Hosea 11:10 - ASII LAKDAP Bible (BSI)

¹⁰ Tatiwe raq ngutlo, “Hangsi gitlaq ikha tsangjaqtinok raq mikaqphaq. Raüla isenginok iwokhong na miwa. Tsangshiq shenyap mung wa taülaükhiq, ngi phana miwa.

Hawa Naga Bible 2001

¹⁰ “Tsuingshiq ralx htenc kuex hangsic ikhoc ngaz rueq ramc ruiux yuq ngvy miqsaz htenc rueq ngvy yix nuex phvnx wuez phuex. Tsuingshiq kuex shalx nyuip kox maq ngvy kox nuex htat htat httuiuc waung ruex.

Hosea 11:10 Referencias Cruzadas

YOBA 37:1

Rathaiq watrang raq itsan chhiiwa tiikhai banban.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 2:11

Tatiwe ka tiihaishat maq shiikumpan ronglaq;

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 2:5

Riita ümchaü sanha, Jakob saüsetiim lei, Tati raq nashiq ma rawüli tli kuq tlaq kra phan phan shongnga laita sirong i!

ISAIA 31:4

Tatiwe raq ngi ma nguto, “Skurümti kong ka ümtinkhanli gisiirai raümin, tsangshiq raq hangsi kaü nyamse kaqhotaq kriika thaq mak she kiimaq ju mak she miraq. Ikiikhiisii hali, Ngi, Ajong Pinthum Tatiwe raq Jajon Pum tiichhiikuq tiikang kriiwa, jur min ngi ka tangtalot mak.

ISAIA 42:13

Tatiwe ka nolajong ikha rekhatkai kitlo; apaiq ka tiijeshat chochikhiq rekhatkai ma. Apaiq raq rechapho ma gitlo, re riim; apaiq raq aningkun heng ajaqtinok ma tiichhikuqtlo.

ISAIA 49:10

Tsangshiq ka ümtiikiimin aramtsi riimakla khamnyangtsi chamchao mak she miraq. Rashekiitsi nai kumtsaiphii hiqke raq tiichamchao mak she miraq. Jamkhano ngukla tsangshiq lungwiitiwe riishe tsangshiq ka miriim wan. Apaiq raq tsangshiq ka tsiimse raisetiim na misheaho.

ISAIA 64:2

Tsangshiq ka khamtak wa na atiida kham phomraitlaq ikha mitiikhai siq wan. Kira satkikiq. Laüta ümningkun ka ümjaqtinok ma tiichhikuq laq. Kiimaq ümman na maiq mung thun kra akii anyii miphiipsiq laq!

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 25:30

“Jeremia, ümniiriika, Ngi raq jamlai bom wa chongkang kra wiita chiiriim laüta chongke ratlo. Ümniiraq arnok ma chongke raa dongdii, ‘Tatiwe ka ramungtan maq ahok aho misaüho; kiimaq ramungtan nyang maq amok achhai misaüho. Apaiq ka asenginok ma ahok aho miraq, apaiq ka spiqtsi tiikittiwe ikha agi asii miraq, hiqraikhü na siti maiqse angu kunli raq mitai.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

JEREMIA 33:9

Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

JEREMIA 50:4

Tatiwe raq ngutlo, “Kra akhing she saü wan raüla, Israil mungti nai Juda mungti noknai ri ka makphai trok raüta, Ngi, tsang Shiikeawe rit wan ipha niishe miwa.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

EJEKIEL 26:16

Khamjong chumkii tro na siti maiq mung thun kiiwa hokhambi ka tsangshiq hokham ngacho thun wa hiq na misatki. Tsangshiq raq awaiq angon miirii samtlaq thun kra michhutbaiq. Raüta hiq na atiikhai rokrok minga. Tsangshiq raq ümnaq thenjen wan kra chhi raüta, tsang haisitsi ma atiikhai watrangli she miraq. Atsaq min tsaq mak mitiikhai.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

AMO LUIK DVP (AMOS) 1:2

Amos raq akha chongto, “Tatiwe raq Jajon hiqlam maq gitlo; Apaiq giwatrang ramok watrang ikha, Jerusalem chela maq gitlo, nyamse rümchang nyiimlung wakram, wiitashe shinkito, kiimaq Karmel pum wa, nyamse rümchang wakram, wiita shinkito,”

AMO LUIK DVP (AMOS) 3:4

Hangsikaü raq rum na ngam kaqhü maq gitliishea? Hangsise ka abumchang longsha na, ngam phaqhü maq migansiq shea?

AMO LUIK DVP (AMOS) 3:8

Hangsi kaü giraüjaq, haimak misi shea? Ajong Thaq Na Ajong Tatiwe she bom haü jaq, shammi bom chongmak juwa misi?

Mikha 4:5

Maiq phan aphantek raq, maiqmiimii phra mang chong raüta miphan wan. Shatmaq nashiq riika, nashiq Tati Shiikeawe mang chong laita, pattup pat-sa misi wan rong i.

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

JEKERIA 10:10

Ngi raq tsangshiq ka Ejip mung nai Asiria mung wa, Jam niishe mitsuq wan ha. Lata tsangshiq shongchang hiqchü rachü niishe, mitiishong nga wan ha. Ngi raq tsangshiq ka, Gilead wang nai Lebanon wang niishe mitiishong wan ha. Tsangmung tlotli na maiqhiq tonglong lishe miraq.

JEKERIA 10:12

Ngi raq isenginok ka, ajong alanok miishe mitiija wan ha. Tsangshiq raq ngi mishomnoq wan. Raüta tsangshiq raq ngi aming lang raütiishe mishong nga wan.” Arka Tatiwe raq toqtantlo.

JEKERIA 8:7

Ngi raq isenginok pongmung na rewa shumwi ma atsuq wan thun kriika wiita midok dawan ha.

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Romans 8:1

Riita, ija ümchaü sanha, ara chongkai thun bom raü shat wan ka akhiishe shat wan i na. Juwa Khristo Jesuq rai pumshi hanshi miishe sitlaq, kriiti miika, Shiikeawe raq kha ka nyan mak she.

2 Peter 2:10

Akhek, Shiikeawe riika hi awaq ikha ashe ashi riinyat shat raüta, Shiikeawe raq akuq aming tri raü thun jin raüta siwanti thun ka, Shiikeawe raq mitiichamchao wan. Ara arot shrabi arka angi nolabi, raweahü maiqsetiim kong. Tsangshiq ka ramungtan na siti ningkun ajong rümti rasetiim miimin anato ahü shummii shaqshaq sitlo.

Revelation 10:3

Raüta, apaiq raq tiihong raüta hangsi kaü giwa ikha riimto. Apaiq raq riimjai she ramok wa trang lak miishe maq, apaiq bom ka treto.