HABAKUK 1:12 - Hawa Naga Bible 2001

¹² Yehowa lex, mnoz kuex raungphaungc ghaqwaungc maq phuex Tishox rvtoq. Mnoz kuex ngvy Tishox rvtoq, vsawc nuiyc pattup httax vtuiux. Yehowa ngvy Tishox nuiyc ngaz muex tvkhup wungx kuy jix waz lex, mnoz rueq Babelon miqsaz htenc kuex thvl wvnc vtueq tsuingshiq muex hungc vlaungc tvhungc kuq toq, kvkhoc rvtueq tsuingshiq rueq nuiyshiq muex murx tvgurc kuq lot yaq.

ASII LAKDAP Bible (BSI)

¹² O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

HABAKUK 1:12 Referencias Cruzadas

RAPHA HIQWA LAK 21:33

Kvruex yimaq Abraham rueq Bersheba nuex dumx wauk jungx kuex khic vtueq, Yehowa Pattup Pat-sac Tishox muex nawk palx kuq tueq.

2 HOKHVMX 19:25

“Vruex lotlaz kuex mvnnuex phuex ngaz rueq tvhungx htaungx wvnc tauk lvmz mnoz rueq mkaq muinz tay muq doc haz? Majuiuc muinz kvruex yauk shuimc htenc kuex ngaz rueq tvhttoarc vtueq shuimx vshaungx. Ngaz rueq mnoz muex palx vruk ghaqyungx htenc kuex lung phungc tvyaungc gay lot yaq luimc vkawc kuq wvnc phaungx.

Tvtsvmc 102:24

O Tishox lex, ngaz max kuiux kawx wvnc shauk nuex ngvy rullungx kuex nauk lvmz wvnc kaz. O Yehowa lex, mnoz kuex pattup tvraungx httax vtuiux;

Tvtsvmc 118:17

Ngaz kuex thueyc wvnc taungx rvmuq, kvkhoc tvraung, ngaz tvraungx httax vtueq, Yehowa rueq shuimx wvnc tueq yauk shuimc htenc kuex jungx tvkhic kuq shaungx.

Tvtsvmc 149:2

Israel lex, nuimshiq Tvdungc Sungc jix Waz ningkhvnc nuex kokez wuez kuinz; Zion miqsaz htenc lex, nuimshiq hokhvmx waz ningkhvnc nuex kokez kvsomc parc kuinz!

Tvtsvmc 17:13

O Yehowa lex, kaz loq! Ngaz ralx htenc kuex khvt vtueq taungx gay shuiuz! Layx bac jix htenc kox wawc m-yaung kvmaq ngaz kuex pec wvnc koq;

Tvtsvmc 18:1

Yehowa lex, ngaz rueq mnoz kuex pinhtumc lungwawx vphaungx! Mnoz kuex ngvy tvkhup wungx kuy jix waz rvtoq.

Tvtsvmc 74:12

Yuq muinz O Tishox lex, mnoz kuex vphaungc vyaungc maq phuex nuiyshiq hokhvmx waz rvtoq; mnoz rueq nuiyshiq kuex paung-hvlc lauk palc wvnc phux.

Tvtsvmc 90:1

O Yehowa lex, mnoz kuex nuiyshiq mkaq muinz httaz juing yuimx rvtoq.

Tvtsvmc 90:2

Kuz vkanx htenc max tvdung sung shauk nuiyc mungkawx max dung jauz nuex phuex mnoz kuex vphaungc vyaungc Tishox rvtoq, vhtumx vguez pattup pat-sac Tishox muinz mnoz rvtoq.

Tvtsvmc 93:2

O Yehowa lex, mnoz hoc daung- raungc kuex vphaungc vyaungc maq phuex phaungx ngaungx hvlc rvtueq, mnoz kuex vkhing max httax nuex phuex vhttax rvtoq.

ISAIA 31:1

Ejip mungx nuex romc kuy tvkoc thoz kay jix kuex vphoc rvhumc yaq! Tsuingshiq kuex Ejip mungx nuex paung yaung yaq nolaungx hungc, mvre htenc, nolaungx renc htenc nuiyc nolaungx bix htenc muex tvluimc wuez yaq. Yuq muinz tsuingshiq kuex Yehowa Israel muex vsawc Tishox muex kvmx muq, romc kuy tvkoc muinz vpiq kox wawc thoz muq.

ISAIA 37:23

Ukhaq muex lac mnoz rueq shummarc vtueq ngoz ngax gay vshuiux? Mnoz rueq Israel muex vsawc Tishox ngaz kuex wvlc guez tvyaungc vphux.

ISAIA 37:26

“Vruex lotlaz kuex mvnnuex phuex ngaz rueq tvhungx htaungx wvnc tauk lvmz mnoz rueq mkaq muinz tay muq doc haz? Majuiuc muinz kvruex yauk shuimc htenc kuex ngaz rueq tvhttoarc vtueq shuimx vshaungx. Ngaz rueq mnoz muex palx vruk ghaqyungx htenc kuex lung phungc tvyaungc gay lot yaq luimc vkawc kuq wvnc phaungx.

ISAIA 40:28

Mnoz rueq tuiuz muq haz? Mnoz rueq tay muq haz? Yehowa kuex pattup phaungx ngaungx yaq Tishox rvtueq; vpiq rueq mungkawx lotlaz tvdung sung tueq. Vpiq kuex mkaq muinz vnyec, vnulx ngoz tueq vguez. Uraq muinz vpiq kvmungx kuex tuiuz tay lot muq.

ISAIA 43:15

Ngaz kuex Yehowa mnoz muex vsawc Tishox rvtauk. Israel lex, ngaz rueq mnoz kuex tvdung sung phaungx, ngaz kuex mhokhvmx rvtauk,” ngoz tueq jungx tueq.

ISAIA 49:7

Israel muex vsawc Tishox nuiyc palc daungc jix waz rueq lotlaz rueq wvlc guez tvyaungc yaq waz, Miq phvnx htenc rueq shuiuc pac yaq waz nuiyc guimz lawc jix hez nvrc waz muex yaungx yaq waz kox nuex vkhoc jungx yaq: “Hokhvmx bix rueq mnoz kuex tvdung gay rvhumc tuiux, tsuingshiq rueq tvtsanc nganc yaq kuex tvkhic tvkoc kvtenc wvnc tuiux; hokhvmx sahez rueq muinz kvruex khiz wuez shuex, tsuingshiq rueq mnoz kuex tvtsanc nganc tvkoc bumx vtueq nawk wuez shuex.” Yehowa vpiq nvrc waz kuex thvlc tvy ningkhvnc nuex vruex lvmz yaungx wvnc tuex; Israel muex vsawc Tishox rueq vpiq bomkhvmc htenc kuex tvmvrc shuex.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

JEREMIA 30:11

Ngaz kuex nuimshiq kox nuex kaz vtueq palc wvnc phaungx. Ngaz rueq nuimshiq tvpanc gay phaungx htenc wawc miqphvnx lotlaz kuex tvbac gay shaungx, yuq muinz ngaz rueq nuimshiq kuex tvbac gay mauk. Ngaz rueq nuimshiq kuex murx tvrvhumc mauk maq httvr mauk; yuq muinz ngaz rueq nuimshiq muex murx tvgurc ruiux yuq, ngaz rueq menjenc phaungx. Ngaz, Yehowa rueq jungx vshaungx.”

JEREMIA 4:27

Ghaq lotlaz kuex yaruix rumz muex yaungx wvnc tuex, yuq muinz dup sauk bac wvnc tuex rvmuq lvmz Yehowa rueq jungx shec tueq.)

JEREMIA 46:28

Ngaz kuex nuimshiq kox nuex kaz vtueq palc kaz raungx. Ngaz rueq nuimshiq tvpanc gay phaungx mungtan wawc miqphvnx lotlaz kuex ngaz rueq tvbac gay shaungx, yuq muinz ngaz rueq mnoz kuex tvbac gay mauk. Ngaz rueq nuimshiq muex murx tvgurc mauk maq httvr gay phaungx rvmuq; yuq muinz ngaz rueq mnoz muex murx tvgurc phaungx nuex, ngaz kuex tvrac vlvmz maq tvgurc phaungx. Ngaz, Yehowa rueq jungx vshaungx.”

JEREMIA 5:18

Yehowa rueq, “Kvruex raungnuiyq kvkaq dvyx ngvy miqsaz htenc kuex tvdup suik tvbac gay shaungx rvmuq.

AJONJÜ 5:19

Yuq muinz, O Yehowa lex, mnoz kuex pattup hokhvmx rvtoq, vkhing htumx wvnc nuex httuiuc laz guimz lawc shuiux.

EJEKIEL 30:25

Rvtueq, ngaz rueq piq kuex hunglaungc tvnulx gay ruiux Babelon hokhvmx muex hunglaungc tvhungc shaungx. Ngaz rueq piq muex yaung kuq shaungx nuex piq rueq Ejip mungx nuex tvmuiz shuex kvkaq, ngaz Yehowa rvtauk lvmx miq tek vtueq tuiuz wvnc wuez shuex.

Mikha 5:2

Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

HABAKUK 3:2

O Yehowa lex, mnoz rueq shuimx wvnc toq kuex ngaz rueq tay tauk, ngaz kuex kawc yawc svy thuiuz mvrc vtaungx. Majuiuc nuiyshiq vkhing htenc nuex mnoz rueq shuimx wvnc toq yunghvlc htenc kuex lauk shiz shuimx yek shuiuz. Mnoz thuinkhaq ruiux doc muinz, menjenc koq.

HABAKUK 3:6

Vpiq jvp ruiux yuq, ghaq kvbex yaq; rvmak laz lawc koq tueq miqphvnx htenc hiyaz kvkhuirc wuez tueq, pattup pat-sac kuz vkanx htenc kuex bunx wvnc vtueq; mkaq muinz httax yaq ghaqluimx htenc, mvnnuex maq phuex vpiq khuemx juing ghaqluimx htenc htuip wvnc tueq.

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

MALAKI 3:6

“Ngaz kuex Yehowa rvtauk, ngaz kuex kvlayc kaz taungx rvmuq. Kvkhoc rvtueq Yaku suiuz vsaz phvnx htenc lex, nuimshiq kuex dup suik momaq wvnc vtuinx rvmuq.

Acts 3:14

Vpiq kuex vsawc nuiyc miqhvlx waz rvtueq, yuq muinz nuimshiq rueq vpiq kuex tvdux gay ruiux, miq thvy jix waz kuex tvdungc kuy tvkoc nuimshiq rueq Pilat kox wawc thoz wuez tuit.

TRI CHONGKE 32:4

Yehowa kuex hungc vlaungc maq mvrc yaq nuimshiq kvwungx juing rvtueq, Vpiq lvmx htenc lotlaz kuex hunghtaungx vtueq tsuingruik yaq; Nuimshiq Tishox kuex tvmtuing nuiyc tsuingrux rvtueq; Vpiq kuex vlvmx nuiyc tvrac vlvmz rvtueq.

TRI CHONGKE 33:27

Tishox rueq nuimshiq kuex pattup pat-sac tvkhup wungx kuq yaq; Vpiq rueq pattup yauk phumz maq nuimshiq muex romc kuq yaq. Vpiq rueq nuimshiq khuemc juing lvmx wawc ralx htenc kuex yurc gay tueq, ralx htenc kvruex tvbac gay tvkoc nuimshiq muex nvr yaq.

1 Timothy 1:17

Pattup pat-sac Hokhvmx yaungx yaq, batac momaq kaz muq, muik maq khiz lot miq, vshiz dvyx httax yaq Tishox kuex pattup pat-sac rullungx wvlex tvtsanc nganc nuiyc ngauz vngax mhttax wvnc kueq! Amen.

1 Timothy 6:16

Vpiq dvyx thueyc muq maqmuq waz rvtueq; vpiq kuex ukhaq muinz kvnvp lot muq raungwuic phez nuex httax yaq. Uraq muinz vpiq kuex khiz muq doc, uraq muinz khiz lot muq. Vpiq nuex tvtsanc nganc juing nuiyc pattup ngauz vngax mhttax wvnc kueq! Amen.

Hebrews 13:8

Yesu Christu kuex m-yac raungnuiyq, majuiuc raungnuiyq, yix wawc pat vjat mkaq muinz rv-ngvlc dvyx httaz yaq.

Revelation 1:11

Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.

Revelation 1:8

Majuiuc pat, mvnnuex pat, yix maq pat nuex muinz httax hvt dvyx httax yaq Tvphaungc Tvsuip Taungjix Tishox rueq, “Ngaz kuex vphaungc nuiyc vtvsuip rvtauk,” ngoz tueq jungx tueq.

1 SAMUEL 2:2

Ukhaq muinz Yehowa ikhoc vsawc jix vguez; vpiq ikhoc ukhaq muinz httax muq, nuiyshiq Tishox rueq ikhoc tvkhup wungx kuy jix ukhaq muinz vguez.