DUNGWVNC 38:8 - Hawa Naga Bible 2001

⁸ Piq rueq Yehowa httax yaq Tap kaluix daungx nuex yauk shuimc jix yalxjuik rulx rueq shuimx yaq jamnac htenc kuex lvmz vtueq, nvyrvyx pantuimz nuiyc gaq kox nuex thap juing kuex tvhungx guirx tueq.

ASII LAKDAP Bible (BSI)

⁸ Kiimaq apaiq raq miiki maq jaqhe chang nüchhong winpin nai kra shong chang kham ka jechakre Tatiwe asi Tombutiip kilamchong na jaqshamti chamni phong kriimaq kloto.

DUNGWVNC 38:8 Referencias Cruzadas

1 HOKHVMX 7:38

Huram rueq pantuimz rokshiz tvhungx vtueq, renc vshiz nuex vshiz shiz khuimc laz taq tueq. Kvruex pantuimz tek vtueq vkhurx kox nuex meter 1.8 raz tueq yuix liter 800 banz yaq.

2 KAÜWA WERAÜ 4:2

Piq rueq nvyrvyx yuix tumz vshiz kuex vkhurx kox nuex meter 2.2, vyungc kox meter 4.4, guemc shauk nuex meter 13.2 kuex tvhungx tueq.

Tvtsvmc 26:6

Yehowa lex, ngaz mvrax kop muq kuex tvkhic kuy tvkoc ngvy yauk hoal vshaungx, nawk palx muex mshomrawx kuex tvroz khuemx vtaungx.

DUNGWVNC 30:17

Yehowa rueq Moshe muex ngoc,

DUNGWVNC 31:9

wvr maq jauk shomc kuy juing shomrawx nuiyc kvyuq seng yaq hup vsvmx lotlaz, pantuimz nuiyc gaq kox nuex sap juing,

DUNGWVNC 38:7

shomrawx samx nueyc nuex httax yaq vkamz htenc kvyuq relc taq shec tueq. Shomrawx kuex sawc riric hvlc yaungc tvkoc pulx penc maq tvhungx guirx tueq.

DUNGWVNC 40:7

Pantuimz kuex Yehowa httax yaq Tap nuiyc shomrawx hvlwvl kvyuq taq vtueq, pantuimz kvyuq yuix htawc taq shuiuz.

TAKSU LAK 8:34

Ngvy kvjaz tay vtueq ngvy kaluix nuex wvraungx nuiyq httax ruiux, ngvy yuimx nuex nyuip juing kaluix puc nuex bvmc jix waz kuex thuinhvlx tuex.

ISAIA 3:23

walx tsitsiz hvlc khoz vkhvy htenc, khvymvnz vnyel phajet htenc, tsuingshiq khux puingc juing phajet htenc kuex vpiq rueq lvmz tuip gay shuex.

JEKERIA 13:1

Tvphaungc Tvsuip Yehowa rueq, “Kvkhoc vkhing httuiuc tuex nuex, Dawid suiuz vsaz phvnx htenc nuiyc Yerusalem miqsaz htenc mvrax nuiyc yac yuimx nawk palx htungx kuex tvsawc gay muex yuix ruilx vshiz dung tuex.

Matthew 26:69

Peter kuex ruk mungx kvyuq ngaungc yaq nuex, Shomc Wayungx waz nvrc nyuiuz vshiz piq kox nuex kvnvp kaz vtueq, “Mnoz muinz Galile mungx jix Yesu rulc httaz naungc jix rvtoq,” ngoz tueq.

Luke 2:37

kvruex nyuiuz kuex Shomc Yuimx mungx wawc dung kaz muq maq phuiuz svy mamc ruiux vjux thoz vtueq Tishox muex nawk palx kuq tueq.

John 13:10

Yesu rueq, “Yuix rvhoalc lot yoalx waz kuex wvgvnz pumz vsawc shec ningkhvnc nuex yaz maq lvy vtueq gvnz vganc kuex hoalc rax muq. Nuimshiq muinz washiz maq lvy vtueq lotlaz kuex vsawc jvnc rvtuit,” ngoz tueq.

John 18:16

Peter kuex kaluix yix nuex dvyx jvp kaz tueq. Shomc Wayungx rulc rvtuiuz yaq kungjix waz kuex kaz vtueq, kaluix bvmc jix yalxjuik nyuiuz kvmac jungx vtueq Peter kuex yuimx nuex tv-nyuip shvlx wvnc tueq.

1 Timothy 5:5

Miqmac lauklauk dvyx raz tueq piq muex lawc kuy jix ukhaq muinz vguez mvntix nyuiuz shiz kuex Tishox muex tvluimc vtueq, raungnuiyq raungwvrx thauk muq maq vjux thoz ruiux Tishox rueq romc kuy tvkoc vjux thoz yaq.

Hebrews 9:10

Kvruex htenc kuex phuiuz vsvy, vnuingc juing phvnx nuiyc tvsawc nawc htungx vlayx phvnx ruip saz nuex seng vtueq shuimc lvmc dvyx rvtueq. Kvruex htenc kuex Tishox rueq vnyalx tvhungx shuex pat max httuiuc baunglaung vtaq shec raungkhuix tsax nuex seng yaq phvnc juing tvrac dvyx rvtueq.

1 John 3:7

Isuiuz isaz tamx lex, uraq muinz nuimshiq muex lvmx tvmawc muq mrvshueq! Christu kuex tsuingrux rvtueq rulc rv-ngvlc vlvmx yauk shuimc jix ukhaq yuq muinz tsuingrux waz rvtueq.

Revelation 1:5

tvmtuing vhttax maq hakhix khvmc yaq waz, vthueyc wvnc jix hez wawc kungkhux yuing kvtenc wvnc jix, mungkawx hokhvmx bix guimz jix waz Yesu Christu kox wawc muinz, kejux nuiyc suinglix kuex nuimshiq rueq lvp wvnc shuinz. Naungshiq muex lungwawx vtueq vpiq pumz maq shomc nawk kuy thueyc khvmc tueq nuiyc naungshiq mvrax htenc dawc kuq ruiux,

1 SAMUEL 2:22

Eli kuex majuiuc nyuiuz waz hvlc shex rvtueq. Vsahez rueq Israel miqsaz muex shuimx kuq yaq phvnx ruip saz kvmuinz, Yehowa httax yaq Tap nuex nyuip waungc juing puc nuex yauk shuimc jix yalxjuik rulx rulc vdvmz nuex yuip naungx yaq kvmuinz tay tueq.