Biblia Todo Logo
La Biblia Online
- Anuncios -




Hosea 1:7 - Hawa Naga Bible 2001

7 Yuq muinz Yuda miqsaz muex kuex lungwawc thuinz tvkhic shaungx. Ngaz, Yehowa tsuingshiq Tishox rueq tsuingshiq kuex palc wvnc shaungx, yuq muinz ngaz rueq ralx lungc nuex yaung, laq, laqsvnz, mvre nuiyc mvre nuex ngaungc jix miq htenc kuex shuimc vtueq tsuingshiq kuex palc wvnc shaungx rvmuq.”

Ver Capítulo Copiar

ASII LAKDAP Bible (BSI)

7 Shatmaq ngi raq Juda mungti miika lungwiitsii mitiichhikuqha. Ngi tsangshiq Tati Shiikeawe raq tsangshiq ka mitiichhiikuq wanha. Shatmaq kra tiichhii wan jaqsham ka re tiidong lata jasam piqsii lata tiichhiike wan ka riimak. Ko aliq miika riimak. Kiimaq kumrang thaq chaoti sreabi kong lümiika riimak,” nguta Shiikeawe raq ngutlo.

Ver Capítulo Copiar




Hosea 1:7
26 Referencias Cruzadas  

Kvruex yimaq Esaia rueq Hokhvmx Hezekia muex ngoc, “Vruex kuex yvmx khoc yaungc wvnc juing lac lvmz vmawz rawz dvyx rvtueq. Majuiuc raungwawc nuiyc raungwawc nuex httuiuc laz mnoz rueq tsvmz raz dvyx saq shuiux, yuq muinz kvruex raungwawc htenc lvy yix maq kuex tuiz vtsvmz htenc mnoz rueq khic yuingc vtueq, kvruex phauk saq lvp shuiux, svpiq ruiuz htenc muinz mnoz rueq khic vtueq vthuey htenc kuex saq lvp shuiux.


Ngvy shauk pumz tvtsanc nganc tvkoc muinz, ngvy nvrc waz Dawid muex kuq tauk bomkhvmc ningkhvnc nuex muinz, vruex ghaqyungx kuex ngaz rueq tvwungx shaungx,’” ngoz tueq jungx tueq.


Yehowa raungkamx waz kuex kvruex raungwvrx dvyx Asiria nolaungx bix jerak kvyuq kaz vtueq, nolaungx bix 185,000 kuex thvt gay tueq. Raungnvp kvyix raungwuix wvnc yaq nuex tsuingshiq lotlaz thueyc kaz tueq.


Siria miqsaz rueq khvt kaz koq tueq, Elisha rueq, “O Yehowa lex, kvruex waz hez muik kuex tvmawz gay shuiuz!” ngoz tueq vjux thoz tueq. Yehowa rueq muinz piq rueq thoz tueq rulc rv-ngvlc tvmawz kuq gay tueq.


Piq luimc vkawc httax yaq nolaungx daungx ningkhvnc nuex hokhvmx rueq ralx khvt taungx yaq rvmuq; nolaungx washiz kuex piq hungc vlaungc maq taungx yaq rvmuq.


yuq muinz mnoz rueq nuiyshiq kuex ralx yauk wawc palc wvnc vtueq, nuiyshiq muex shuiuc pac jix htenc kuex taungx gay toq.


Moshe rueq, “Nauk hiyaz kaz! Phaungx duing rvwuez kuinz, majuiuc raungnuiyq Yehowa rueq nuimshiq yvmx khoc lac palc wvnc kv-phuinx kuex khiz wuez shuinx; nuimshiq rueq vruex Ejip nuk htenc kuex yix maq mkaq muinz khiz yek shuinx rvmuq shex.


Kvruex raungnuiyq Yehowa rueq Israel miqsaz kuex Ejip miqsaz yauk wawc palc wvnc tueq, Israel miqsaz rueq Ejip miqsaz maungx htenc kuex svmuktvrax kawx nuex rv-phungc rvrungc khiz wuez tueq.


Tishox kuex ngvy palc jix waz rvtueq; Ngaz vpiq muex tvluimc ningkhvnc nuex hiyaz mauk. Yehowa rueq ngaz muex luimc vkawc nuiyc hungc vlaungc kuq phuex; vpiq kuex ngvy palc jix waz rvtueq.


Yuq muinz Yehowa kuex nuimshiq muex menjenc kuy tvkoc bvmc yaq. Vpiq rueq mkaq muinz vlvmx shuimx yaq ningkhvnc nuex nuimshiq muex menjenc kuy tvkoc tvyoalc hvt httax yaq. Yehowa muex tvluimc jix kuex thuinz hvlc httax yaq.


Yehowa rueq ngaz muex, “Ngvy nvrc waz lex, ngaz rueq mnoz tvkoc yauk shuimc yunghvlc vshiz lvp tauk. Kvjungx yaq Israel miqsaz muex yungc loayc wvnc lvmz kuy tvkoc dvyx rvmuq, yuq muinz ngaz rueq mnoz kuex miqphvnx htenc tvkoc vwuic tvyaungc phaungx, kvkaq mungkawx lotlaz kuex palx daungc wvnc rvhumc tueq,” ngoz tueq.


Kvkhoc rvtueq Taungjix vpiq rueq nuimshiq muex vyac mal vshiz kuq kv-phuinx; yalxtux nyuiuz shiz rueq nox miqwaz saz jawx shuex, vpiq muingc kuex, ‘Emanuel’ ngoz tueq muingc shuex.


Tsuinghez rueq mnoz honc bac rullungx nuiyc mnoz rueq shuimx lvmz vshuiux layx bac yauk shuimc htenc wawc kvroz wvnc tvkoc jungx yaq, kvkhoc rvtueq Yehowa rueq mnoz nuiyc mjix m-waz tamx muex pattup httaz tvkoc kuq shec tueq mungtan nuex mnoz tvhttoarc httax wvnc lvp tuiux.


Tsuingshiq rueq mnoz muex vganc tishox htenc nawk palx muq tvkoc nuiyc mnoz rueq tvhungx shuiux phara yac yuimx htenc nawk palx vtueq Yehowa tvkhaq muq tvkoc jungx wvnc tueq. Mkhoc shoc maq mnoz rueq Yehowa kvjaz kuex phvnx ruiux yuq, piq rueq mnoz muex murx tvgurc muq.


Vruex yauk shuimc kuex ngaz rueq khauk khauk shuimx tauk ikhoc, vruex ngvy bomkhvrc kuex Yaku suiuz vsaz htenc rulc muinz, ngvy nvrc waz Dawid rulc muinz, ngaz rueq tv-phaungc ngaungx shec shaungx. Abraham, Esak nuiyc Yaku hez suiuz vsaz htenc htauk nuex guimz lawc tvkoc Dawid suiuz vsaz vshiz kuex ngaz rueq thvl taq shec shaungx. Ngaz rueq ngvy miqsaz muex menjenc vtueq tsuingshiq kuex lauk shiz hulawx tvrungx wanx yek shaungx,” ngoz tueq jungx tueq.


Gomer rueq vsaz yalxjuik saz muex puix puinc yix maq, piq nuex wvgvnz yaungx yek vtueq miqwaz saz vshiz hulawx lvp yek tueq.


Yehowa rueq, “Israel miqsaz rueq ngaz muex vrot vkaq kvjaz htenc nuiyc vlauc vlawc kvjaz htenc maq tvroz komc wvnc phuex, Yuda miqsaz rueq muinz tvmtuing httax ruiux vsawc Tishox rvtauk ngaz kuex majuiuc nuex httuiuc laz khawx lvlx wuez yaq.


Raungkamx waz rueq Yehowa kox wawc vruex bomjungc kuex Zerubabel muex kuy tvkoc ngaz muex vkhoc jungx phuex: “Mnoz kuex nolaungx bix hungc maq muinz rvmuq, mhungc vlaungc maq muinz rvmuq, yuq muinz ngvy siyac maq jix taungx wvnc shuiux.


Yehowa rueq vpiq miqsaz kuex yaung vpaq shuimc rac muq maq palc wvnc yaq kuex, vyuq httax yaq miq pumz tek rueq khiz wvnc lvp shuex. Vpiq kuex ralx lungc taungx jix waz rvtueq, nuimhez lotlaz kuex vpiq rueq ngvy yauk nuex lekuq phuex,” ngoz tueq tvralc kuq tueq.


Síguenos en:

Anuncios


Anuncios


¡Síguenos en WhatsApp! Síguenos