EJEKIEL 2:3 - ASII LAKDAP Bible (BSI)

³ “Maiqse lei, Ngi raq ümniika Israilnok phana tiiki tiikang. Tsangtitiim raq ikiq khii sru wanto, raüta Ngi ngeng wanto kiikha tsangshiq riimin ikiqkhii srutlo kiimaq ümchaü min iwokhong wa dongho raüta Ngi rai riilongliiqtlo.

Hawa Naga Bible 2001

³ “Vthueyc rvyaq miq lex, ngaz rueq mnoz kuex Israel miqsaz kox nuex tvkaz vphaungx. Tsuingshiq rueq ngaz kuex tvgap gawx vtueq khawx lvlx yaq, tsuingshiq jix vwaz tamx rueq ikhoc majuiuc nuex httuiuc laz tvgap gawx yaq.

EJEKIEL 2:3 Referencias Cruzadas

2 HOKHVMX 17:14

Shatmaq tsangshiq raq taimak tlea wanto; tsangshiq ka tsangtitiim kiikha nilan, wan shakshak, tsangshiq raq Tatiwe tsangshiq Shiikeawe ma kammak riito.

2 HOKHVMX 17:15

Apaiq raq tsangshiq ma hon atsii achongkuq thun kra tai mak tleato. Apaiq raq tsangtitiim rai tongshong wantaq raükha thun kra lang mak riito. Kiimaq apaiq raq tsangshiq honlam tsü achongkuq bomtsi thun kiimin wiita shipoq wanto. Tsangshiq raq thiihü sumla phra thun shomnoq wanto. Raüta tsangshiq maiqmii kiimin hiqtili miishe jakito. Kiimaq tsangshiq raq tsangshiq tro na siti thatsang maiqse pongmungti thung alai thun kra lang wanto. Raüta Tatiwe raq tsangshiqnok jai naq phan rongkiq nguta aming akuq kra jinbaiq wanto.

EJRA 9:7

Naiti naiwi pat maq pha raüta, ümchaü niitaq saüli, naishiq ara ümsengi, ümphan ümmaq asii maiqsetiim raq pinthum achong min lot mai, ngarai pahea tang wan kai. Naishiq nok raq ngarai tang wan kai kriikha maq, naishiqnok hokhambi thun, kiimaq naishiqnok ramwebi wiita, pongmungti hokham rewe jaqkhon mong na lap wanto. Raüta tsangshiq ka jiipbaiq wanto. Kiimaq naishiqnok tsiiq anyam tum thun ka wiita khaükhokkhok hut wanto. Kiimaq naishiqnok ka pongmung na, rewa shumwi ma shea wanto. Naishiqnok ka achong lotmai, ji maq niwantlii raüta, ümchaü ranaiq niitaq saüli, chamchao shummii homa howan laitli sitiikai.

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

Tvtsvmc 106:28

Kiijiishe Shiikea senginok raq Peor hiq maq Baal sumla noqdamto, raüta amaa tsitsü ahü tisho kong noqdamto.

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

JEREMIA 1:7

Shatmaq Tatiwe raq ngi ma nguto, “Ümniika nose se li ngutiika naq ngukiq. Shatmaq ngi raq ümniika mungmaiqse phana tiikitiikang kiijaq kilaq, lata ngi raq ümniima aming kuqkang kra phan phan bom ka kunli michong kuq haü.

JEREMIA 3:25

Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”

JEREMIA 36:2

“Lakwaiq chang damkom ashi lam laq. Laüta Ngi raq ümniima Israil mung nai Juda mung kiimaq maiq mung thun wiita miitu bom ümchuwa chongkang ira wiita waiq thülaq. Ngi raq ümniima Josia ka hokham jatlaq akhing maq phaho lata, ümchaü akhing na saüli ibomtsi ümchuwa chongkuq kang kra kunli waiq thü laq.

JEREMIA 44:20

Kiijiishe ngi raq ikiq khiitibi maiqwere tlotli ma, kiimaq jechakre thun ma akha chongkuq kang,

JEREMIA 44:21

“Riita namshiq raq kiimaq namtitiim raq, nam hokhambi raq kiimaq namwelabi thun raq, kiimaq nammungti mungmaiqse raq Juda mung na chela thun kiijaq kiimaq Jerusalem chela chiihea wea lam thun na ümchuwa honglu takuq wantaq thun kriika, namshiq nga Tatiwe riika chhimak dea kiimaq riimakla alaq rea riito sham ngutiisha tiima tlan?

EJEKIEL 17:12

“Ara ikiqkhii srutinok ma ara uqkhiima liichum ka jamlai wa nguta awai riilaq. Tsangshiq ma chonglaq Bebilon mung hokhamwe ka Jerusalem na kito. Raüta hokhamwe nai asengi ajong alabi thun ka apaiq rai Bebilon mung na tsuq wanto.

EJEKIEL 24:3

Ikiq khiiti iwokhong wa pong wela jahoti isenginok ma ara shiiton manphan maq chongkuqlaq. Arka Ngi, Tati Rakaü Hiqwe raq tsangshiq miitu tiije thütiikang: Mokhii ka wa na tiidalaq, laüta kham ka takshi thülaq.

EJEKIEL 40:4

Apaiq raq ngi ma nguto, “Tiitsang liilaq, maiqse lei. Samheawiq tiitsang dada tailaq kiimaq Ngi raq ümniima jamlai wa tiichhikuq tiikang kriithun ka samhea shrira liilaq. Laüta tsan na tiitsang thülaq. Jamkhano ngukla ara miitu ümniika arjaq sheahoto. Ümniiraq ümmak maq jamlai wa chhitlaü thun ka Israilnok ma chongke chang miraq.”

AMO LUIK DVP (AMOS) 7:15

Shatmaq Tatiwe raq, ngi ka nyamse rümrea wa tsea wanto. Raüta Tatiwe raq, ‘Ümniika isengi Israilnok phana walaq. Laüta riisham bomtsi ara chongkuq wakiq,’ nguta thaü kha maq chongtiikang.

MALAKI 3:7

Namtitiim pat niimin la, tsangshiq ma ngi raq akuqha aming thun lang mak siwanto. Kra tiidada sii hali, ümchaü namshiq riimin ngi aming lang man, itri wokhong wa ahin na juho lan. Tri raütu ka lang man. Ümchaü min namshiq ka iphana jangwan rong rea. Raüla ngi min, namshiq phana mijang wan nongha. Shatmaq namshiq raq, ‘Riita naishiq ka jamkho ümphana mijang wan nong hai?’

WEAWEA 20:10

Raüta apaiq nai Aron raq mungmaiqse kunli ka kiijaq longraq kaü khaki na tiithungto. Raüta Mosheq raq akha nguto, “Tairong laq, namshiq kiqkhii sruriitibi lei! Nainai raq namshiq miitu ara long raq mong arwa kham ka tiidongke chang shea miraq ngukai?”

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

TRI CHONGKE 9:24

Ngi raq namshiq rai mang riisap wan li maq, namshiq raq Tatiwe kiq khü sru wan kra chhi wan kang.

TRI CHONGKE 9:27

Ümtsan na üm jaqshisetiim, Abraham, Isak, kiimaq Jakob thun kra tiitsang shat riilaq. Kiimaq tsangshiq tsantsii wan shak shak rümtlaq kra, abi ashut ümtinkhan wa klo wan tlaq kra, kiimaq arnok raq ngarai tangtlaq kriika ümtsan na naq thükiq.