EJEKIEL 7:3 - ASII LAKDAP Bible (BSI)

³ “Israil mung lei, ümnaq thum wan rahiq saüto she. Namshiq raq itsankhiq walü nyai kra misap han. Jamkhano ngukla namshiq raq jamlai wa ashut klo wan lan kra kha she photiikang. Namshiq raq ümtinkhan wa maiqphai asi hon atsii rüm wan lan kra miitu thiitham kriishe kuqtiikang.

Hawa Naga Bible 2001

³ “Israel lex, vtvsuip kuex httuiuc yaq shex. Mnoz rueq shuimx wvnc toq rulc rv-ngvlc ngaz rueq mnoz phox phaungx ningkhvnc nuex, mnoz rueq ngvy thuinkhvy kuex humc shuiux. Mnoz rueq miqsuirc vsac shuimx vshuiux lotlaz kuex ngaz rueq mnoz muex tvyez kuq phaungx.

EJEKIEL 7:3 Referencias Cruzadas

RAPHA HIQWA LAK 6:13

Kriikha na Shiikeawe raq Nowaq ma nguto, “Ngi raq maiq phan tlotli ka chongthum mitiijabaiqha. Ngi raq tsangshiq ka tiisiirai mitiithen baiqha. Jamkhano ngukla mangjong hiq ka tsangshiq mat kha tsa kha riili she wiita ma wanto.

ISAIA 47:7

Ümniiraq ümniika pattup pat-sa hokham nyungli mijaha nguta tiimasiqlaü, laüta arthun bomtsi arka akhiismin ümtsan na riiwea wan maü riilaü, riimakla jaimaq tri ka jamno sup wanjiiq kriika tiimara maü riilaü.

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

EJEKIEL 11:21

Shatmaq jurwa ashe ashi, maiqphai asi sumla thun shomnoq lungwiiti thun ka, Ngi raq mo mitiihoha. Tsangshiq raq jamlai wa ashut klowantaq kriikha na Ngi raq tsangshiq ma mo mitiihoha.” Arka, Tati Rakaü Hiqwe raq toq tantlo.

EJEKIEL 16:38

Ngi raq ümniika sethoq ja kha na nai maiq tsatbaiq laü mat kha na mitiishutbaiqha, kiimaq itsankhiq walüwa ikha hengtlaq kriimaq ümkha ka pholata ümniika mitsatbaiqha.

EJEKIEL 16:43

Man na ümniika jetu ji na Ngi raq ümniika jamkho shiikum pan wan kang kriika ümniiraq alaq she riibaiqlaü. Kiimaq ümniiraq abi ati ümchuwa sham wan laü kriimaq itsan ka tiikhiq laü. Kra ningkhan tiina, Ngi raq ümshut ümphit kha ma thun kra thamsong wan miitu thiitham kra kuq wan kang. Ümniiraq maiqphai asi ashut ümchuwa klo wan laü kriithaq na sethoq jaqsham maq jam nguto tiitsuq wan laü?” Arka Tati Rakaü Hiqwe raq toqtantlo.

EJEKIEL 16:59

Tati Rakaü Hiqwe raq ngutlo, “Ümniiraq ikiq khü wan laü kra phan phan, Ngi raq ümniima mo mitiihoha. Jamkhano ngukla ümniiraq ümkiqkham raü pot ka thü wan maü riilaü. Kiimaq tongshong raükha ka jin wan laü.

EJEKIEL 18:30

“Riita, ümchaü, Ngi, Tati Rakaü Hiqwe raq, namshiq Israilnok ma chongtiikang, Ngi raq namshiq ka loweatek, apaiq raq jamlai jaq wa shamwantaq kriithaq na seng lata kha mipho kuqha. Namshiq raq abi ümchuwa klotlan kriiwa jang wan ronglaq. Kiimaq namshiq ngarai ma namrilung ka naq tiithenbaiq rongkiq.

EJEKIEL 21:25

“Namshiq ka abi, Israil mung ka ashe jaqsham lanta peng wan lan. Namshiq ningthoi, atiithum khatham moho akhing ranaiq ka saü wanto she.

EJEKIEL 22:31

Arningkhan, Ngi raq itsankhiq walü tum ka tsangshiq khuthaq niishe miraü baiqha. Lata wa raq jamkho tiibunlak khiimbaiq tlaq ikha tsangshiq ngarai kha na mitiithen baiqha.” Arka Tati Rakaü Hiqwe raq toqtantlo.

EJEKIEL 24:14

Arka, Ngi, Tati Rakaü Hiqwe raq ngutiikang. Ngi raq jaqsham chang akhing she saüto. Ngi raq üm ngarai phong ka achhi ikha chhimang ikha ümtum ümmai ka simang she, riimakla mangchan tiitsi mang she, riimakla tiihang kuq mang she. Ümniiraq jamlai wa ashut klo laü kriikha na ümniika ma mo mitiihoha.” Arka, Tati Rakaü Hiqwe raq toqtantlo.

EJEKIEL 33:20

Shatmaq Israil lei, ümniiraq Ngi raq jamlai jaq wa shamtiikang kriika riikhaqli riimak ngutlaü. Ngi raq ümkha ka ümniiraq jamlai jaq wa shamtlaü kriimaq shin lata miphoha.”

EJEKIEL 36:19

Ngi raq tsangshiq ka ashut aphit siwan kha na kiimaq ajiq klowan kha na tsangshiq kha ka pholata tiishut baiq wan kang. Lata tsangshiq ka pongmung pahea na nyinbaiq wan kang.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

EJEKIEL 5:13

“Ümniiraq itsankhiq walü nyai heng wa ka, Itsan ka misang shaq wiiwii misap haü. Ümtiikiiwa arthun ara hongtha wan jiiq, raütiq kiitiikiitiq ümniiraq arthun arka, Ngi, Tatiwe raq ümniima chongkang kriidea kupi wanto nguta misap haü. Jamkhano ngukla Ngi ka ümniiraq tsapkap maü shishetlaü kha na pinthum walüwa ikha khiqtiikang.

EJEKIEL 7:2

“Maiqse lei, Ngi, Tati Rakaü Hiqwe raq Israilnok mungti ma chongtiikang: Israil mungti thum wan ka arshe!

EJEKIEL 7:27

Hokhamwe kiimin maaho manyi miraq. Hokhamse jerowe miimin ran tsantsii ka ahü she miraq. Kiimaq mung maiqse ka tsaihü jihü, haisitsi ma atiikhai rokrok li she miraq. Namshiq raq ümtinkhan wa abi klo wanlan kra miitu mo mitiihoha. Kiimaq namshiq raq nanok jamkho shin wan lan, kra khan khan namshiq kha hotlan ka miphoha. Ara riitiq namshiq ma Ngi, ardea Tatiwe nguta mitiichhikuq wan.”

EJEKIEL 7:4

Ngi raq namshiq ka akhiismin tiihangkuq mangshe kiimaq mangchan tiichhi kuq mangshe. Namshiq raq ümtinkhan wa imakki na riiqkhiq ashut maiqphai asi klo wan lan, kra miitu mo she mitiihoha. Kra riiha jiitiq namshiq raq Ngi ardea Tatiwe nguta misap han.”

EJEKIEL 9:10

Shatmaq Ngi raq tsangshiq ma mangchan ka tiitsi mang she. Tsangshiq raq nanok ka jamkho riitaq kiikha, Ngi riimin tsangshiq ma mirha.”

Hosea 12:3

Tsangti Jakob anyung wokmong maq, aphu achhopwe Isaü rai riikito. Kiimaq Jakob ka maiqlashe jawan raüta, Shiikeawe rai riiki siqto.

AMO LUIK DVP (AMOS) 8:2

Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.