Hosea 1:7 - ASII LAKDAP Bible (BSI)

⁷ Shatmaq ngi raq Juda mungti miika lungwiitsii mitiichhikuqha. Ngi tsangshiq Tati Shiikeawe raq tsangshiq ka mitiichhiikuq wanha. Shatmaq kra tiichhii wan jaqsham ka re tiidong lata jasam piqsii lata tiichhiike wan ka riimak. Ko aliq miika riimak. Kiimaq kumrang thaq chaoti sreabi kong lümiika riimak,” nguta Shiikeawe raq ngutlo.

Hawa Naga Bible 2001

⁷ Yuq muinz Yuda miqsaz muex kuex lungwawc thuinz tvkhic shaungx. Ngaz, Yehowa tsuingshiq Tishox rueq tsuingshiq kuex palc wvnc shaungx, yuq muinz ngaz rueq ralx lungc nuex yaung, laq, laqsvnz, mvre nuiyc mvre nuex ngaungc jix miq htenc kuex shuimc vtueq tsuingshiq kuex palc wvnc shaungx rvmuq.”

Hosea 1:7 Referencias Cruzadas

2 HOKHVMX 19:29

Raütiishe Isaia raq Hokhamwe Hejekia ma akha chongto, “Riita winji bimriim ka akha miraq. Ümchaü rawii nai rawii ka ümniiraq kaprü na jamlai wa dongman tlaq kriili mijutsiq haü. Shatmaq shiqwii shetiq ümniiraq wak na jamlai wa püwong kham ra chhijang kitlaü, kriiwa anye dong man wan tlaq kra mijut siq haü. Kiimaq spiqtsi ro ka michhi wan haü. Laüta spiqtsi ka mipan siq haü.

2 HOKHVMX 19:34

Ngi raq ara chela ka mitiiwongha. Lata re jaq wa mitiichhiiha. Arka ikhushü tiijonong wan miitu. Kiimaq Ngi raq ijaqshise Dawit ma ikiq kham kuq kang kra miitu.’”

2 HOKHVMX 19:35

Kra rawa liipan niili Tatiwe rase ashi ka Asiria phentiip kiijaq wato. Raüta phenlabi 185,000 tsat baiqto. Anap ranap chu maq liikiita, tsangshiq ka kiijaq wiita jiimbuq tsaito!

2 HOKHVMX 6:18

Kiimaq ümtiikiiwa Sirianok raq khattaq, Elisha raq akha achu jaüto, “O Tatiwe lei, ara maiqkong mak ka tiichukbaiq laq!” Kiimaq Tatiwe raq apaiq achujaü ka treto. Raüta tsangshiq mak ka tiichuk baiqto.

Tvtsvmc 33:16

Hokham weshi raq rekhat ka phenla pahea miika tang mak; phenla weshi raq rekhat ka apaiq ningkun miika tang mak.

Tvtsvmc 44:7

shatmaq ümniiraq naishiq ka naishiq renok jaq mong wa tiichhiilaü kiimaq naishiq ngengti thun ka khat laüta tangkuqlaü.

DUNGWVNC 14:13

Kiijiishe Mosheq raq treto, “Naqhai rongkiq! Namhok ni kli tiipha ronglaq. Kiimaq ümchaü ranaiq namshiq tiichhiike miitu Tatiwe raq jamlai wa klotlaq kriili liironglaq. Namshiq ara Ejip mungti ara jai na ümtiikiimin chhinong man she mirhan.

DUNGWVNC 14:30

Kra ranaiq Tatiwe raq Israilnok mungmaiqse ka Ejip mungti jaq khon mongwa tiichhii kuqto. Kiimaq Israilnok raq Ejip mungti maa phong ka khamjong chum kii na küram liira riiphongtlaq kra chhito.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

JEREMIA 25:5

Tsangshiq raq namshiq ka abi rilung lam phantlan kriiwa jang wan ronglaq kiimaq namshiq raq abi jaqsham tlan kriiwa jang wan ronglaq nguta chongkuqto. Kriika Tatiwe raq namshiq ma nai namtitiim ma pattup miitu tachong hupsam hiqshong kuqthütaq kriijaq namshiq ka rilung alu maq siwan miitu chongkuqto.

JEREMIA 25:6

Tsangshiq raq namshiq ma sumla phra thun ka naq shomnoq rongkiq, kiimaq laihin tisho thun ka naq shiililii rongkiq kiimaq namshiq maiqmii jaq maq aklo han sumla phra thun ka shomnoq lanta Tatiwe tsan ka naq tiikhiq rongkiq nguta chongkuqto. Namshiq raq apaiq aming kra lang wan hanjiika, apaiq raq namshiq ma mo ka tiihomak chang wa.

JEREMIA 33:26

Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”

Hosea 1:8

Kra jai maq, tsangnyung Gomar raq ase jechakse ka chhanchhi wan jai she, apaiq ka wiihan hali riito. Kiimaq ase ka maiqwese hum nongto.

Hosea 11:12

Tatiwe raq ngutlo, “Arot akiq Israilnok jaqsham, lapphaq lusiq tsangshiq thiitham, ngi tro na amashe phong wanto. Juda mungti riimin, tsapkapkap mangchan tsii rümti, asii Shiikeawe kiqkhii sru wan ruqli.”

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

1 SAMUEL 17:47

Krai mren, arjaq siti maiqse wiita raq, Tatiwe ma asenginok tiichhiike miitu, nepja thun riimakla, piq thun ka rarai mak. Apaiq ka rekhat tang wan ruqtiwe, krai mren, apaiq raq namshiq kunli ka naishiq jaqkhon mong na mikiinong kuq baiq.”