DUNGWVNC 40:15 - ASII LAKDAP Bible (BSI)

¹⁵ Kra laüta tsangshiq ka awe jamkho asii ramkham tel ma nyat laüta kiinong kuqlaü kiikhiisii, tsangshiq kiimin ramkham tel maq nyat laüta kiinong kuqlaq. Kra riihaüla tsangshiq ka ramwebi ja raüta Ngi shiikumpan jaqsham milot. Ara ramkham tel maq nyattlaü ariiraq tsangshiq ka pattup pat-sa ramwebi ma mitiija wan.”

Hawa Naga Bible 2001

¹⁵ Kvruex yimaq vwaz muex ruimruimx kuq toq kvkhoc tsuinghez muex muinz ruimruimc tix maq nyvt shuiuz, kvkhoc ruez ruiux tsuinghez kuex shomc waz muex yaungx vtueq ngaz muex shuimx kuq lot phuex. Tsuinghez muex kvkhoc ruimruimc kuy kuex httuiuc wvnc yaq tsuingshiq suiuz vsaz pat nuex httuiuc laz rvtueq,” ngoz tueq jungx tueq.

DUNGWVNC 40:15 Referencias Cruzadas

Tvtsvmc 110:4

Tatiwe raq asiq areng akha kiqkhamto kriika janghomak she; “Ümniika pattup pat-sa ramwe mijahaü, arka ramwe Melkijedek pumsong she.”

DUNGWVNC 12:14

Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”

DUNGWVNC 28:41

Arthun rohun arka ümphu Aron ma tiisam kuqlaq. Kiimaq asetiim ma tiisam kuqlaq. Kra laütiishe tsangshiq ka shonglaq. Laüta tsangshiq dü na oliptai maq ram laüta, tsangshiq ka kiinong kuqlaq. Kra raütiq tsangshiq raq ramwebi ma ja raüta Ngi mishkumpan.

DUNGWVNC 29:9

Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

DUNGWVNC 30:31

Kiimaq Israilnok ma akha chonglaq, ‘Ara asii ram kham tel arka Ngi shiikumpan jaqsham miitu pattup pat-sa lang chang.

DUNGWVNC 30:33

Kiimaq jurwa akha tel ka phoq tlaq, riimakla arwa maiq ahinti juwa ramwe riimakti khum na nyat kuq raüla, kriiti ka isengi nguta weamak she miraq.’”

DUNGWVNC 40:14

Laütiishe asetiim kra shea wanlaq. Laüta samtong thun ka tsangshiq ma tiisam kuqlaq.

DUNGWVNC 40:16

Kiimaq Tatiwe raq aming kuqtaq kra phan phan Mosheq raq wiita kloto.

JEKERIA 4:14

Kiijiishe apaiq raq chongto, “Ara kü nai ka maiq wenai, Tati raq, apaiq jaqsham ma nguta phumramkham maq tiibok raüta ajaq akhaqkuq wenai riito.”

WEAWEA 25:13

Apaiq nai asaü asetiim ka Ngi raq pattup pat-sa miitu ramwebi miishe shongtiikang. Jamkhano ngukla apaiq raq Ngi ngachang jiiti lai hin phra ka ninlot mak riito. Kiimaq apaiq raq jaqsham raüta mungmaiqse ngarai kra dobaiq wan miitu lam tanto.”

Hebrews 7:3

Asii bomtsi na, Melkijedek ma anyung nai awe ka juwa, lo atitiim ka juwa kriika waiq thü mak dea. Kiimaq apaiq rawüchhi, lo apaiq langpit tsütsa bomtsi kiimin, jam min waiqthü mak. Apaiq ka Shiikeawe Se sitlaq kra niq riri, pattup pat-sa miitu ramwe ma jaraüta sitlo.

Hebrews 7:7

Riita, nashiq wiitarü raq asap i, jurwa ramram kuqtlaq kriiwe kriika, jumiiwa ramkuqtaq kriiwe thaq na ajong.