EJRA 9:3 - ASII LAKDAP Bible (BSI)

³ Riita ngi raq ara ashut tsütsa kra tailata, itsan mong na tsihea tsi wanto. Tsanbi hosi wan kha miishe, ngi raq idü na asamha, ikhea thun kra chaiham chaihiiq chaibaiq kang. Kiimaq ikhupo wa ikhubin kiimin panthit thit phaibaiq kang. Kiimaq inübin kiimin panthitthit phaibaiq kang. Lata ihosi nai itsan bitsi ma hiq niili ngakikang.

Hawa Naga Bible 2001

³ Kvruex kvjaz kuex ngaz rueq tay vtueq, khoz vkhvy htenc juir gay ruiux, khumul nuiyc kaqbanx htenc kuex phiz gay vtueq thuinbac hvlc maq ngaungc kaz tueq.

EJRA 9:3 Referencias Cruzadas

2 SAMUEL 1:11

Kra tai raüta atsanbitsi ma Dawit raq adü wa miirii ka chaiham chaihea chaibaiqto. Kiimaq asengikong riimin, tsang tsanbitsi ma tsangdü na samtlaq khea ka kiikhiisii chaibaiqto.

2 HOKHVMX 18:37

Kiijiishe Eliakim, Shebna kiimaq Joa raq tsangtsan bitsi ma tsangdü na asam khea kra chaiham chaihea she chaibaiqto. Raüta hokhamwe phana wawanto. Raüta Asiria mungti siihiipwe raq jamlai bom wa chongtaq kra hokhamwe miishe tlü chongkuqto.

NEHEMIA 1:4

Ngi ka ara tsütsa tai lata ngaki kang. Latiishe hoqsiq kang. Ngi ka ranaiq naitsam dung min siq mang maq, makphai trok lata hoq wan kang. Lata Shiikeawe jaq wa akha achu jaü wan kang.

NEHEMIA 13:25

Kra ningkhan, ngi raq tsangshiq awere thun ka, phanrap ma tsat son kang. Lata, tsangshiq khuthaq na manson kiqsü she riikang. Lata sintsang maq tsat kang, kiimaq tsangkhushü maq hit-hihi hitkang. Latiishe, ngi raq, tsangshiq ka Shiikeawe mang na, tsangshiq riilo, riimak la, tsangsetiim jiimin, pongmung maiqse rai khesea riija klo wan maimak she nguta, tsangshiq ma tumkham tiinyang kang.

YOBA 1:20

Kiijiishe Job ka tiidopot chapto kiimaq atsanbitsi ma adü wa akhea ka chaibaiqto. Raüta akhu ka loktam sibaiqto. Raüta hiq na kusaq bumkito.

Tvtsvmc 119:53

Ümtiikiiwa ngi raq abi maiqse raq ümtri jin wan kra chhihala, itsankhiq ka hengtlo.

Tvtsvmc 143:4

Arningkhan ngi ka itsaiji wiita ajomkai wishe; ngi ka itsiim min jüshushu she.

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

ISAIA 15:2

Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

JEREMIA 36:24

Shatmaq arthun tsütsa kra tai raüta min, hokhamwe min kiimaq asenginok ajong alabi thun kiimin tsangshiq tsan na ahai asong tsantsii ka akhiismin thümak riito. Kiimaq shut tiikai dea nguta atiishudaq hon atsii ka ahü tiichhimak riito.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

EJEKIEL 3:15

Krai mren she, ngi ka munglu shumwikong sichang hiqshong, Chebar Raikii na Tel Abib hiq na saüwa kang. Kiimaq ngi ka tsangshiq phong na saüwa kang. Kiimaq ngi raq jamlai wa chhikang kiimaq taikang kra tiima lata sunghü tsiihü kiimaq amao rai latli kiijaq ramiishi sikang.

EJEKIEL 7:18

Tsangshiq ka thoila khea wunthaü riinaü sam raüta atiikhai rok rok miraq. Tsangshiq khupo thun ka sibaiqje miraq. Tsangshiq tarü ka munjuk mijuk miraq. Jeasi raq atsai miraq.

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 8:27

Ngi ka rahiq ashaqpuq tsitsü min healot mang, tsaihü jihü sikang. Latiishe ngi ka tiido kang. Lata hokhamwe raq ngi ma jaqsham kuqtaq kriishe sham wan nong kang. Shatmaq ngi ka riisham makchhi kra tiima lata, rashi hiqwea, awang riikang. Kiimaq kra liichum ka tak lot mang riikang

LEWI 21:5

“Ramwebi phong wa juwe riimin, akhupo wa bashi ra min sibaiq raamak, riimakla anübin ka tapbaiq maimak, riimakla akhum na tlam tlii tiimi khat raüta maaho dam mai mak.

Mikha 1:16

Juda mungti lei, Namkhu siikeakea silanta, liitii khupo ikha kealoklok tiisibaiq laq, lanta namsetiim miitu hoqsiq ronglaq. Jamkhano ngukla namsetiim ka shumwi miishe mitsuq wan.

JOSHUA 7:6

Kriikha niishe, tsanbi hosi tsi nin wan lot mak she raüta, Joshua nai Israilnok maiqlare nyungwere thun kra, tsangdü na asam khu akhea kriimin chaiham chaihea raüta, Tatiwe Tongshong Tek khaki na hiq na bumrang achu jaü hoqsii trang wanto. Raüta kiijaq ranap chu maq riita raji na saüli, tsangkha kam na botkhulai maq nyat raüta tsanbi hosi tsi ma akap atsea hoqsiqto.