DUNGWVNC 36:8 - ASII LAKDAP Bible (BSI)

⁸ Kra jaqshamtibi phong na pinthum jaqsham smabi thun raq Tatiwe Asi Tombutiip ka haito. Tsangshiq raq kra tiip ka müsaisai raihi-nairai khea ka raiwai, mintiitii rai, kiimaq unirai raishii ka riishot riishaq raüta ataq kiimaq cherubim sumla phong ka khea kiijaq achhang raüta awaiq khea thum thun roqshi ka adam na triiche raüta haito.

Hawa Naga Bible 2001

⁸ Thenc tuiuz yaq jix htenc kvwawc thenc hvlc jix hez rueq Yehowa httax yaq Tap kuex guirx wuez tueq. Tsuinghez rueq khvymvnz vnyel, khuingc wuil nvm-yaz, pasic nvm-yaz, khelbuenx ruiyshawx htenc maq tauk vtueq, kherubim yac vwuiyq tvhungx shec khvymvnz vjuinc juing rokshiz maq Tap kuex guirx wuez tueq.

DUNGWVNC 36:8 Referencias Cruzadas

1 HOKHVMX 6:23

Kiimaq kra tapmong nyang siqlaitap khok mong niika olip pe pen maq cherubim kaünai hai raüta, Asii Thaq Na Asii khok kiijaq thüto. Kra cherubim rakong wiinai ka adü lu na 4.4 mitar riito.

1 KAÜWA WERAÜ 15:1

Apaiq maiqmii si ma Dawit raq Dawit Chela na jam thun haito. Kiimaq apaiq raq Shiikeawe Tongshong Tek kra thü chang min hiq bashi tiijeto. Raüta kra miitu tombutiip ashi haito.

2 KAÜWA WERAÜ 1:3

Tsangshiq kunli ka apaiq rai Gibeon hiq na Shiikeawe shomnoq ki rong i nguta aming tatto. Tsangshiq ka kiina kihoto. Jamkhano ngukla Tatiwe jaqshise Mosheq raq rumnyangkhi kumtsaiphii binjü maq ahai Tatiwe Asi Tombu Tiip ka kiijaq riito.

2 KAÜWA WERAÜ 3:10

Kiimaq hokhamwe raq ajaqshamtibi ma cherubim anai ka jin ngam maq tiiq rong laq nguta aming kuqto. Raüta chaq maq akhuthaq na lolanta cherubim ka Asii Thaq Niimin Asii khok na thü rong laq nguta thaüto.

DUNGWVNC 25:18

Kiimaq chaq tiiphin tiiq laüta cherubim kaünai klolaq.

DUNGWVNC 25:22

Ngi raq ümniirai ka kiijaq mirhum kang. Kiimaq apang chang thaq na cherubim kaünai hea wea kiimaq Ngi raq ümniima Israilnok miitu ithung tri ka wiita mikuq kang.

DUNGWVNC 31:6

Kiimaq Ngi raq Dan phan wa Ahisamakh se Oholiab kiimin apaiq rai jaqsham dam miitu tsea wan kang she. Kiimaq Ngi raq maiq ahinti tsiimwe khiiqwebi thun wiita ma taksma phaqchi jonghea pheakuq kang she. Krai mren Ngi raq aming kuq kang kra phan phan tsangshiq raq phanrap ka thep thep miklolot.

DUNGWVNC 31:7

Ngi asi Tombutiip kra, Tongshong Tek kra kiimaq kra pang chang kra, kiimaq Tombutiip mong na thüchang hupsam thun kra,

DUNGWVNC 35:10

“Namshiq phong na taksma tsiimwe khiiqwebi thun ka walanta Tatiwe raq aming kuqtaq kra phan phan hupsam wiita klo ronglaq:

DUNGWVNC 36:9

Kheathum thumshi kriika ajong alu na mren mren siisaq riito. Alu nü na mitar roqshi ri anai, ajong nü na mitar nai nai siisaq riito.

DUNGWVNC 39:3

Tsangshiq raq chaq ka pisaisai diimsetiim tiiqto. Raüta kiiwa pisaisai diim ransetiim hanto. Raüta kra diimsetiim maq müsaisai raihi-nairai krai, kiimaq raiwai, mintiitii, kiimaq uniraishii krai riishot raüta khea ka taqto.