EJEKIEL 7:2 - ASII LAKDAP Bible (BSI)

² “Maiqse lei, Ngi, Tati Rakaü Hiqwe raq Israilnok mungti ma chongtiikang: Israil mungti thum wan ka arshe!

Hawa Naga Bible 2001

² Vpiq rueq, “Vthueyc rvyaq miq lex, vruex kuex Israel mungx nuex seng vtueq ngaz, Johvlc Yehowa rueq jungx vshaungx rvtueq: vruex kuex wvmungx tuimx tvkoc vtvsuip shex rvtueq!

EJEKIEL 7:2 Referencias Cruzadas

RAPHA HIQWA LAK 6:13

Kriikha na Shiikeawe raq Nowaq ma nguto, “Ngi raq maiq phan tlotli ka chongthum mitiijabaiqha. Ngi raq tsangshiq ka tiisiirai mitiithen baiqha. Jamkhano ngukla mangjong hiq ka tsangshiq mat kha tsa kha riili she wiita ma wanto.

2 KAÜWA WERAÜ 34:7

Hiqkhu nü Mungtan tlotli wa apaiq raq berong-wacha thun kiimaq Ashera shomnoq chang berong thun kra wiita tiibun buk baiqto. Raüta sumla phong ka botkhulai ma tiijatlii tiibun baiqto. Kiimaq homseng honglu kechang berong-wacha thun kra bunlak buncha tiibun baiqto. Kra raütiishe apaiq ka Jerusalem na hali jangho nongto.

ISAIA 47:7

Ümniiraq ümniika pattup pat-sa hokham nyungli mijaha nguta tiimasiqlaü, laüta arthun bomtsi arka akhiismin ümtsan na riiwea wan maü riilaü, riimakla jaimaq tri ka jamno sup wanjiiq kriika tiimara maü riilaü.

JEREMIA 12:4

Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 51:13

Kra mung na jürai pahea asi. Kiimaq tsiiqtum pahea asi. Shatmaq apaiq pat ka thumto she. Apaiq tsitsü raüchong ka ümchaü chum baiqto she.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AJONJÜ 4:18

Re raq nashiq ka liishat khehoto, Nashiq kinphai na dongkai chang lam ahü riito. Nashiq rilung thumto she. Nashiq ningthoi saüwato.

EJEKIEL 11:13

Ngi raq kra shammi bom tiithai rea bala niili, Pelatia ka kiijaq chutli tsaikito. Kra chhilata ngi ka hiq na bum kitlii riilata, akha agi asiishe hoqkang. “Akhii wiq wiq ka naq riikiq, Tati Rakaü Hiqwe lei! Riita ümniiraq Israil mungti abung atiichong ka wiita sha mitsat baiq haü?”

EJEKIEL 12:22

“Maiqse lei, Israilnok mungti raq ara taksu bom ara jaram wa bliiq chongtla; ‘Akhing ka lea wanto. Shatmaq riisham bom chong tiithai thun ka pontiiwa niili mokito nya?’

EJEKIEL 21:2

“Maiqse lei, Jerusalem ka tamlaq. Mungmaiqse raq shomnoq chang hiqba thun kra tamlaüta sonlaq. Israil mungti ma hon lam chong kuqlaq.

EJEKIEL 21:25

“Namshiq ka abi, Israil mung ka ashe jaqsham lanta peng wan lan. Namshiq ningthoi, atiithum khatham moho akhing ranaiq ka saü wanto she.

EJEKIEL 21:4

Ngi raq inepja ka shamlata namshiq loweatek khuthaq na hutjok, shekhu nü mung maq riita shemai nü mung na tiisaüli mirum jiip wanha.

EJEKIEL 21:7

Ümtiikiiwa tsangshiq raq ümniima jam nguto hannyi rai tlaü nguta waikiiphaüla, tsütsa saü wantlaq kra tai lata hoq tiikang nguta tsangshiq ma chonglaq. Ümtiikiiwa kriishe saüwa jiiq, raüla tsangshiq ka tsanhü wokhü she mikiinyii wan. Tsangshiq jaq aji thun kra ninta tiikhai rokrok she miraq, tsangshiq tsaiji ka tiidearok she miraq, kiimaq tsangshiq lakü thun ka wiita nintata she atiikhai rokrok miraq. Kra akhing ka saüwato she. Ajiishe saü wato.” Arka Tati Rakaü Hiqwe raq toqtantlo.

EJEKIEL 35:5

“Ümniika Israil ma miitut wantlii wesang. Kiimaq asenginok ka apaiq then wan ranaiq akhing na, apaiq ngarai khapho atiithum ranaiq na re ma tiijiipbaiq laü.

EJEKIEL 40:2

Ngi raq riisham mak maq chhikang, Shiikeawe raq ngi ka Israil mung na sheahoto. Raüta ngi ka pum diiluhea kiijaq thü wato. Ngi raq imakki na jam phong ka pahea chela ashi ikha chhikang.

EJEKIEL 7:1

Tatiwe raq ngi ma chongto.

EJEKIEL 7:3

“Israil mung lei, ümnaq thum wan rahiq saüto she. Namshiq raq itsankhiq walü nyai kra misap han. Jamkhano ngukla namshiq raq jamlai wa ashut klo wan lan kra kha she photiikang. Namshiq raq ümtinkhan wa maiqphai asi hon atsii rüm wan lan kra miitu thiitham kriishe kuqtiikang.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

AMO LUIK DVP (AMOS) 8:2

Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.

Matthew 24:6

Namshiq raq matdong tsadong reriikhat trang kra namshiq phai apha tho niili trang kongcha mitai han. Kiimaq pongbin wiiq na reriikhat wanto nguta tsütsa ka pahea mitai han. Shatmaq kra thun tsütsa kra tai lanta, namshiq ka naq chhang hang rongkiq. Arka Shiikeawe raq athi kun she. Shatmaq kra thun matdong tsadong mungbrak shaq tlaq kriika phangthum akhing mra pin ka riimak.

TRI CHONGKE 32:20

‘Ngi raq tsangshiq khrum kuq mang she,’ nguta apaiq raq nguto; ‘kiijiitiq tsangshiq jamkho jajiiq kra Ngi raq miliiha, nilannok, ipuk wa adonghotinok.

1 Peter 4:7

Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.

Revelation 20:8

Kiimaq apaiq ka mangjong hiq wa maiq mung ümchuwa sitlaq kra lao kai she mikiho. Kiimaq ara mangjong hiq thun mang ka Gok nai Megok nguta ngutlo. Soitan raq tsangshiq ka adam na rekhat ma mitriitam. Tsangshiq ka khamjongraikii na kumtsai phii wa kumtsai riiphong tlaq ikha awealot chang riimak pahea miraq.

Revelation 7:1

Arjai miishe, ngi raq rasetiim blai ka, ara mangjong hiq diim shokblai na chap raqraq chhikang. Raüta, tsangshiq raq rahai shokblai maq hai wan tlaq kra ato riibaiq tlo chhikang. Arka mangjong hiq rai khü na kiimaq sammoktra jü na nai pechong wiirü thun thaq na, rahai ka tiisaü mak chang miitu tobaiq tlo.