DUNGWVNC 38:8 - ASII LAKDAP Bible (BSI)

⁸ Kiimaq apaiq raq miiki maq jaqhe chang nüchhong winpin nai kra shong chang kham ka jechakre Tatiwe asi Tombutiip kilamchong na jaqshamti chamni phong kriimaq kloto.

Hawa Naga Bible 2001

⁸ Piq rueq Yehowa httax yaq Tap kaluix daungx nuex yauk shuimc jix yalxjuik rulx rueq shuimx yaq jamnac htenc kuex lvmz vtueq, nvyrvyx pantuimz nuiyc gaq kox nuex thap juing kuex tvhungx guirx tueq.

DUNGWVNC 38:8 Referencias Cruzadas

1 HOKHVMX 7:38

Huram raq jaqhe chang winpin roqshi kriimin tiiqto. Leng ashi miitu winpin ka ashishi tiiqto. Winpin ashi ka winpin kii siimko maq riita siimko na saüli ka 1.8 mitar riito. Kiimaq kham ka winpin shi na 800 litar watlo.

2 KAÜWA WERAÜ 4:2

Kiimaq apaiq raq trotam na tamlok lok kaü, atsaü nü na mitar 2.2 khamtum ashi min miiki maq loto. Kra khamtum kaü ka among rom tingting maq panthit tiikhosaq na shin raüla mitar 4.4 kiimaq kra akii tro maq komsaq na shin raüla mitar 13.2 riito.

Tvtsvmc 26:6

Tatiwe lei, ngi raq ijaq ka kham maq ahea riikang ngi ka chiisan nguta tiichhike miitu lata ümnaq shomnoq berong-wacha tro na khumtiikang.

DUNGWVNC 30:17

Tatiwe raq Mosheq ma nguto,

DUNGWVNC 31:9

wiipumtam-chaqtlii chang berong-wacha kra kiimaq kra miirii hupsam thun kra, jaqhechang-nüchhong pin nai ajichong khambu kra,

DUNGWVNC 38:7

Raüta kra pum wiinai ka berong-wacha siimhap ri na awa komnai nai sitlaq kra mong na tlea hihi reto. Kra berong-wacha ka pepen maq aklo. Kiimaq among ka liilea.

DUNGWVNC 40:7

Kiimaq jaqhe chang nüchhong-win pin ka Tombutiip nai berong-wacha liipan na tiihonglaq. Laüta kiijaq kham tiimali thiilaq.

TAKSU LAK 8:34

Jurwa i bomchong taitlaq, kriiti ka khoqriiq shishiiq misi. Jurwa ijam kilam chong na ngashat maq, wranaiqshe khe raüta sitlaq, kra chochikhiq misi.

ISAIA 3:23

Kiimaq tsangshiq dü na samchang bannin kheasetiim akhum tiichhi rashra samtlaq khea kra, kiimaq tsangshiq müsaisai raihi-nairai phaqchet thun kra, kiimaq tsangshiq khu pangchang phaqchet thun kra kiimaq tsangshiq khupo pang chang bannin khea thun kra minyea wan.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

Matthew 26:69

Kra liipan bala Petar ka jamruk mong na rinkea na nga raü riito. Kiijaq Ramwe Ajong Pinthum we jaqshisetiim phong wa jechakse ashi ka apaiq tho na kito. Raüta apaiq nangnga, “Ümniimin la Gelili wangti Jesuq sengi sii kata,” nguta bom ka nyanto.

John 13:10

Kiijiishe, “Jurwa ajü ahewi she, kriiti khum ka asii she. Akhum lotli henong ka ra mak she. Ahokphi kli she he chang. Namshiq tarü ka asii siisaq she. Shatmaq, weshi kiitiina siimak,” nguta Jesuq raq Petar ma chongto.

John 18:16

Kiimaq, Petar ka jamkea rukjai niili khingkito. Kiijiishe, ajaqshi se ashiti ka rukphai na dongki nong raüta, ruk kilam na chap raü jechakse ashi asi kriima chongto. Raütiishe, apaiq raq Petar kiimin wangmong niishe shea wanto.

1 Timothy 5:5

Ata awiiti wa maiq apaiq liike wanti jumin ahü she, manti-nyung sitlaq kriiti riika Shiikeawe jaq lii raütli she sitlo. Apaiq ka ranaiq rawa achu jaü lam miili she sitlo.

Hebrews 9:10

Arthun honglu kuq tlaq arka, aphaq asea chang phan, raipo wonglo, anyang chang phan phaq asea, kiimaq alam alam na seng raüta khuliiq tsaichhin wan, mrochhi phaq wan chang sitlaq thun kra nangnga li chongtlo. Arthun arka rakhü-tsiri na lang wan chang thungtri li. Arthun arka Shiikeawe raq maiqse rilung lamphan lamjong anye kra mitan kuq shaq pat na lang chang li.

1 John 3:7

I setiim lei, namshiq ka jumiimin naq tlao rongkiq! Khristo ka asii kechu maiqse. Krai mren, jurwa tingting jaqsham tlaq, kriiti ka kechu maiqse.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

1 SAMUEL 2:22

Eli ka tikii kiikaiq she. Asenai raq Israilnok ma jamlai wa ashut kiimung tlaq thun bom ka tairuqli taitlo, kiimaq tsangnai raq Tatiwe sichang jam, kilamchong na jaqshamti jechakre sitlaq krai min kiichamtlo nguta taitlo.