EJRA 9:8 - Hawa Naga Bible 2001

⁸ O Yehowa nuiyshiq Tishox lex, mnoz rueq majuiuc vkhing vtut saz nuex dvyx nuiyshiq wvyvmc kuex dax wawc tvdung ruiux, vruex vsawc baung vyuq suinglix maq httaz lvp tvkoc kejux nuiyshiq muex kuq phux. Mnoz rueq nuiyshiq kuex dax wawc tvdung wvnc vtueq, rullungx vnyalx kuex kuq phux.

ASII LAKDAP Bible (BSI)

⁸ Shatmaq ümchaü ka heashise miitu naishiq, Tati Shiikeawe ümniiraq naishiq ma kaphap mangchan she hali tiichhikuq wan nong tlaü. Laüta naishiq phong wa maiq wiijamti tiichong wan laü, kra di-ama rilung kharü mong wa dokda kuq wan laü she. Laüta rilung tsitsü anye she kiqkap jaqshap maq singa wan miitu tsitsü triichüm kuq wan laü. Laüta ara asii hiqshong na hali tiishongnga kuq tlaü.

EJRA 9:8 Referencias Cruzadas

2 HOKHVMX 19:4

Asiria honoc rueq piq miq vyungx vlaungx kuex tvkaz vtueq tvraungx httax yaq Tishox muex shummarc kvjaz htenc tv-ngoz tueq. Yehowa m-Tishox rueq kvkhoc shummarc kvjaz kuex tay vtueq tsuingshiq muex kvkhoc ngoc jix waz murx mtvgurc shueq. Kvkhoc rvtueq mnoz rueq muinz vtvraungx kvjungx yaq naungshiq miq htenc tvkoc Tishox kox wawc vjux thoz kuq koq.”

EJRA 9:9

Nuiyshiq kuex dax hez rvtiq, yuq muinz mnoz rueq nuiyshiq kuex dax yauk shuimc nuex tuip gay shec phux rvmuq. Yuda mungx nuiyc Yerusalem nuex kvwungx juing lvmx humc wvnc tiq, tvhttoarc vtueq httaz lvp tvkoc muinz, kvhttak bac kaz tueq Mshomc Yuimx kuex tvhvlc guirc yek tvkoc muinz, Persia honoc ningkhvnc nuex mnoz rueq nuiyshiq muex htvlx phawc tvlvp kuq phux.

NEHEMIA 1:11

Ngaz rueq vjux thoz vshaungx nuiyc mnoz muex tvtsanc nganc yaq mnvrc waz hez rueq vjux thoz yaq kvmuinz majuiuc tay kuq koq. Majuiuc raungnuiyq ngaz muex lotlaungc wvnc lvmz kuq koq, honoc waz rueq ngaz muex mmenjenc kuq phueq,” ngoz tueq thoz tauk. Kvtanc jauz ngaz kuex honoc waz muex svpiq tix tvhungx kuy jix rvtauk.

NEHEMIA 9:31

Yuq muinz, mmenjenc kuex yunghvlc ningkhvnc nuex, mnoz rueq tsuingshiq kuex tuip gay muq, tvbac gay muq. Mnoz kuex lungwawx menjenc nuiyc menjenc thuinz mvrc yaq Tishox rvtoq!

YOBA 33:30

miqsaz thuiuzthuic kuex palc wvnc ruiux, vshuenc vruenc rullungx kuex kuq tueq.

Tvtsvmc 13:3

O Yehowa ngvy Tishox lex, ngaz rueq gvl ruiux yuq lawc vtueq tvralc koq. Ngaz muex hungc vlaungc tvmvrc kuq yek koq, ngaz nauk tvthueyc gay vkueq.

Tvtsvmc 13:4

Ngvy ralx hez rueq, “Naungshiq piq kuex taungx gay tiq,” ngoz tueq nauk tv-ngoc kaz. Ngaz rul wvnc ningkhvnc nuex tsuingshiq muex kokez juing nauk kuq kaz.

Tvtsvmc 138:7

Vkuilc vdaz rueq tvroz ruimc wvnc ngaz rvhumc tauk nuex mnoz rueq ngaz muex tvkhup wungx kuq phux. Ngvy ralx htenc thuinkhvy kuex mnoz rueq tuinghtuing kuq gay ruiux, mnoz luimc vkawc maq ngaz kuex palc wvnc phux.

Tvtsvmc 34:5

Vtuing vhtuing rvhumc jix miq htenc rueq vpiq kuex lawc vtueq kokez wuez yaq; tsuingshiq kuex mkaq muinz thuinbac rvhumc tuex rvmuq.

Tvtsvmc 85:6

Nuiyshiq muex hungc vlaungc laukshiz htawc kuq yek koq, Kvkhoc ngoz ruiux mmiqsaz htenc rueq mnoz muex tvtsvmc kuq wuez phix.

TAKSU LAK 29:13

Htemc saz jix waz nuiyc piq muex guirguenc jix waz rv-ngvlc yaq lvmx phvnx shiz httax yaq, kvruex kuex Yehowa rueq tsuingnueyc vtaungx muex muik raungwuic kuq tueq kvruex rvtueq.

THARC TVLUINGC 12:11

Taksux vhttax jix htenc kvjaz kuex khelbuenx remc jix hez rueq shuimx yaq paqkhux rulc rv-ngvlc yaq, vtvjomx taq bomc tvguip htenc muinz phaungx duing vtuiuz gay khelic ikhoc ngaungx yaq. Kvruex kvjaz htenc kuex naungshiq lotlaz muex vshiz dvyx khelbuenx remc jix Waz, Tishox rueq vkuq rvtueq.

ISAIA 1:9

Mkhoc shoc maq Tvphaungc Tvsuip Yehowa rueq tvjungx taq shec miq wvyvmc kuex vguez ngoz ruiux yuq, Yerusalem kuex Sodom nuiyc Gomorra ikhoc tvsawc ric tvbac gay khvmz tueq.

ISAIA 14:3

Yehowa rueq Israel miqsaz kuex tsuingshiq thuiuz vsac kuilc vdaz nuiyc yauk shuimc gvrc hvlc tvshuimc yaq wawc tvjawz kuq shuex.

ISAIA 56:5

mmuingc kuex ngvy Shomc Yuimx nuex muinz, mnoz rueq suiuz vsaz lvp ruiux yuq kvruex hez nuex jvnc vtueq, ngvy miqsaz htenc hvlwvl nuex rvwvl lvp wuez shuex. Mnoz kuex mkaq muinz lauk gay shuex rvmuq,” ngoz tueq.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 6:13

Kvruex mungx kvyuq miq kuex pasen 10 tanc dvyx shex kvjungx ruiux muinz, piq muinz tvbac gay rvhumc tuex; tsuingshiq kuex vduiuz vruez gay khauk rauk jungx khuiuq ikhoc yaungx tuex,” ngoz tueq tvralc phuex. (Pulx jungx khuiuq kuex Tishox vpiq miqsaz vnyalx tvjvp phaungc wvnc ngoc rvtueq.)

JEREMIA 42:2

ngaz kox nuex kaz vtueq, “Nuiyhez rueq thoz vphix kuex kejux maq shuimx kuq koq! Nuiyshiq tvkoc Yehowa nuiyshiq Tishox kox wawc vjux thoz kuq koq. Nuiyshiq nuex kvjungx yaq miq htenc tvkoc vjux thoz kuq koq. Nuiyshiq kuex kungkhux nuex paunghvlc rvtiq; yuq muinz majuiuc kuex mnoz rueq khiz vshuiux rulc rv-ngvlc raungluingx dvyx shex kvjungx vtix.

JEREMIA 44:14

Ejip mungx nuex httaz kay jix kvjungx yaq Yuda miqsaz htenc kuex vshiz muinz luenx vtueq thuiuzthuic tvraungx httax tuex rvmuq. Tsuingshiq wawc washiz muinz laukshiz httaz waungc yek tvkoc tsuingshiq rueq raungc raq yaq Yuda mungx nuex yek waung lvp tuex rvmuq shex. Muingx luiuz (Refugees) jix maq lvy vtueq vshiz muinz yek lvp tuex rvmuq shex,” ngoz tueq jungx tueq.

EJEKIEL 14:22

Miq vshiz shiz rullungx vtvraungx shauk httax vtueq piq sahez kuex palc wvnc ruiux, nuimshiq kox nuex httuiuc kaz ruiux yuq, tsuingshiq kuex lawc shuinz. Tsuingshiq mtanc lac layx bac yaq nguinx kuex lawc shuiuz, kvruex lawc ruiux yuq Yerusalem htauk nuex ngaz rueq tvhttuiuc vshaungx vkuilc vdaz murx kuex tvrac vlvmz rvtueq tuiuz taq shuiuz;

Hosea 6:2

Nuiyq nueyc nuiyq thuimx httax ruiux yuq vpiq rueq naungshiq kuex tvyuing yek vtueq, naungshiq kuex vpiq khaungkac nuex httax lvp tix.

HABAKUK 3:2

O Yehowa lex, mnoz rueq shuimx wvnc toq kuex ngaz rueq tay tauk, ngaz kuex kawc yawc svy thuiuz mvrc vtaungx. Majuiuc nuiyshiq vkhing htenc nuex mnoz rueq shuimx wvnc toq yunghvlc htenc kuex lauk shiz shuimx yek shuiuz. Mnoz thuinkhaq ruiux doc muinz, menjenc koq.

JEPHANIA 3:12

Thuinz vnyenz kenx riric miqsaz htenc kuex kvruex baung kvyuq ngaz rueq tvjungx taq shec shaungx, tsuingshiq muinz ngvy kox nuex kvkhup kvwungx kaz ruex.

JEKERIA 10:4

Ngvy miqsaz htenc kuex guimz lawc tvkoc tsuingshiq wawc mungx guimz lawc jix htenc, vyungx vlaungx bix nuiyc mungx walaungx bix htenc dung wvnc tuex.

JEKERIA 8:12

Tsuingshiq rueq nomic maq tuiz vtsvmz kuex khic yuingc wuez shuex. Tsuingshiq svpiq ruiuz htenc nuex vthuey thuey tuex, ghaq rueq muinz tuiz vtsvmz tvkoz kemz kuq vtueq, kvyuq raungyunc paung tuex. Kvjungx yaq ngvy miqsaz htenc muex vruex ruimrix kejux lotlaz ngaz rueq kuq shaungx.

JEKERIA 8:6

“Vruex kuex majuiuc kvjungx yaq miqphvnx tvkoc yaungx lot muq muex yaungx yaq, yuq muinz ngvy tvkoc kuex mvy yaq.

Romans 9:27

Israel nuex seng vtueq Esaia rueq, “Israel miqsaz htenc kuex svmuktvrax kawx wawc kumtsvy ikhoc paung yaq, yuq muinz tsuingshiq wawc vthvp kox rueq dvyx palc daungc wvnc rvhumc lvp tuex.

Revelation 3:12

Taungx wvnc jix waz kuex ngvy Tishox shomc yuimx nuex htungwaz jungx vshiz muex tvyaungc shaungx, piq kuex mkaq muinz kvruex wawc yuzphic nuex dung kaz tuex rvmuq. Ngvy Tishox muingc kvmuinz, ngvy Tishox kox wawc dung kaz vtueq, raungmungx maq vsvt kaz Yerusalem ghaq nyalx ngoz yaq ngvy Tishox ghaqyungx muingc kvmuinz, ngvy muingc vnyalx kvmuinz piq htauk nuex ngaz rueq wuiyq tvkop shaungx.

1 SAMUEL 14:27

Yuq muinz miq htenc muex vwaz rueq tvhiz yaz ngoz tueq mvnhttonc kvjaz kuex Yonathan rueq tay muq doc rvtueq; kvkhoc rvtueq piq rueq shuimx yaq paq kvmaq nyaq ngurx wawx kvyuq shuiuq vtueq vngurx raungluingx saz saq tueq. Kvkaq lvmx lvy dvyx piq rueq hungc vlaungc lvp wvnc tueq.

1 SAMUEL 14:29

Yonathan rueq, “Iwaz rueq naungshiq miqsaz htenc muex kvhiz juing yauk shuimc yvmx ngoz tueq lac shuimx gay tvnx! Lawc shuiuz nyaq ngurx raungluingx saz saq vtueq ngaz mtanc lac httuingx wvnc vtaungx nguinx!