DUNGWVNC 32:27 - ASII LAKDAP Bible (BSI)

²⁷ Kiimaq apaiq raq tsangshiq ma akha nguto, “Tatiwe Israilnok Shiikeawe raq namshiq tarü loweatek raq maiqmii nepja ka wirang ronglaq nguta aming kuqtlo. Lanta ara kilamchong armaq phaho lanta piitiip mong kiimaq konü siim piitiip kilamchong kiina saüli kironglaq. Lanta maiqmii phunainotiim ka, maiqmii kongtibi ka, kiimaq maiqmii jam thoti ka jiipbaiq ronglaq.”

Hawa Naga Bible 2001

²⁷ piq rueq tsuinghez muex ngoc, “Yehowa Israel Tishox rueq ngoc, nuimshiq miq pumz tek rueq yaung shuimx vtueq, jerak samx kox maq samx kox kvyuq httuiuc laz nuimshiq phuz vnox, kungjix kamz jix, yuimx phic yuimx phaungx wuinz htenc kuex thvt gay shuinz,” ngoz tueq jungx tueq.

DUNGWVNC 32:27 Referencias Cruzadas

2 HOKHVMX 10:25

Jehu raq honglu thun kra kuqlot raütiishe, apaiq raq kintsongti nai siihiipbi kriima, “Jammong na warong laq. Lanta tsangshiq ka wiita tsatbaiq ronglaq! Jumin naq tiiju rongkiq!” nguta thaüto. Kiimaq tsangshiq raq nepjasai doraq chhaq maq jam mong na nyaprang raüta, maiq ka wiita tsatbaiqto. Raüta maiqmaa phong ka kinphai na hitbaiqto. Kra raütiishe tsangshiq ka kra shomjam mong na asii khok mong niishe wato.

DUNGWVNC 32:26

Kra ningkhan she apaiq ka tsangshiqnok piitiip kilamchong na chapto. Raüta akha tiihong raüta riimto, “Juwa Tatiwe rai pongtibi loweatek ana warong ra!” Krai mren Lewinok thun ka kunli ka apaiq tro na riitamto.

DUNGWVNC 32:28

Kiimaq Lewinok raq aming ka taito. Raüta kra ranaiq na maiqwere kong hingtsam jiipbaiqto.

DUNGWVNC 32:29

Kiimaq Mosheq raq Lewinok ma nguto, “Ümchaü ranaiq namshiq raq maiqmii khum ka namsetiim kiimaq namphu namnotiim thun kra tsatbaiq lanta Tatiwe shiikumpan ramwebi jaqsham miitu kiinong kuqlan she. Kra ningkhan Tatiwe raq namshiq ma apaiq achu shiiman kuqto she.”

EJEKIEL 9:5

Kiimaq ngi raq Shiikeawe raq maiq ahinti thun kiima bom akha chongkuqto taikang. “Apaiq jai phan phan chela mong na kironglaq. Lanta maiqse thun ka jiipbaiq ronglaq. Jumin na tiichong rongkiq. Ju miimin tiihang mangchan tiichhike maimak.

WEAWEA 25:5

Krai mren Mosheq raq ajong alabi kiima thaüto, “Namshiq loweatek raq maiqmii phan wa jurwa Peor hiq wa Baal phra shomnoqti ma jakitiiti thun kra jiipbaiq ratlo.”

Luke 14:26

“Juwa i jaqshi ma jawan ro tlaq, kriiti raq ngi ka anyung nai awe, achak nai asetiim, aphu nai anotiim, ashea nyungtiim, kiimaq apaiq khum thaq niimin, ngi ka apa lungwii mak jiila, apaiq ka i jaqshise ma jawanlot mak.

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.

TRI CHONGKE 13:10

Apaiq ka long maq tiinamtok tiiqbaiq ronglaq! Apaiq raq ümniika Ejip mung na maiqdise kong asi han wa dokda wanti Tatiwe namshiq Shiikeawe wokhong mong wa lamjiq na kiholaq nguta tiishonho danto.

TRI CHONGKE 13:6

“Ümphu ümno shaq riilo, ümse maiqwe se riilo, riimak la ümse jechak se riilo, riimakla, ümchak ümtsan ümmong po paqchang riilo, riimakla, ümtsanwa we ümluwe shaq riilo, raq ahukse maq ümniima laihin sumla phra thun kra shomnoq i nguta, phra thun ümniiraq kiimaq namtitiim raq ümtiikiimin shomnoq mak thun kra shomnoq i nguta molao moraq miraq.