EJEKIEL 2:2 - ASII LAKDAP Bible (BSI)

² Kra maiqbom raq ngi ma bom chongtlaq liipan niili, Shiikeawe wenyi ka ikhum na shangto. Raüta ngi ka tiidopot tiichapto. Kiimaq ngi raq kra maiqbom chongtlaq kriiraq tiipit mak maq ngi ma akha chongto.

Hawa Naga Bible 2001

² Kvruex kvjaz jungx thvt yaq nuex, Tishox siyac kuex ngaz nuex nyuip waung vtueq ngaz kuex tvjvp phuex, ngaz rueq kvjaz kuex tvhttoarc vtueq tay tauk,

EJEKIEL 2:2 Referencias Cruzadas

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

EJEKIEL 11:5

Tatiwe wenyi raq ngi ka rom wanto. Kiimaq Tatiwe raq ngi nang nga mungmaiqse ma ara tsütsa ara chonglaq nguta chongto: “Israilnok lei, Ngi raq asapha namshiq raq jamlai wa ngutlan kiimaq jamlai wa kiimung wa sürii tlan kra wiita asapha.

EJEKIEL 24:3

Ikiq khiiti iwokhong wa pong wela jahoti isenginok ma ara shiiton manphan maq chongkuqlaq. Arka Ngi, Tati Rakaü Hiqwe raq tsangshiq miitu tiije thütiikang: Mokhii ka wa na tiidalaq, laüta kham ka takshi thülaq.

EJEKIEL 3:12

Kiijiishe Shiikeawe wenyi raq ngi ka ra na dowanto. Kiimaq ngi raq ijai nü na ramokwa trang ikha kriiraq akha nguto, “Tatiwe khushü ramungtan thaq na sitlaq kra tiitsam laq!”

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

EJEKIEL 3:24

Shatmaq Shiikeawe wenyi ka ikhum na rom wanto. Raüta ngi ka tiidopot hitjoq tiichapto. Raüta Tatiwe raq ngi ma nguto, “Jam na walaq. Laüta kilü maq tiishaq laq.

EJEKIEL 36:27

Ngi raq iwenyi ka namtsan mong niishe mithii kuqha. Kiimaq namshiq raq Ngi raq akuqha tri raütu thun kra nai aming thun kra langwan lanta siwan miitu she milii kuqha.

DANIEL 8:18

Apaiq ka ngi rai riibomtlaq bala, ngi ka sunghü tsiihü she hiq na riwan kang. Shatmaq apaiq raq ngi ka ajaq maq kamsaq raüta tiidoto, raüta ihok maq tiichaptlii dokuqto.

Revelation 11:11

Shatmaq, ranaiqtsam ri shethiq sijai niishe, Shiikeawe phawa tsitsü raü ka saüki raüta tsangnai khum na shangto, raüta tsangnai tsitsü ka tiichüm kuqto. Krai mren, tsangnai ka amaa wa tiidorang she chapto. Kiimaq, maiq ümchu riiwa kra chhitaqti thun ka, akii anyii watrang lishe, kai phiip raq tsaito.

PHOWEBI 13:25

Kiimaq apaiq ka Jora chela nai Eshtaol chela liipan na Dan phan Piitiip na si bala niili, Tatiwe ningkun ka apaiq khum na shoqkuq wanto.

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.