DUNGWVNC 40:34 - ASII LAKDAP Bible (BSI)

³⁴ Kiijiishe Tombutiip ka phumda raq pang wanto. Kiimaq Tatiwe asi makse chathit chhainyii liliim raq Tombutiip ka mong wanto.

Hawa Naga Bible 2001

³⁴ Kvkaq Tap kvyuq phuemx rueq puingc wvnc koq tueq Yehowa ngauz vngax phelez kuex tap mungx nuex lez kaz tueq.

DUNGWVNC 40:34 Referencias Cruzadas

2 SAMUEL 7:6

Man na ngi raq Israilnok ka Ejip mung wa dokda wan kang akhing kriimaq riita, ümchaü akhing na saüli, ngi ka shomjam na si wan mang shaq li. Ngi ka tombutiipse na silatli, bashi maq riita bashi na khum wan kang.

2 KAÜWA WERAÜ 7:2

Shomjam mong ka aliliim chaihea lang lang chhairai wan kha na ramwebi ka Shomjam mong niimin nyap wa lot mak she riito.

Tvtsvmc 26:8

Ümnaq sitlaü jam ka ngi kai lungwii tiikang, O Tatiwe lei, üm khushü ngao chhainyii chang jam kra.

DUNGWVNC 14:24

Ranap rawiiho nini niishe Tatiwe raq watu khamchong kaü nai phum khamchong kaü mong maq Ejip mungti phenlabi kra hiq nü na ku raüta liito. Raüta tsangshiq ka phiip ajiip miishe tiitsaito.

DUNGWVNC 16:10

Aron raq mungmaiqse kunli ma bom chong kuqtaq krai mren, tsangshiq raq kumtsaiphii rumnyangkhi wang nü kiina liito. Kiimaq tiihanghiiq miili Tatiwe chhainyii makse chat-hit kra phumda dashi mong na chhai wanto.

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 29:43

Kiijaq Ngi raq isengi Israilnok rai mirhumha. Kiimaq Ngi asi kha maq makse chhat-hit chai nyii raitlaq kriiraq kriiba ka asii ma mitiija.

DUNGWVNC 33:9

Mosheq ka tiip mong na nyap wan raüla, ra wa phumda kaü ka sat kitlo. Raüta phumda ka Tombutiip kilam chong kiijaq chapkitlo. Kiimaq Tatiwe ka phumda mong maq Mosheq rai riibomdamtlo.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 6:4

Tsangshiq riibomtrang riinyatlaq kriiraq Shomjam süwan chang jamkhü thun ka tiikhaito. Kiimaq Shomjam mong ka wakhuk raq mong wan raüta wiita nyam wanto.

EJEKIEL 10:4

Kiimaq Tatiwe asi khushü ngao makse chathit chhainyii ka cherubim phong kiiwa ra nü na wawan raüta, Shomjam kilamchong tho kiiniishe wawanto. Kiijiishe Shomjam ka phum thup raq mong wanto, kiimaq rinkea keathung ba kriika walüli chhaitlaq kriiraq liliim wanto.

LEWI 16:2

Apaiq raq nguto, “Ümphu Aron ma chonglaq, apaiq ka akhing riikhaqli niitiq, kheachan khetuk jai na Asii Pinthum Khok kiijaq nyapwa ratlo. Jamkhano ngukla kiijaq Ngi ka Tongshong Tek pang chang thaq na phumda mong na kilata riihumki tiikang. Kiimaq apaiq raq ibom kla tlea raüla, apaiq ka atsea mirbaiq.

HAGAI 2:7

Ngi raq mangjong hiq wa maiq mung thun naüshaüshaü mirha. Krai mren pongmung maiqse raq tsangshiq tsiiq tum kra howan raüta arjiishe mito wan. Krai mren, Shomjam ka tsiiq anyam raq ama she miraq.

HAGAI 2:9

Shomjam anye ka jamchü thaq na pinthum tsomhea she miraq. Kiimaq ngi raq isenginok ka tsiiq anyam ma chiithe lüwa miishe mitiijaha. Kiimaq han asang miishe mirümha.” Arka Tati Ningkun Ajong Pinthumwe raq chongtlo.

WEAWEA 7:89

Ümtiikiiwa Mosheq ka Tombutiip mong na Tatiwe rai riibom wa wawantaq, apaiq raq Tatiwe ka Tongshong Tek pang chang hap kriithaq maq cherubim kaü nai chaptlaq heawea maq apaiq rai riibomdam ka taito.

Romans 9:4

Ara jamkhano chongtiikang ngukla, tsangshiq ka Shiikeawe sengi. Apaiq raq tsangshiq ka asetiim miishe tiija wanto. Raüta, apaiq raq tsangshiq ma, apaiq achhai anyii khushü ngao kra, tiichhikuq wanto. Raüta, tsangshiq ka apaiq raq tongshong wantaq thun kra ram kham maq tiiham wanto. Raüta, apaiq raq tsangshiq ma Thungtri ka kuqto. Shiikeawe raq tsangshiq ma, riikhaqli maq, apaiq shomnoq wan lam kriimin tiichhi kuqto. Kiimaq, tsangshiq raq, Shiikeawe raq tsangshiq ma akuq, kiqkham kongphiq raütu kriimin lap wanto.

Revelation 15:8

Kra shomjam ka Shiikeawe khushü nai Shiikeawe ningkun wakhuk raq mong raüta, wiita nyamto. Krai mren, rasetiim miishi raq thawa phan miishi ka, mangjong hiq na raübaiq ka mithum shaq wiiwii, shomjam mong na jumin nyap wa lot mak she riito.

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.