DUNGWVNC 35:22 - ASII LAKDAP Bible (BSI)

²² Maiq ümchu riiwa kewan lungwiitlaqti thun raq, jechak maiqwe tarü kunli raq, atiimiikhiiq na dat chang maiqchi thun, niti thun, jaqtop thun, laktum thun, kiimaq phanrap phanrii tsomhea chaq laktum thun kra lam wan raüta Tatiwe ma honglu na kiinong kuqto.

Hawa Naga Bible 2001

²² Vkuy roc thuinz httax yaq miqwaz, yalxjuik htenc rueq kuimshawx khuiuq kvr, kuimshawx najic, kuimshawx yauktop nuiyc luek tumx htenc kuex Yehowa muex shomc kuy tvkoc laq wuez tueq.

DUNGWVNC 35:22 Referencias Cruzadas

2 HOKHVMX 12:4

Joash raq ramwebi thun ka heato. Raüta tsangshiq ma mungmaiqse raq Shomjam na kechang joli hanglu thun kehü atiichongki wa kampho kra nai maiqmii tsantsii maq lungwii honglu kuqtlaq thun wa kampho ka samhea saiqsam lanta thüronglaq nguta aming kuqto.

2 KAÜWA WERAÜ 29:31

Raütiishe Hejekia raq mungmaiqse ma nguto, “Ümchaü namshiq khum ka phum ram kham maq batje asii she. Tatiwe ma kechutum honglu thun kriishe lam wa lantea kuq rong laq.” Tsangshiq raq kra aming ka langto. Kiimaq maiq wiijamti riika maiqmii tsü maq nyamse ka wiipumtam maq chaqtlii chang honglu thun kiimin lamkuq wanto.

DUNGWVNC 32:2

Kiijiishe Aron raq tsangshiq ma nguto, “Chaq niti thun namchaktiim, namse maiqwe sere, kiimaq jechakse re ni na titlaq thun kra ana ngi ma lamkuq wan ronglaq.”

DUNGWVNC 32:3

Krai mren mungmaiqse wiita raq tsangshiq chaq niti thun ka chhut raüta, kriithun ka Aron ma lam kuq wanto.

DUNGWVNC 35:21

Kiimaq maiq loweatek jurwa hongluke lungwiitlaq kriiti raq honglu ka achhuqchhuq hupsam lam wan raüta, Tatiwe asi Tombutiip kra hai miitu kuqto. Tsangshiq raq noqku na langchang hupsam ümchuwa rong ratlaq thun kra wiita kiimaq ramwebi rohun klo chang hupsam rong ratlaq thun kra kun kun lam wan raüta kuqto.

DUNGWVNC 35:23

Maiq loweatek jujaq niiwa müsaisai raihi-nairai; raiwai, mintiitii rai, riimakla uniraishii; chhechhi bin maq ataq khea; sku pongsetiim khü riiqshii maq alo; riimakla nintata ngamkhü, thun kra lamkuq wanto.

TAKSU LAK 25:12

Taksu maiqse raq, asap atsinti ma, tsii chongke ka, chaq jaqtop riimak la, chaq laktum atlak ikha tsomhea.

ISAIA 3:19

Kiimaq tsangshiq jaq dang na patlaq thun kra minyea wan. Apaiq raq tsangshiq khupo pangchang bannin khea phu thun kra minyea wan.

ISAIA 60:13

“Pain pe, junipar pe, kiimaq Saipres pe thun, Lebanon pum wa pe ahea pinthum kra, Lamho raüta ümchela ka mitiihea hainong. Raüta i Shomjam ka pinthum tsomhea tiija miitu, Raüta ichela ka achhai anyii khushü tiijong miitu.

ISAIA 60:9

Kriithun ka mokkiitu phong maiq mung luhea wa saü wantlo, Shiikeawe senginok tsangshiq jam na shea wantlo. Tsangshiq raq kampho nai chaq horaüta watlo. Tatiwe mang shreng miitu. Asii Israilnok Shiikeawe. Apaiq raq mangjong maiqse kunli ma Asenginok shreng miitu aming kuqto.

EJEKIEL 16:11

Ngi raq ümdang na nai ümjaq na longseng laktum tlak kuqkang kiimaq ümjaq na longseng jaqsin thun tiipa kuq kang.

WEAWEA 31:50

Kiimaq naishiq loweatek raq alap wan hai wa ümniima, chaq maq alo tükii thun, jaqsin thun, jaqtop thun, niti thun, kiimaq laktum thun ara lamkuq wan tiikai. Naishiq raq arthun ara Tatiwe ma naishiq khum tiiwongke wan kha na kuq tiikai, apaiq raq naishiq ka tiikhup wong kuq shat mirümlaq.”

Matthew 2:11

Tsangshiq ka kiijaq saü raüta jam mong na wato. Kiimaq no ka anyung Meriq rai chhito. Raüta tsangshiq ka lakü maq nga raüta apaiq ka shomnoq wanto. Kiimaq tsangshiq raq ahoho kongphiq chaq, pechong mong wa alam homseng tsai, kiimaq penaihomseng thop kra tsangshiq thongkhiiq mong wa lam raüta, no jichong niishe kai shreng raüta tokuq wanto.