DUNGWVNC 36:35 - ASII LAKDAP Bible (BSI)

³⁵ Kiimaq tsangshiq raq achan chang khea thum ka müsaisai raihi-nairai maq, raiwai, mintiitii, kiimaq uniraishii maq trai trai raüta taqto. Raüta kiijaq awaiq angon rai maq cherubim sumla thun kra chhangto.

Hawa Naga Bible 2001

³⁵ Tsuinghez rueq vjuinc juing kuex khuingc wuil nvm-yaz, pasic nvm-yaz, khelbuenx ruiyshawx nuiyc khvymvnz vnyel maq tauk vtueq, kherubim yac nuex vpuic wuiyq tvhungx shec tueq.

DUNGWVNC 36:35 Referencias Cruzadas

DUNGWVNC 26:1

“Asii Tombutiip, Ngi asi Tombutiip mong thun kriika müsaisai raihi-nairai ka raiwai, raishii kiimaq unirai shii maq shot raüta ataq thumjong thum roqshi kriimaq hailaq. Kiimaq kriithun ka rai maq cherubim sumla thun ka khea kiijaq waiq chhang chang.

DUNGWVNC 30:6

Laüta ara berong-wacha arka Tongshong Tek tukchang kheathum chantlaq kriima kinphai nü na thülaq. Arba arjaq Ngi ka ümniirai mirhumha.

DUNGWVNC 36:34

Tsangshiq raq ariikom thun ka chaq maq job loto. Raüta ariikom thun kiijaq chaq maq alo awakom thun ka tiihongto. Arka pumpat pum kra akom mong na tlat hihi re raüta khetuk miitu kloto. Ara pumpat pum thun armin chaq maq job hihi na loto.

DUNGWVNC 36:36

Raüta tsangshiq raq ara kheathum ara chanchang kham ka blai akasia pe maq haito. Raüta ara kham blai ka chaq maq loto. Raüta kham blai kiijaq chaq maq atiiq khaiq thun kra tiikop hihiq tiihongto. Kiimaq tsangshiq raq ara kham thun ara tiinga hihi shongchang ajichong diim ka kampho maq blai kloto.

DUNGWVNC 40:21

Raütiishe apaiq raq tek ka Tombutiip mong niishe thüto. Raüta atuk chang kheathum kriishe chanto. Akha klo raüta apaiq raq Tongshong Tek ka Tatiwe raq aming kuqtaq kra phan phan khetuk maq rai thüto.

Matthew 27:51

Liirong laq, kiijiishe Shomjam mong na achan kheathum kaü ka, ra nü maq riita hiq na saüli khonai ma tiikholiiq tiichai kito. Kiimaq hiqjong muwa trang liishe riito. Kiimaq longkaü thun kiimin kholam kholiiq wiita tiibun baiqto.

Hebrews 10:20

Jesuq raq nashiq ka, Shiikeawe phana wawan miitu, lam anye ashi she, atra rilung lamshe tankuqto. Arlam tankuqtaq arka, apaiq han-ngam khum kheathum achan ka tan wan raüta, wawanto. Arka, apaiq khum ka honglu na kuq raüta tsaito. Raüta lam ka tankuqto.