Kiimaq Bethel chela na Shiikeawe apaiq phana kito. Raüta Jakob rai riibom damto.

Hawa Naga Bible 2001

⁴ Piq kuex raungkamx waz rulc rvkhvrc vtueq taungx tueq. Piq rueq vhtaq maq vkhoar ruimrix thoz tueq. Kvruex yimaq Tishox kuex naungshiq jix vwaz Yaku kox nuex kaz vtueq Bethel maq piq rulc rvbomc tueq.

Hosea 12:4 Referencias Cruzadas

RAPHA HIQWA LAK 25:26

Kra jai wa no ka Esau hokphi ka phataqtaq khon raüta dongkito. Kra ningkhan apaiq mang ka Jakob nguta mangto. Ara ase nai rawiichhi akhing na Isak ka wiiroqtrok maiq she riito.

RAPHA HIQWA LAK 32:24

Shatmaq apaiq ka apaiq hon hon seli she jai na tiichong kito. Kiijiishe maiq weshi apaiq phana wato. Raüta apaiq rai ranap rawüho na saüli riikisiqto.

RAPHA HIQWA LAK 32:25

Riita kra maiqwe raq tsangnai riiki raitlaq ka apaiq ra tangmak she chhi raüta, apaiq raq Jakob hiiko niishe bukto. Krai mren apaiq hüko triiche chang ba ka asi she riikito.

RAPHA HIQWA LAK 32:26

Kra maiqwe raq nguto, “Ngi ka awashe riipha; rawii wanto she.” “Ümniika tiiwa mang, ngi ma shiiman kuq maü wiiwii,” nguta Jakob raq treto.

RAPHA HIQWA LAK 32:29

Kiijiishe Jakob raq nguto, “Riita ümchaü min ümmang ka juwa chonglaq.” Shatmaq apaiq raq treto, “Ümniiraq imang ka jaram sap wa rotlaü?” Kra ngu raüta apaiq raq Jakob ka shiimanto.

RAPHA HIQWA LAK 35:15

Apaiq raq kra hiq ba ka Bethel nguta mangto.

RAPHA HIQWA LAK 48:15

Raüta apaiq raq Joseph ma akha achu shiiman kuqto: “Iwetiim raq shomnoq wantaq Shiikeawe raq, Abraham nai Isak raq shiiliwantiiwe raq, ara nono nai ara mishman kuq laq! Ümchaü ranaiq niitaq saüli ngi shunshea wanti Shiikeawe raq, tsangnai ka mishman kuq laq!

Tvtsvmc 66:6

Apaiq raq khamjong rai ka phiisü thung ma tiijabaiqto; natitiim raq khamjong rai ka hok maq jin wanto. Kiijaq nashiq chochi wankai apaiq jaqsham kra chhilaita,

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

1 Thessalonians 4:17

Kra jai niishetiq, kra akhing na nashiq ümchuwa atra sitiikaiti thun kra, tsangshiq rai adam maq, phum rai mishea wan dam. Raüta, Tatiwe rai rawang win na mirhum rong i. Kiimaq nashiq ka Tatiwe rai pattup patsa she misi wan dam rong i.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.