DUNGWVNC 35:21 - ASII LAKDAP Bible (BSI)

²¹ Kiimaq maiq loweatek jurwa hongluke lungwiitlaq kriiti raq honglu ka achhuqchhuq hupsam lam wan raüta, Tatiwe asi Tombutiip kra hai miitu kuqto. Tsangshiq raq noqku na langchang hupsam ümchuwa rong ratlaq thun kra wiita kiimaq ramwebi rohun klo chang hupsam rong ratlaq thun kra kun kun lam wan raüta kuqto.

Hawa Naga Bible 2001

²¹ Yehowa httax yaq Tap guirc tvkoc raungc raq jix htenc rueq miq tek vtueq Yehowa kox nuex shomc kuy juing htenc lvmz laq wuez tueq. Tsuingshiq rueq nawk palx shuex nuex shuimc juing hup vsvmx muinz, shomc waz khoz vkhvy tvhungx juing hup vsvmx htenc muinz laq wuez tueq.

DUNGWVNC 35:21 Referencias Cruzadas

2 SAMUEL 7:27

Ningkun Ajong Tatiwe, Israilnok Shiikeawe lei! Ngi raq tsaiji tiijong lata, ümman na ara achu jaü tiikang. Jamkhano ngukla, ümniiraq ngi ümdise ma arthun shammi bomchong arka tiichhikuq laü she. Laüta ilai ila thun ka hokhambi ma mishong wanha nguta ngi ma chongkuq laü she.

1 KAÜWA WERAÜ 28:2

Dawit ka mungmaiqse man na chapto. Raüta akha trahoto: “O sang amang maiqse lei, tairong laq ngi bom chongpha. Ngi raq Tatiwe nashiq Shiikeawe hoknichang Tongshong Tek kra thü ma jam ashi pattup miitu haila nguta tiima wan kang. Ngi raq apaiq shreng lata Shomjam ashi hai miitu phanrap hup asam thun ka kunli tiichomrom kang she.

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

1 KAÜWA WERAÜ 29:14

“Kiitinkhan jonglu kra ningkhan, isenginok nai ngi riika ümniima jamlai phan kene chang min ahü sitiikai. Jamkhano ngukla, phanrap phanrii ka ümjaq wa phe maq kongphiq akuq haü siisaq li riim tiikai. Krai mren naishiq riika ümniiraq naishiq ma jamlai wa kuqlaü, kra ümhupsam kriili jangkuq nongkai.

1 KAÜWA WERAÜ 29:3

Riita arthun riichom rom kang arthaq niimin, ngi raq itachong hupsam wa kampho kiimaq chaq thun kuqkang. Jamkhano ngukla ngi raq Shiikeawe Shomjam miitu itsan tiitsi lata lungwii tiikang.

1 KAÜWA WERAÜ 29:8

Kiimaq ju jaq niiwa longseng asiti riika Shomjam Kampho Tek liitiwe Jehiel, apaiq ka Lewi phan Gershon weraüwa, kriiwe jaq na kuqto.

1 KAÜWA WERAÜ 29:9

Mungmaiqse raq Tatiwe ma khoqriiq shishiiq maq honglu ka kuqto. Tsangshiq ka honglu pahea kewan kra chhi raüta kai chochito. Hokhamwe Dawit kiimin pinthum khoqriiqto.

EJRA 2:68

Tsangshiq ka Jerusalem chela Tatiwe jam na saü raüta, awe raü phong wa, mungtu wiijamti raq, Shiikeawe jam khüchü na tiihea hai wan miitu, tsangshiq tsantsii maq honglu kuqto.

EJRA 7:27

Ejra raq Shiikeawe ka akha shomnoqto, “Nanyung nawe Tati Shiikeawe kli tiitsam rong i! Apaiq raq Jerusalem Shomjam ka shreng wan miitu ajong hokham tsantsii ka pinthum tiininja wanto.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

DUNGWVNC 25:2

“Israilnok ma Ngi miitu honglu kuq ronglaq nguta chonglaq. Laüta jurwa maiqmii raq aro aro jamlai honglu wa kuqtlaq kra riichom jaülaq.

DUNGWVNC 35:20

Kiimaq Israilnok mungmaiqse tlotli ka tiido rang kihoto.

DUNGWVNC 35:22

Maiq ümchu riiwa kewan lungwiitlaqti thun raq, jechak maiqwe tarü kunli raq, atiimiikhiiq na dat chang maiqchi thun, niti thun, jaqtop thun, laktum thun, kiimaq phanrap phanrii tsomhea chaq laktum thun kra lam wan raüta Tatiwe ma honglu na kiinong kuqto.

DUNGWVNC 35:26

Kiimaq tsangshiq raq chhechhi bin maq rai pato.

DUNGWVNC 35:29

Israilnok mungmaiqse tlotli raq, jurwa honglu kewan lungwiittlaqti raq, tsangshiq honglu thun ka Tatiwe jaqsham miitu lamkuq wanto. Arka apaiq raq Mosheq ma aming kuqtaq kra phan phan kloto.

DUNGWVNC 35:5

Tatiwe ma honglu kuq ronglaq. Maiq loweatek jurwa honglu ke lungwiitlaq, kriiti raq chaq, kampho, riimakla miiki lam wan raüta mikuqlaq;

DUNGWVNC 36:2

Kiimaq Mosheq raq Bejalel, Oholiab, kiimaq jaqsham smabi ahinti thun wiita Tatiwe raq asap atsin phaqchi kuqtaqti thun kra, kiimaq juju riiwa jaqsham khrumke lungwiitibi thun kra heato. Raüta Mosheq raq tsangshiq ma jaqsham ka phaho rongliishe nguta chongkuqto.

TAKSU LAK 4:23

Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

JEREMIA 30:21

Tsangshiq pengti tuwe ka tsang mungti wa mishong, tsang hokham se ka tsangshiqnok wa mishong wan. Ngi raq apaiq hea tiikang na Ngi phana miwa, tiiheahü miika juwa miwalot? Tsangshiq ka isenginok miraq; kiimaq Ngi ka tsangshiq Shiikeawe mirha. Arka Ngi, Tatiwe raq ngutiikang.”

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

2 Corinthians 8:12

Namshiq raq khoqriiq shishiiq maq kuq han jiila, Shiikeawe raq namshiq kongphiq jaqmiiq ka, chochi khiq ma mitao. Namshiq raq ümchuwa mitang han, kra kuq ronglaq. Namshiq jaq na jamlai wa ahü, kriika Shiikeawe raq asap.

2 Corinthians 9:7

Arkha maq, maiq khumtek raq juwe riiwa, maiqmii tsan na jamkha mikuqha nguta wa tiima tlan, kra phan phan kuq rong laq. Akhan anyan lam maq lo, kiimaq aming shiikhoi ikha tiima raüta kene ka riimak. Ara jamkhano chongtiikang ngukla, Shiikeawe riika jurwa tlungwii raüta kuqtlaq, kriiti ka lungwii tlo.

PHOWEBI 5:12

Shunshea laq, Debora lei shealaq! shea laq! Ashi ashi shilaq! Laüta shea laq!, Sinkhu na, Ahinoam se Barak lei, shumwikong tsuq laüta, sinkhu lamshea wala!

PHOWEBI 5:3

Hokhambi lei tai ronglaq! mungtu shiilangbi lei, samhea tiitsang tai ronglaq! Ngi raq Israilnok Shiikeawe Tatiwe ma, shomshi mishingeha, phanrap tsüngii lata mishi ngeha.

PHOWEBI 5:9

Imongjii ka Israilnok phentubi rai, kiimaq mungmaiqse kiimchii riichii maq, rekhat chap wanti rai sitlo, Tatiwe li tiitsam!