EJRA 9:2 - ASII LAKDAP Bible (BSI)

² Jehudinok raq arthun chongtiikai pongnok phan sheare lam wantlo. Raüta akha riishotshaq kherü lam phan wan lü maq, Shiikeawe raq apaiq rü asii maiqse phan nguta tingsang atsea arwan Israilnok ka, Shiikeawe man na, ashe miishe jawanto. Riita ara chongtiikai abi ngarai thun tang wanti akaü abu howanti ka welabi thun kra nguta chongto.

Hawa Naga Bible 2001

² Yuda waz rulx rueq mungganc miqsaz lvmc ningkhvnc nuex Tishox vsawc miqsaz htenc kvmvlc kvtsawc yaungx wuez tueq. Walaungx bix nuiyc vyungx vlaungx bix htenc kuex jvnc vtueq yaq wuez tueq.

EJRA 9:2 Referencias Cruzadas

RAPHA HIQWA LAK 6:2

Kiimaq ra na siti thun raq ara jechaksere ka shamhea wiqsetiim chhito. Krai mren tsangshiq raq aro aroti ka tsangshiq raq lamto.

1 HOKHVMX 11:1

Solomon raq pahea pongmungti nyungre lungwiito. Apaiq raq Ejip mung hokhamwe se lamtaq kriithaq niimin Hitaiqnok nyungre kiimaq Mob mungti nyungre, kiimaq Ammon mungti nyungre kiimaq Edom mungti nyungre kiimaq Sidon mungti nyungre lamto.

EJRA 10:2

Kiijiishe Elam weraü phan wa, Jehiel se Sheakania raq Ejra ma akha chongto, “Nashiq raq pongnok phan chak lam wan laita, Shiikeawe ma nashiq kamtsan tsü thü wan tiikai lamphan tri raütu kra shiithen wan kai. Li jiimin, ümchaü Israilnok ma aran chang lamlu ka ashi asi.

EJRA 9:12

Shammibi raq, naishiqnok ka ara Shiikeawe raq kuq wan tlaq mung arjaq, aheawiq maq jong alu wan ma jiila, kiimaq achu shiiman lap wan raüta shongnga wan ma jiila, kiimaq asaü ase pat na saüli ahea pattup pat-sa shongnga wan ma jiila, tsangshiqnok rai ümtiikiimin sikhesirü riija wan maimak. Kiimaq tsangshiqnok ka ajong alu wan lamphan na khrumke wan raamak nguta tsü chongkuq thiito.

EJRA 9:14

Riita, ümchaü min la, naishiq ma ümniiraq akuq haü aming tri raütu thun ka, jamkho mijin wan nong hai? Laita pongnok, abi phan maiqse rai sikhe sirü ka jamkho mirja wan nong hai? Kiikha ngarai kriili tang wan ruq ruq maq sihai jiika, ümniika naishiq ma tsan khiqhea pinthum mikhiq wan haü. Kiimaq ümniiraq naishiq ka tiimiqchup she mishthen wan haü. Alai miimin tiichong maü she mirhaü.

NEHEMIA 13:17

Kra ningkhan, ngi raq Jehudinok welabi ka ason riikang. Lata tsü ka akha chongkuqkang, “Liirong laq, namshiq raq, ara abi ngarai tang tlan! Namshiq raq asii Asii Niitiitsak Ranaiq ranaiq ka ashe ma tiija baiqholan.

NEHEMIA 13:28

Riita, tiinanpot ajiq pinthum she ka, Joiada ka Ramwe Ajong Pinthumwe Eliashib se riito. Shatmaq, Joiada setiim phong wa weshi riika, Beth Horon chela na siti welawe, Sanballat se kra lamto. Kriikha niishe, ngi raq Joiada ka Jerusalem wa jobaiq kang.

DUNGWVNC 19:6

Ngi miituli dongdii akiinongkuq wan maiqphan ashi mirhan. Kiimaq namshiq ka iramwenok ma jalanta Ngi mishkumpan han.”

DUNGWVNC 22:31

“Namshiq ka isenginok. Kra ningkhan nyamse asea raq akaq wa binriim ka phaq maimak. Kriika kuku kong miili kuq ronglaq.

DUNGWVNC 34:16

Kiimaq namsetiim raq pong mung maiqse sheare kra molam wan she moraq miraq. Raüla kra nyungre raq tsangwesetiim ka Ngi miimthü raüta lamjiq niishe misheaho. Raüta tsangshiq thatsang phra kong kriishe mitiishomnoqho.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

LEWI 21:15

Kra riimakla, asetiim siirai rai setiim riichang ka apii ashe miishe mijaki. Ngi ka Tatiwe. Kiimaq Ngi raq apaiq ka Ramwe Ajong Pinthumwe miishe shong kang.”

MALAKI 2:11

Juda mungti raq Shiikeawe ma kiqkham raüpot akhakuq wan ka wiita she panbaiq wanto. Raüta Jerusalem na nai Juda mung tlotli na phiiptsi chang ashut jaqsham wan tlo. Tsangshiq raq Tatiwe raq lungwiitlaq Shomjam ka wiita tiisheshi baiqto. Maiqwere raq pongmungti phra sumla noqti sheare lam wanto.

MALAKI 2:15

Shiikeawe raq ümniika ümjamti-nyung rai han-ngam na kiimaq wenyi na pum ashi han ashi klokuq wanto riimak shea? Apaiq raq namnai tiishong nga wantaq arka jamlai miitu wa? Arka namsetiim ka riikhaqli Shiikeawe saüsetiim ma mija wan laq nguta atiishong wan. Arningkhan, namshiq liipan wa ju riimin, achak ma jaqkhaq raü atiipakuq kra, diibaiq maimak.

1 Corinthians 7:14

Ara jamkhano chongtiikang ngukla, awese thatsang maiqse ka tsang-nyung rai pumshi hanshi she siwantaq kra lümaq, Shiikeawe riimin milang wan. Kiimahali atawe ka Phungmaiqse kiimaq atanyung ka thatsang maiqse miraq. Kriimin thatsang maiqse atanyung ka atawe lümaq Shiikeawe raq milang wan. Akha kiq atsiim ka riwan hü ngu raü jiika, tsangshiq saü asetiim ka thatsang maiqsetiim ikha miraq. Shatmaq akhla singa raü jiila, tsangshiq ka Shiikeawe raq milang.

2 Corinthians 6:14

Thatsang maiqse rai reraüshi maq naqpong dam rongkiq. Ara jamkhano chongtiikang ngukla, akha shamshi kaishi ka riikong lot mai. Ajiq we nai alam we ka, adam na jamkho mirkong? Ranyaq nai rawüli ka adam na jamkho misi?

TRI CHONGKE 14:2

Namshiq ka Tatiwe namshiq Shiikeawe rii. Apaiq raq namshiq ka mangjong hiq raikhü na maiq phan ümchuwa sitlaq kra phong wa namshiq ka asengi ma nguta tsea wanto.

TRI CHONGKE 7:6

Namshiq raq akha shiithenbaiq ratlo. Jamkhano ngukla namshiq ka Tatiwe namshiq Shiikeawe rii she sitlan. Mangjong hiq raikhü tlotli na maiq phan sitlaq kiiwa apaiq raq namshiq kli apaiq sengi ma nguta dadüdü atiitsang raüta tseatsiiq wanto.

JOSHUA 22:15

Raüta tsangshiq ka Gilead wang na, Reuben phan, Gad phan kiimaq Shedong nü na siti Manase phan phana riihum wato.

JOSHUA 23:12

Shatmaq namshiq ka Tatiwe wokhong na phaqchii nichii maq shonga man riihan la kiimaq namshiq rai pongnok phan maiqse tiichong kitaq thun krai, namshiq ka adam na riishot riishaq sihanla, lanta tsangshiqnok rai sikhe sirü riija hanla,