DUNGWVNC 34:13 - ASII LAKDAP Bible (BSI)

¹³ Kra rii na, tsangshiq berong-wacha thun ka arun riibaiq ronglaq. Kiimaq tsangshiq asii khamchong thun ka atiithen riibaiq ronglaq. Kiimaq tsangshiq phra nyung Ashera berong thun ka atiithen riibaiq ronglaq.

Hawa Naga Bible 2001

¹³ Nuimshiq rueq tsuingshiq shomrawx htenc kuex tvbac httak gay rax, tsuingshiq vsawc lunghtung htenc kuex tvbac gay rax, tsuingshiq Ashera tishox nyuiuz yac htenc kuex duiuz gay rax.

DUNGWVNC 34:13 Referencias Cruzadas

1 HOKHVMX 14:15

Tatiwe raq Israilnok ma mo laihea mitiiho wan. Kra ningkhan na Israil mung ka wiita mibrak shaq wan. Khamrai mong na khamtso raq tingjang rü baiqrat tlaq ikhiishe mibai wan. Apaiq Israilnok ka ara hiqpo hiqwin mung apaiq raq tsangtitiim ma akuq wan arwa arangchong maq miphai baiq wan. Raüta apaiq raq tsangshiq ka pongmung niishe Euphretis rai kra tlea mung niishe miwan baiq wan. Jamkhano ngukla tsangshiq raq jechak phrakaü Ashera sumla kaü kra thun ka klo wanto. Raüta Tatiwe tsankhiq walüwa kra shaü wanto.

2 HOKHVMX 10:27

Krai mren, tsangshiq raq asii khamchong kra nai shomjam ka tiithen baiqto. Raüta kra shomjam ka namtumtiip miishe tiija baiqto. Kriika ümchaü min asili.

2 HOKHVMX 18:4

Apaiq raq thatsang maiqse raq sumla phra thun shomnoq chang hiqba thun ka wiita runbaiqto. Longkaü kham thun ka tiibun baiqto. Raüta jechak phra Ashera sumla thun kra tiibun baiqto. Kiimaq apaiq riika Mosheq raq paü sumla miiki ngam maq alo Nehushtan ngutlaq kriimin wiita tiibun baiqto. Kra akhing na saüli Israilnok raq kra sumla ka shreng raüta homseng honglu wa na chaq wanto.

2 HOKHVMX 23:14

Hokhamwe Josia raq sumla phra noqchang longkaü khamchong ashong thun kra bunlak buncha buk baiqto. Kiimaq jechak phrakaü Ashera sumla thun kra wiita chumbaiqto. Raüta arthun jamkhü ba kiijaq maiqrii miishe tiishe phongbaiqto.

2 KAÜWA WERAÜ 14:3

Apaiq raq pongmungti raq shomnoq chang berong-wacha thun nai thatsang chang noqku jam thun ka run baiqto. Raüta asii longkaü kham thun ka tiibun baiqto. Raüta jechak phrakaü Ashera shomnoq chang setu thun ka runbaiqto.

2 KAÜWA WERAÜ 15:16

Hokhamwe Asa raq awi Maaka ka hokham nyung ngacho wa hiq niishe tiisat baiqto. Jamkhano ngukla apaiq raq ashe sumla Ashera phra nyung jechakre ma ase tiihumketi sumla kra haito. Asa raq kra sumla ka chumbaiqto. Raüta pongpan riipan chumbaiqto. Raüta kra pan thun ka Kidron raise wii na wa maq chaqbaiqto.

2 KAÜWA WERAÜ 17:6

Apaiq raq Tatiwe shiikum pan wan ka kharii jonghea nguta shreng wanto. Kiimaq thatsang chang sumla phra phong noqpi chang jam thun ka kiimaq jechak phra Ashera shomnoq chang setu thun ka Juda mungwa wiita shiithen baiqto.

2 KAÜWA WERAÜ 24:18

Kra ningkhan na, mungmaiqse raq tsangtitiim Tatiwe, Shiikeawe ka Shomjam na shomnoq wa mak she tsaq kito. Raüta sumla phra phong nai jechak nyung Ashera sumla phong kriishe shomnoq hoto. Tsangshiq raq arthun ngarai klo wan kha na Tatiwe tsankhiq walütu ka Juda mung nai Jerusalem khuthaq niishe saüwato.

2 KAÜWA WERAÜ 31:1

Kra poi thumjai she Israil mungti tlotli ka Juda mung na chelatek na kito. Raüta longkham thun tiibun baiqto, kiimaq jechak phra Ashera noq chang berong thun ka daqbaiqto. Kiimaq berong-wacha thun kra tiithen baiqto. Kiimaq thatsang chang jam thun kra tiithen baiqto. Tsangshiq ara jaqsham ka Juda mung hamli na kiimaq Benjamin wang na, kiimaq Ephraim wang na kiimaq Manase wang na kunli na kloto. Kra ngut raütiishe tsangshiq ka jam niishe wa wanto.

2 KAÜWA WERAÜ 33:19

Kiimahali hokhamwe raq achu jaütaq nai Shiikeawe raq apaiq achu jaü tretaq bom thun, kiimaq apaiq mra mitiidii wan shaq na apaiq raq ngarai tangtaq thun raüpot kra- apaiq raq ashut klowantaq thun kra, thatsang noqkujam thun haitaq kra kiimaq jechak nyung phrakaü Ashera berong thun shongtaq kra, kiimaq apaiq raq sumla thun shomnoq wantaq thun kra wiita Shammibi Manphan Lakdap na waiq thüto.

DUNGWVNC 23:24

Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.

ISAIA 17:8

Tsangshiq ka tsangshiq maiqmii jaq maq atiiq lowan sumla phra thun shomnoq chang berong-wacha thun kiimiika lamkam mak she miraq. Kiimaq tsangshiq jaq ma aklo wan Ashera phra kaü nai laihin phra noqchang homseng chaqchang berong-wacha thun kriimiika kam tsantsii thümak she miraq.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

JEREMIA 17:2

Namshiqnok raq phra kong ka berong-wacha thun kiijaq shomnoqtlo. Kiimaq jechak phrakaü Ashera miithiiphong ka hiqlampo thun kiijaq pechongtong aweatek na shongtlaq kra shomnoqtlo.

Mikha 5:14

Ngi raq namung wa jechak nyung Ashera sumla, khamchong thun ka miphai baiqha, Kiimaq nam chela thun mitiithen baiqha.

WEAWEA 33:52

namshiq raq kra mungti maiq thun ka wiita jobaiq ratlo. Tsangshiq long shong thun kiimaq jin maq aklo sumla phra thun kiimaq tsangshiq noqku chang ba thun kra kun kun tiithen baiq ratlo.

TRI CHONGKE 16:21

“Ümtiikiiwa ümniiraq Tatiwe üm Shiikeawe ma berong-wacha haitlaü, kra tho na jechak phra Ashera ma ashong pe berong kham ka shong maimak.

TRI CHONGKE 16:22

Kiimaq sumla phra shomnoq chang longkham min shong maimak. Tatiwe raq arthun ka pinthum saisitlo.

TRI CHONGKE 7:5

Arningkhan na, tsangshiqnok berong-wacha thun ka wiita runbaiq ronglaq. Kiimaq tsangshiq raq long berong kham thun maiqwe Baal phra ma akiinongkuq thun ka wiita bunlak buncha tiibunbaiq ronglaq. Kiimaq tsangshiq raq jechak phra Ashera ma akiinongkuq berong kham thun kra wiita daqbaiq ronglaq. Kiimaq tsangshiq sumla phra thun kra wiita wa na chaqbaiq ronglaq.

PHOWEBI 2:2

Krai mren, namshiq raq armung na sitinok rai tongshong wan maimak. Namshiq raq tsangshiq berong-wacha thun ka wiita shiithen baiq wan ratlo.’ Shatmaq ngi raq namshiq ma jamlai bom wa chongkang kra namshiq raq klowan man dea riilan. Namshiq raq jaqsham ka angan nü na khoti sham wan lan!

PHOWEBI 6:25

Kra rawa Tatiwe raq Gideon ma akha chongto, “Ümwe minsaü pongwe kra rai minsaü pongwe ashi hali arawii wiimiishi saüpongwe kriiri lamholaq. Laüta ümwe raq Baal ma ahaikuq berong-wacha ka runbaiq laq. Laüta Ashera phra nyung berong Baal sumla tiinap na ashong kriimin chumbaiq laq.

PHOWEBI 6:26

Laüta ara hiqlamse thaq na samheawiq Tatiwe üm Shiikeawe ma berong-wacha ashi hailaq. Kra hailaüta minsaü pongwe ashiti ka ta laq. Laüta ümniiraq Ashera berong adaqbaiq haü wa chin kra lam laüta, minsaü maa ka wiipumtam maq wa na chaq laüta honglu kuq laq.”