Hosea 12:4 - Hawa Naga Bible 2001

⁴ Piq kuex raungkamx waz rulc rvkhvrc vtueq taungx tueq. Piq rueq vhtaq maq vkhoar ruimrix thoz tueq. Kvruex yimaq Tishox kuex naungshiq jix vwaz Yaku kox nuex kaz vtueq Bethel maq piq rulc rvbomc tueq.

ASII LAKDAP Bible (BSI)

⁴ Apaiq ka rase rai riiki raüta apaiq raq tangto. Raüta aholam maq achu shiiman kuqlaq nguta, rase jaq wa achu jaüto. Kiimaq Bethel chela na Shiikeawe apaiq phana kito. Raüta Jakob rai riibom damto.

Hosea 12:4 Referencias Cruzadas

RAPHA HIQWA LAK 25:26

Yix wawc jix saz rueq Esaw yaz htuimx kuex phaungx duing shuimx iruiux jawx tueq ningkhvnc nuex Yaku ngoz tueq muingc tueq. Vsaz nueyc jawx tueq kvkaq Esak kuex rullungx wawc rok tvruk shex rvtueq.

RAPHA HIQWA LAK 32:24

yuq muinz Yaku kuex piq lauk lauk dvyx kvjungx kaz tueq. Kvkaq miq washiz kaz vtueq raungx tvwuic khvmkhvmz piq rulc rvkhvrc tueq.

RAPHA HIQWA LAK 32:25

Piq rueq taungx muq lvmx kuex tuiuz vtueq Yaku wex nuex shuiuq koq tueq vthaq kv-nyiq kaz tueq.

RAPHA HIQWA LAK 32:26

Kvruex waz kvraq, “Ngaz kuex httvr koq; raungwuic shex,” ngoz tueq. Yaku rueq, “Ngaz muex ruimruimx kuq ruiux yuq jix httvr phaungx,” ngoz tueq.

RAPHA HIQWA LAK 32:29

Yaku rueq, “Mmuingc kuex jungx kuq koq,” ngoz tueq. Yuq muinz kvruex waz rueq, “Mnoz rueq ngvy muingc kuex yvmx ngoz tueq tuiuz roc lac?” ngoz tueq wiz tueq. Kvruex yimaq Yaku muex ruimruimx kuq tueq.

RAPHA HIQWA LAK 35:15

Piq rueq kvruex baung kuex Bethel ngoz tueq muingc tueq.

RAPHA HIQWA LAK 48:15

Kvruex yimaq piq rueq Yosep muex ruimruimx kuq tueq kuex: “Ijix Abraham nuiyc iwaz Esak rueq nawk palx yaq Tishox lex, nox nueyc vmax ruimrix kuq shuiuz! Ngaz kuex majuiuc nuex httuiuc laz tvkhup wungx kuy jix Tishox lex, tsuingshiq muex ruimrix kuq shuiuz!

Tvtsvmc 66:6

Vpiq rueq svmuktvrax kuex wulthawk taung ghaq muex tvyaungc gay tueq; naungshiq jix vwaz tamx rueq yuix ruilx kuex yaz maq yanz wvnc tueq. Vpiq rueq shuimx wvnc tueq yauk shuimc htenc ningkhvnc nuex naungshiq kokez wuez vtix.

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

MALAKI 3:1

Tvphaungc Tvsuip Yehowa rueq, “Ngvy tvkoc lvmx tvyoalc lvy muex ngvy kamx waz kuex tvkaz shaungx. Kvruex yimaq nuimshiq rueq thuiyx vshuinx Taungjix kuex vpiq Shomc Yuimx nuex huingc rvhek laz maq httuiuc kaz tuex. Nuimshiq rueq vkhic roc tvlungx wanx vshuinx kamx waz kuex httuiuc kaz vtueq ngvy bomkhvrc kuex jungphvnx shuex,” ngoz tueq tvralc tueq.

1 Thessalonians 4:17

Kvruex yimaq Taungjix rulc raungwuilx wanc nuex rvhumc tvkoc, kvruex vkhing nuex naungshiq vtvraungx jix htenc kuex vthueyc kay wuez jix htenc rulc vdvmz nuex phuemx htauk nuex shvlc wvnc rvhumc tix. Kvkhoc naungshiq kuex mkaq muinz Taungjix rulc vdvmz nuex httax naungx tix.

Hebrews 5:7

Yesu kuex ghaq htauk nuex miqsaz shauk gvnz muex yaungx kaz vtueq httax tueq baunglaung, vpiq kuex vthueyc wawc palc daungc wvnc lot jix waz Tishox kox wawc muikphic svrc yaq lvmx maq guyc sez vtueq vjux thoz tueq, Tishox rueq muinz vpiq vjux thoz bomc kuex tay kuq tueq. Yvmx khoc lac ngoz ruiux lec vpiq thuinz tv-nyenz ruiux, Tishox thuinroc lvmx phvnc ningkhvnc nuex rvtueq.