HABAKUK 1:12 - ASII LAKDAP Bible (BSI)

¹² O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

Hawa Naga Bible 2001

¹² Yehowa lex, mnoz kuex raungphaungc ghaqwaungc maq phuex Tishox rvtoq. Mnoz kuex ngvy Tishox rvtoq, vsawc nuiyc pattup httax vtuiux. Yehowa ngvy Tishox nuiyc ngaz muex tvkhup wungx kuy jix waz lex, mnoz rueq Babelon miqsaz htenc kuex thvl wvnc vtueq tsuingshiq muex hungc vlaungc tvhungc kuq toq, kvkhoc rvtueq tsuingshiq rueq nuiyshiq muex murx tvgurc kuq lot yaq.

HABAKUK 1:12 Referencias Cruzadas

RAPHA HIQWA LAK 21:33

Raütiishe Abraham raq kra Beersheba hiq shong na Tamarisk pechong se ashi chhito. Kiimaq Tatiwe, Pattup Pat-sa Shiikeawe kra shomnoqto.

2 HOKHVMX 19:25

“Ngi raq arthun arka man na rathup raphaji niiphü dongdii asü rii wanha ngutiika taimaü dea shea riilaü? Krai mren, Ngi raq ümchaü she arthun ara klo wan kang. Ngi raq ümniima kiitelong maq trotam maq rukje chela thun kra botkhulai rai shotbaiq wan miitu ningkun kuqkang.

Tvtsvmc 102:24

O Shiikeawe lei, ipat misung shaq na irilung ka ümchaü naqlam wankiq. O Tatiwe lei, ümniika pattup pat-sa sitiwe;

Tvtsvmc 118:17

Ngi ka tsaimang, shatmaq atrali misiha, lata Tati raq ümtinkhan wa jaq shamkuqtaq kra chii riimlata michongha.

Tvtsvmc 149:2

Chochi ronglaq Israil lei, jamkhano ngukla üm Phansangtiwe asi; chochi ronglaq, Jajon hiqti lei, üm hokhamwe asi!

Tvtsvmc 17:13

Kira, Tatiwe lei! ijaqtinok ka tiinamtok khat laq! Ngi ka abi maiqsetiim jaqkhon wa ümnepjasai maq tiichhii kuqlaq.

Tvtsvmc 18:1

Ngi raq ümnaq pinthum lungwii tiikang, Tatiwe lei! Ümniika ngi tiiwongketi.

Tvtsvmc 74:12

Shatmaq ümniika aphaji miiphü naishiq hokhamwe riilaü, O Shiikeawe lei; ümniiraq naishiq ka jang pahea tiichhiikuq laü ihata.

Tvtsvmc 90:1

O Tatiwe lei, ümniika wranaiqshe naishiq jam.

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

Tvtsvmc 93:2

Ümhokham ngacho ka, O Tatiwe lei, rapha hiqwa min mishaq niiphü phataqtaq dongdii, kiimaq ümniika rahiq min midongshaq niiphü asi dongdii riilaü.

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

ISAIA 37:26

“Ümniiraq arthun hong wantaq arka rathup rapha niiphü Ngi raq athapthi wan ngoka tai maü shea? Krai mren, ümchaü Ngi raq arthun ara klo wan kang she. Ngi raq tiina ümniima kiitelong maq peruk weshaü tangphak phak aruk chela thun kra botkhulai rai shottlii tiithen baiq wan miitu ningkun kuqkang.

ISAIA 40:28

Sapmaü shaqli shea? Taimaü shaqli shea? Tatiwe ka pattup pat-sa Shiikeawe; apaiq raq mangjong tlotli phansangto. Apaiq ka ümtiikiimin hunnii mak phan. Jurmin apaiq tsantsii ka khonlot mak.

ISAIA 43:15

Ngi ka üm Tatiwe, asii üm Shiikeawe, Ngi raq ümnaq phansang wan kang, Israil lei, kiimaq ka Ngi ka üm hokhamwe.”

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

JEREMIA 30:11

Ngi ka namshiq phana mikiha lata namshiq ka mitiichhiiha. Ngi raq namshiq nyinbaiq kang mung thun kra mitiithen baiqha, shatmaq Ngi raq namshiq ka tiithenbaiq mang. Ngi raq namshiq ma mo tiihohü maq tiihang mang; shatmaq ümtiikiiwa Ngi raq namshiq ma mo mitiihokang, Ngi raq riikhaqli tri maq shinlata mo ka mitiihoha. Arka Ngi, Tatiwe raq toqtan tiikang.”

JEREMIA 4:27

(Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

JEREMIA 46:28

Ngi ka namshiq phana mikikang, lata namshiq ka mikhup wongkuq kang. Ngi raq maiq mung thun ka wiita mitiithen baiqha, ngi raq namshiq nyinbaiq wan kang mung thun kra, shatmaq Ngi raq namshiq ka tiithenbaiq mang, Ngi raq namshiq ka mo tiihohü ka tiihang mang; shatmaq ümtiikiiwa Ngi raq namshiq ma mo tiihotiikang, Ngi raq riikhaqli athi latli mitiihoha. Arka Ngi, Tatiwe raq toqtan tiikang.”

JEREMIA 5:18

Tatiwe raq ngutlo, “Li jiimin kra akhing niimin ngi raq isenginok ka tiithumpak lang lang ka tiithumbaiq mang mitha.

AJONJÜ 5:19

Shatmaq O Tatiwe lei, ümniika pattup pat-sa hokham. Ümniiriika phangthum na saüli, mung mirüm wan haü.

EJEKIEL 30:25

Tengteng. Ngi raq apaiq ningkun ka atiijom mirbaiqha. Kiimaq Bebilon mung hokhamwe ningkun ka atiijong mirkuqha. Ümtiikiiwa Ngi raq apaiq ma inepja ka kuqtiikang, kiimaq apaiq raq kra nepja maq Ejip mung nü na tiinyijiiq, maiqse wiitarü raq Ngi ardea Tatiwe nguta misap wan.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

HABAKUK 3:2

O Tatiwe lei ngi raq, ümjaqsham jonghea sham laü, kra tsütsa ka tai wan kang. Kra tai lata ngi ümman na, kai shreng manto haisong thü tiikang. Ümchaü naishiq pat niimin thongshi ri hali, shamkuq nong liina. Awang chang jaqsham laü thun ka, ümtsankhiq ranaiq niimin naishiq ma, tiihang wan mangchan thülaq,

HABAKUK 3:6

Apaiq la chapki kiijiila, mangjong hiq rai khü ka, atiikhai banban riitlo. Apaiq raq liisaq riikla, mangjong wa maiqmung thun ka, atiikhai rokrok riitlo. Pattup pat-sa pumkaü thun ka, wiita tiingok wan tlo. Pattup pat-sa ku akin thun ka, wiita tham wantlo. Ara ku akin thun ara richü pat na, apaiq khumshiim chang riito.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

MALAKI 3:6

“Ngi ka Tatiwe. Kiimaq ngi ka klai mang phan. Arningkhan namshiq Jakob saüse phan ka thumli ka thumki mandea.

Acts 3:14

Apaiq ka asii kiimaq kechu maiqse. Shatmaq, namshiq raq apaiq ka tiishaü baiq lan. Kiimaq, namshiq raq apaiq la na, matwe ashi phaqtek mong na ashaq kriiwe kra khoti tiidongke raa nguta, Pilat jaq wa shiichut jaü lan.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

TRI CHONGKE 33:27

Shiikeawe ka wranaiqshe ümnaq tiiwongti; pattup pat-sa jaq phum maq ümnaq thü datlo. Apaiq raq ümjaqtinok ka ümniiraq hiq jiiwantlaü kra phan phan jobaiq wanto, kiimaq ümniima tsangshiq ka wiita jiipbaiqlaq nguta ümniima chongto.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.

1 SAMUEL 2:2

“Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.