Hosea 11:9 - ASII LAKDAP Bible (BSI)

⁹ Arningkhan itsankhiq walü, namshiq khuthaq na chaq mang. Ngi raq Israilnok ka shiithen baiq mang. Ngi ka Shiikeawe, han-ngam maiqse riimang. Ngi Asii Shiikeawe namshiq rai asi. Tsankhiq waniitu pilata namshiq phana kimang.

Hawa Naga Bible 2001

⁹ Ngvy thuinkhaq vtueq nuimshiq muex murx tvgurc phaungx rvmuq; Ngaz rueq Israel kuex tvbac gay yek shaungx rvmuq. Yvmx khoc lac ngoz ruiux lex ngaz kuex miqsaz rvmauk Tishox rvtauk. Ngaz kuex nuimshiq rulc vdvmz httaz jix Vsawc Waz rvtauk. Ngaz kuex nuimshiq kox nuex thuinz tvkhaq vtueq kaz raungx rvmuq.

Hosea 11:9 Referencias Cruzadas

2 SAMUEL 20:10

Joab raq ajaq jaqko nü maq jasai shamshat kriika Amasa raq hemak dea riito. Krai mren, Joab raq Amasa ka awokpo na tlatchhat shukto. Krai mren apuk aji thun ka wiita hiq na jeali li dongkito. Apaiq ka kiijaq chutli tsaito. Kiimaq Joab raq thongnai miiq kai min raa mak riito. Raüta Joab nai ano Abishai ka Sheba khatkai she apaiq jai kra johoto.

Tvtsvmc 46:5

Shiikeawe ka kra chela na sitlo, kiimaq kra chela ka ümtiikiimin shiithenbaiq mak; ranap chumaq apaiq kiraüta mikhrum kuqki.

Tvtsvmc 78:38

Shatmaq Shiikeawe ka asenginok ma tiihang mangchan tiitsishat riito. Apaiq raq tsangshiq ngarai ka adii riikuqto raüta tsangshiq ka shiithenbaiq mak dea riito. Jang pahea atsankhiq ka anin raüta shiikhingto kiimaq atsankhiq walü ka tsangshiq thaq na tiinyai chaq mak anin riito.

Tvtsvmc 85:4

Manna jamkho arong awin sikai kiikha tiisi wan nonglaq, O Shiikeawe naishiq chhiitiwe lei, laüta naishiq ma ümtsan ka naq tiibikiq she!

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 41:14

Tatiwe raq ngutlo, “Ümniika aranse kiimaq ningkun ajom, Israil lei naqhaikiq, Ngi raq ümnaq mikhrumkang. Ngi ka, asii Israilnok Shiikeawe ahata ümnaq tiichhiiti.

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

ISAIA 48:9

“Kriika maiqse raq imang mitiitsamlaq ngomaq, ngi raq itsankhiq atiikhing riiwan tiikang ara; Ngi raq kra tiikhingbaiq kang she, ümniika tiithenbaiq mang.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

JEREMIA 26:3

Jursap mungmaiqse raq ibomtsi kriiwa taijiiq riila. Raüta tsangshiq raq abi jaqshamtlaq kriilo thaq baiqjiiq riila. Tsangshiq raq kra thaqbaiq raü ka, Ngi riimin, tsangshiq raq ngarai pahea klotlaq kha na, tsangshiq ka atiithen mirbaiqha nguta toqtan tiikang kriika, tiithenbaiq mang, ngi tiima ka aklai mirha.”

JEREMIA 30:11

Ngi ka namshiq phana mikiha lata namshiq ka mitiichhiiha. Ngi raq namshiq nyinbaiq kang mung thun kra mitiithen baiqha, shatmaq Ngi raq namshiq ka tiithenbaiq mang. Ngi raq namshiq ma mo tiihohü maq tiihang mang; shatmaq ümtiikiiwa Ngi raq namshiq ma mo mitiihokang, Ngi raq riikhaqli tri maq shinlata mo ka mitiihoha. Arka Ngi, Tatiwe raq toqtan tiikang.”

Hosea 12:1

Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

TRI CHONGKE 13:17

Kra miqchup shiithen baiq chang nguta atiishut baiq hupsam kiiwa jamlai min namshiq maiqmii miitu naq thü rongkiq. Kra riihan jiitiq Tatiwe tsankhiq walüwa ikha nyaitlaq kra atsaq she miraq. Raüta namshiq ma tiihang mangchan mitiichhikuq. Kiimaq apaiq raq namshiq ma tiihang mangchan mitiichhikuq wan. Kiimaq namshiq ka namtitiim ma kiqkham kuqtaq kra phan phan awealot maiq ka pahea mitiipuchi kuq wan.

1 SAMUEL 26:8

Kra chhi raüta Abishai raq Dawit ma akha nguto, “Shiikeawe raq ümjaqtiwe ka ümchaü rawa ümjaqkhon mong niishe kiinong kuqto. Riita ümchaü min, ngi raq jaqmiiqshi miili, apaiq piq kriimiili, apaiq ka hiq na tiiphataq tlatchhat shukbaiq pha! Ngi riika thongnai ka miiqmang, jaqmiiqshi miili mitiisheha!”