EJRA 9:8 - ASII LAKDAP Bible (BSI)

⁸ Shatmaq ümchaü ka heashise miitu naishiq, Tati Shiikeawe ümniiraq naishiq ma kaphap mangchan she hali tiichhikuq wan nong tlaü. Laüta naishiq phong wa maiq wiijamti tiichong wan laü, kra di-ama rilung kharü mong wa dokda kuq wan laü she. Laüta rilung tsitsü anye she kiqkap jaqshap maq singa wan miitu tsitsü triichüm kuq wan laü. Laüta ara asii hiqshong na hali tiishongnga kuq tlaü.

Hawa Naga Bible 2001

⁸ O Yehowa nuiyshiq Tishox lex, mnoz rueq majuiuc vkhing vtut saz nuex dvyx nuiyshiq wvyvmc kuex dax wawc tvdung ruiux, vruex vsawc baung vyuq suinglix maq httaz lvp tvkoc kejux nuiyshiq muex kuq phux. Mnoz rueq nuiyshiq kuex dax wawc tvdung wvnc vtueq, rullungx vnyalx kuex kuq phux.

EJRA 9:8 Referencias Cruzadas

2 HOKHVMX 19:4

Asiria mung rümti ajong hokhamwe raq asengi ajong pinthumwe ka atra Shiikeawe tiishummiikai tiikito. Riita üm Tatiwe, üm Shiikeawe raq arthun shummii tlaq ara mitailaq. Raüta akha bomti thun ma sintsang mitiiholaq. Arningkhan nashiqnok ümchuwa aso tiichong tlaq kra miitu Shiikeawe jaq wa achu jaülaq.”

EJRA 9:9

Naishiq ka akhing ashi na di ma jakai. Shatmaq ümniiraq naishiq ka di ama rilung mong niili ka tiishaü baiqthü maü riilaü. Ümniiraq Parsia mung langwanti hokham ajongbi thun tsan nai tsii ka, naishiqnok khuthaq na mangchan tsantsii tiichhike miitu, tsangshiq tsan nai mongjii kilü ahea she dikuq wan laü. Krai mren, tsangshiq raq naishiq ka khusang rilung shongnga wan nong miitu, kiimaq ümnaq shomnoq wan chang Shomjam atiithenbaiq kra, tiihea hai wan nong miitu kilü she dikuq laü. Kiimaq ara Judia mung nai Jerusalem chela na khusang maq shongnga wan miitu, akhing ahea she kuq wan nong tlaü.

NEHEMIA 1:11

Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

NEHEMIA 9:31

Kiitin khan taü maq li jiimin, ümnaq tiihang wan mangchan tsii ka, jonghea kha maq, ümniiraq tsangshiq ka, thumpak lang lang, tiithum maü riilaü. Ümniika kaphap mang chan, kiimaq tiihang wan mangchan jonghea, rümti Shiikea!

YOBA 33:30

apaiq raq maiqse rilung ka tiichhii kuqtlo, raüta apaiq ma rilung ahea maq siwan chochi kra kuqtlo.

Tvtsvmc 13:3

O, Tatiwe lei, i Shiikeawe lei, ngi ara liilaq. Ngi ma iningkun kra jangkuqlaq; ngi ka naq tiitsaikiq.

Tvtsvmc 13:4

Ijaqtinok ma, “Naishiq raq apaiq ka tangkai,” nguta naq tiingokiq. Ngi dea wan kra chhi raüta tsangshiq ka naq tiichochikiq.

Tvtsvmc 138:7

Ngi ka litkot chamchao mong na sikang na, ümniiraq ngi khupwong kuqlaü. Ümniiraq ijaqtinok khiqriq ka tokuqlaü laüta ümningkun maq ngi tiichhiikuqlaü.

Tvtsvmc 34:5

Maiqraq tiichamchaotlaqti raq apaiq jaq liitlo kiimaq chochitlo; tsangshiq tsiim ka ümtiikiimin tiijü mak miraq.

Tvtsvmc 85:6

Naishiq ka ajong alunok ma tiija nonglaq, raüla naishiq, ümsenginok raq, ümniika mitiitsamkam nongkai.

TAKSU LAK 29:13

Miitsan maiqse nai, apaiq haihiitiwe ma, taro hupsam ka ashili. Tsangnai wiita ma makpo ka Tatiwe raq sii kuqto.

THARC TVLUINGC 12:11

Taksu maiqse bomchong ka skurümti raq sku rümchang nyeakii siraüraü shamtlaq ikha, siraü raü. Kiimaq taksma bomtsi archom wan kriika, khili phataqtaq atübaiq ikha. Pattup miitu atsing angang bomtsi. Arthun arka nashiq tarü riimti. Shiikeawe raq akuq riito.

ISAIA 1:9

Riita Tati Ajong Pinthum raq khup wongkuq mak nguraü ka akha aso amose dongdii min tiichong mak, Sodom nai Gommora chela then wantaq kiikha ara Jerusalem chela armin laimiq mitiithen baiq wa.

ISAIA 14:3

Tatiwe raq Israilnok ka chamchao litkot walü mong wa kiimaq tsangshiq ka di ma tiija raüta ningkun maq jaq tiisham shiinüm shatlaq kriiwa mitiichhiikuq wan.

ISAIA 56:5

ümmang chong ka i Shomjam na mitiitsang wan. Kiimaq isenginok phong na rawii luhea na saüli tsan na mitiitsang wan. Kriika ümniiraq ümse maiqwe sere nai jechak sere asi nguraü jaq ümtin khan tiitsang wan chang wa kra thaq na rahiq alu mitiitsang wan. Ümniika ümtiikiimin laqbaiq mak she miraq.”

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

JEREMIA 42:2

ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

JEREMIA 44:14

Juda mungti Juda mung baiqthü raüta Ejip mung na maiq ümchuwa, laühotaq thun ka kunkun, weshi min lun mak kiimaq weshi min tiichong mak mitsai. Tsangshiq raq Juda mung na siwa nong ro tsin-ngin tlaqti thun ka, tsangshiq phong wa maiq weshi ra dongdii min Juda mung na jang wan lumak she miraq. Maiq ashi ra min jang wan lumak miraq. Phanshi rase, wanshawe anai atsam lamlam se kli mijang wan lot.”

EJEKIEL 14:22

Maiq ashi ra raq akhum nai asetiim ka tiichhii wan lot raüla, tsangshiq ka namshiq phana wa raüla, tsangshiq ka liilaq. Tsangshiq ka ümtinkhan abi maiqsetiim wa, kiimaq laüta namtsan mong na, Ngi raq Jerusalem tiithenbaiq kang arka kappe maq riikhaqli shin lata dea kha ka phokuq kang nguta misap han.

Hosea 6:2

Ranaiqnai riimakla ranaiqtsam liipan niili, apaiq raq nashiq tsitsü mitiichümkuq, kiimaq nashiq ka apaiq wokhong na misi rong i.

HABAKUK 3:2

O Tatiwe lei ngi raq, ümjaqsham jonghea sham laü, kra tsütsa ka tai wan kang. Kra tai lata ngi ümman na, kai shreng manto haisong thü tiikang. Ümchaü naishiq pat niimin thongshi ri hali, shamkuq nong liina. Awang chang jaqsham laü thun ka, ümtsankhiq ranaiq niimin naishiq ma, tiihang wan mangchan thülaq,

JEPHANIA 3:12

Kiijaq ngi raq aran se ma ja raüta, sobsob bombom maq sitibi, iwokhong na khrum ritti ka, mitiisi wanha.

JEKERIA 10:4

Tsangshiq phong wa tuwejongbi, welabi, phentubi midong. Raüta isengi mipeng wan.

JEKERIA 8:12

Tsangshiq raq tsam lai ka han sang maq miwan. Tsangshiq spiqro na atsi ango miraq. Wakram na tü atsam maimai riimak mitsingo wan. Kiimaq rajun waitsi min khaq khaq mitiisat kuqha. Ngi raq isenginok abung ümchuwa tiichongtaq kriiti ma arthun achu shiiman mikuqha.

JEKERIA 8:6

“Arka ümchaü arjaq abungse mungmaiqse phong wa atiichong kriiti raq tai miika amaochang. Shatmaq ngi miika jamin harai mak. Jeriiqriiq li.

Romans 9:27

Krai mren, shammi we Isaia riimin, Israilnok miitu ka akha chongkuq wanto, “Israilnok ka sammok- tra jüphii na kumtsai phong ikha puchi rai wan raü min, tsangshiq phong wiika, aso atiichongki, kriili mitiichhii kuq wan.

Revelation 3:12

Rekhat tangti, srea jati we ka ngi raq, i Shiikeawe shomjam na khamlawe ma mitiija ha. Kiimaq apaiq ka kiiwa, ahin na kimak she miraq. Ngi raq apaiq khum na i Shiikeawe mang kiimaq i Shiikeawe raq ramungtan anye wa Jerusalem anye tiisat wan tlaq kra chela mang ka miwaiq kuq ha. Kiimaq apaiq khum na, i mang anye kriimin miwaiq kuq ha.

1 SAMUEL 14:27

Shatmaq Jonathan riika awe raq Israilnok ka tumkham maq tiiphiiptaq kriika taimak dea riito. Kriikha na apaiq jaq na pekii ashi shamtlaq kriimaq ngiqngutu kriijaq shukto. Raüta ngiqngu pekii maq satlaq kra anü na wiijam shupsiqto. Krai mren, ahan phin wan ka apaiq raq heshat riito.

1 SAMUEL 14:29

Kiijiishe Jonathan raq treto, “Iwe raq mungmaiqse ma ajiq pinthum kloto! Liimanta, ngi raq ngiqngu phanshi sea kha na ihan ka aphin she!