DUNGWVNC 32:32 - ASII LAKDAP Bible (BSI)

³² Mangchan laüta tsangshiq ngarai ka diikuqlaq. Shatmaq ümniiraq diikuq maü jiila, ümniiraq ümsenginok mang thun waiqlaü lakdap kiiwa imang ka alamli riibaiqlaq.”

Hawa Naga Bible 2001

³² Tsuingshiq mvrax kuex dawc kuq koq; yuq muinz mnoz rueq dawc kuq muq ngoz ruiux kuex, mnoz rueq wuiyq shec toq mmiqsaz muingc wvlc kvwawc ngvy muingc kuex tvmauk lvmz gay shuiuz,” ngoz tueq kvmenc jenc thoz tueq.

DUNGWVNC 32:32 Referencias Cruzadas

2 SAMUEL 18:33

Hokhamwe ka atsanbi ahositsi raq atsai she riito. Apaiq ka kilamchong wukhu thaq na ra na khok ashi asi. Kiijaq wawanto. Raüta hoqsiq wanto. Apaiq ka ra khok kiina wawan lam miili, “O ise lei! Ise Absalom lei! Absalom, ise lei! Ümnaq tsai rii na, ngi tsaiha jaq khoti ahea riichang wa, ise lei! Ise Absalom lei!”

Tvtsvmc 139:16

Ümniiraq ngi ka rawü michhiha shaq niiphü achhihaü. Irilung miitu rahiq athiiqkuq ka wiita ümlakdap na awaiqthü wishe, kriithun ka miphaja wanshaq niiphü.

Tvtsvmc 56:8

Ümniiraq asap haü ngi ka ümtinkhanwa chamchao tiikang; ümniiraq imakphai satlaq kra raüpot thülaü. Kriithun ka üm lakdap na waiqthüje riimak shea?

Tvtsvmc 69:28

Tsangshiq mang ka atrati mangwaiq chang lakdap wa atiimaq riibaiqlaq; tsangshiq mang ka ümsenginok mang waiq chang lakdap na naq tlom damkiq.

DUNGWVNC 32:10

Ümchaü, ümniiraq Ngi ka naq tiiwinkiq. Ngi ka tsangshiq ma itsan khiq she. Kra ningkhan Ngi raq tsangshiq ka mitiithen baiqha. Kra latiishe Ngi raq ümnaq nai ümsaü ümsetiim ka maiq mung ashi jonghea ma mitiijaha.”

ISAIA 4:3

Maiq loweatek aso ümchuwa Jerusalem na tiichong kitaq kriiti thun ka, Shiikeawe raq alai ma nguta tiichongbaiqtiiti thun asii maiqsetiim ngutiishe mingu.

EJEKIEL 13:9

Ngi raq namshiq arot riisham makchhi chongti, lanta maiq tiishon riisham bom maq tiithai tlan kra miitu mo she mitiihoha. Namshiq ka isengi Israilnok raq adam na mungthung raüta bom riichong raüta thapthi wantlaq kiijaq lomlot man she mirhan. Kiimaq nokti mang waiq lakdam na namshiq mang ka ahü miraq. Namshiq ka nam mung na ümkhii riita jiimin jang wanlot man she mirhan. Kiijiishetiq namshiq raq Ngi ardea Tati Rakaü Hiqwe nguta misap han.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

AMO LUIK DVP (AMOS) 7:2

Ngi raq riisham mak maq hiq na nyiipjaq nümwan tlaq kra tiisiirai kupchi raq phaqbaiq chhikang. Kra chhilata ngi raq akha achu jaü kang: “O, Ajong Thaq Na Ajong Pinthum Tatiwe lei, Jakob raq jamkho minin? Apaiq ka aran se chaplot mak!”

MALAKI 3:16

Kiijiishe Tatiwe ma tiihai shat maq siti liipan na bom ka riichongto. Kiimaq Tatiwe riimin tsangshiq bom ka taito. Kiimaq tsangshiq raq jamlai wa chongtaq kra trekuqto. Raüta Tatiwe raq apaiq ma haisong tsantsii thüti, kiimaq apaiq shrengti miitu lakdam ashi na akha waiqthüto.

MALAKI 3:17

“Tsangshiq ka isengi miraq,” nguta Tati Ningkun Ajong Pinthumwe raq ngutlo. “Ngi raq ümra ranaiq wa kha pho wan tiikang, tsangshiq ka ise inoshaq miishe mija wan. Ngi raq tsangshiq ka, awe bomtaiti ase jamkho awe raq mangchan tlaq, ikhiishe mimangchan ha.

WEAWEA 11:15

Riita ümniiraq ngi ka akhli tlitkot chang jiika, ngi ara mangchan laüta, tiitsailaq atseali riibaiqlaq. Kra nguraü ka ümniiraq ngi atinkhan tiichamchao tlaü homa arka alaq she mirbaiqha. Ninwan ruq ka nin mang she miraq.”

WEAWEA 11:25

Kiijiishe Tatiwe ka phumda kaü mong na satkito. Raüta apaiq rai riibom damto. Raüta apaiq raq Mosheq ma akuq wenyi kiiwa wiijam lamto. Raüta kra welabi roqmiishi ma kuqto. Ümtiikiiwa wenyi ka tsangshiq khuthaq na saütaq, tsangshiq ka shammibi ikhiishe siitranghoto. Shatmaq akhing alu miitu ka riimak.

WEAWEA 14:19

Riita ümchaü min, Tatiwe lei, ngi raq achu jaütiikang, ümnaq lungwii tsantsii ümtiikiimin klai kimak phan rümtlaü kriimaq mra ka diikuqlaq. Ümniiraq tsangshiq ka Ejip mung maq wawan li miiphat, ümchaü niitaq saüli jamkho diikuq wan laü kiikha diikuqlaq.”

Luke 10:20

Riita, shotsai winji raq namshiq aming ka taitlo ngutiika, naq chochi rongkiq. Shatmaq, kra thaq na kao raüta, namshiq mang ka ramungtan niishe waiqthüto nguta kra miitu chochi ronglaq.”

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

Romans 9:3

Ara, riiweatsi arka, i phan i maq, i nok i ta miitu tsi tlo! Tsangshiq raq, Shiikeawe manson kra howan raüta, tsai rai wan rii na, ngi ara riiwe khoti, tsangshiq rii na Shiikeawe manson homa kra holata, tsai hajaq ahea riichang nguta tsantsi mongtsi maq sitiikang. Kiimaq Khristo wokhong mong wa, atiidong riibaiq raüjaq ahea riichang, nguta tiima siq tiikang. Arka tsangshiq miitu, i tsan tsi rai kha na ngutiikang.

TRI CHONGKE 25:19

Kra ningkhan, ümtiikiiwa Tatiwe üm Shiikeawe raq ümniima mung ka likuq wan raüta, ümniika ümjaqtinok ümtro na siti maiq mung thun maklii wa khusang rakhang miishe tiishong nga wan phaüla, tsan na atsi dada maq Amalakaiqnok phan ka miqchup tiisiirai jiipbaiq laq. Kra riihaütiq tsangshiq ka jurmin tsan na broriiki mak she miraq. Arka alaq baiq raamak!

TRI CHONGKE 29:20

Tatiwe raq akhnok maiqse mra ka diikuq mak miraq. Kiimaq Tatiwe tsankhiq walü ka apaiq khuthaq na minyai wan. Kiimaq ara lakdap na ümchu wa phiiptsi chang chamchao waiqtlaq thun ka apaiq khuthaq na misaü wan. Raüta apaiq ka chongthum ma mitiija baiq shaq wiiwii, kra walü ka nyairuq li mikhiim wan.

TRI CHONGKE 9:14

Ümniiraq ngi ka naq tiiwinkiq. Ngi raq tsangshiq ka jiip baiq lata chongthum tiijabaiq wan tiimatiikang. Krai mren tsangshiq ka maiqse raq jurmin tsan na tiitsang mak she miraq. Kra latiishe Ngi raq ümniika maiq mung ashi, tsangshiq thaq na maiq apa kiimaq tsangshiq thaq na ahong ala nok khuthaq na awe miishe mitiija wanha.’

Philippians 4:3

Kiimaq ngi rai kongshi maq jaqshamti we, kongti we lei, ümniiriimin la, ara nanyino nyungnai ara kiqram wan miitu, khrum kuq haü jaq ahea miraq. Tsangnai ka ngi rai, Tsütsa Ahea ara chongke jaqsham kra tiijong wan miitu, Klemen nai nanok phunobi ahinti kongtibi rai, reraüshi maq chap wan damti, kongti nyungnai jo. Ara chongtiikai, Shiikeawe jaqshamtibi mang ka, Shiikeawe raq atrati thun mang waiq chang, lakdam thü tlaq kiijaq asi.

Revelation 17:8

Kra ngamthaiq kaü ka man na atra riito. Shatmaq, ümchaü ka amaa she. Apaiq ka wulum mung wa saü wan nam nam she. Kra saüwa raüla, ngamkaü ka atsea she mirbaiq. Mangjong hiq na maiqse diim tlaq kiiwa, ümriiti mang wa atra lakdap na, ra nai hiq miphan sang wan shaq niiphü dongdii waiq thü hü, kriiti thun tarü raq, ara ngamthaiq kaü sham na lii raüta, kai awang mirwan. Kriika man na atra riito. Shatmaq, ümchaü ka atra riimak she. Shatmaq, ngamthaiq kaü ka thongshi ri hali atra misam wa nong.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.

Revelation 22:19

Kiimaq ashi ra raq, ara shammi bom chong lakdap mong wa, bomtsi poshi ra kra lambaiq raüla, Shiikeawe raq, ara lakdap na chong tlaq apaiq rii, rilung pechong tsi kiimaq Asii Chela mong wa achu shiiman kra alam mirbaiq.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.