DUNGWVNC 32:19 - ASII LAKDAP Bible (BSI)

¹⁹ Ümtiikiiwa Mosheq ka piitiip tho na aje niishe saüho raüta liikiita kra saüla pongse sumla kra chhito. Kiimaq mungmaiqse ka kiijaq awiinum sea chhito. Kra chhi raüta apaiq ka pinthum amokdung dung she khiqto. Kiijaq pumji chong na apaiq raq pitlaq longpen wiinai ka hiq na riiwak baiqto. Raüta kra longpen wiinai ka tiibun baiqto.

Hawa Naga Bible 2001

¹⁹ Moshe kuex jerak hep kvyuq httuiuc wvnc koq tueq, mansuiux saz yac yuimx nuiyc miq htenc wvnuemz nvyx yaq kuex khiz vtueq, vthuinz khvy phuk tueq. Piq rueq vlvmz laq lungdvmx nueyc kuex kanx yaz kvyuq tuip gay koq tueq kvhtaq kvruk bunx kaz tueq.

DUNGWVNC 32:19 Referencias Cruzadas

2 SAMUEL 6:14

Dawit ka achhü na müsaisai raihi-nairai khea lamlam maq riijob sam raüta, aningkun wiita shoq raüta Tatiwe shreng pinthum chojong chise maq wiinum neato.

Tvtsvmc 119:53

Ümtiikiiwa ngi raq abi maiqse raq ümtri jin wan kra chhihala, itsankhiq ka hengtlo.

DUNGWVNC 15:20

Shammi nyung Miriam, Aron shea-nyung raq jaqsinpin kra tsunhit riito. Kiimaq jechakre thun wiita apaiq jai phan, jaqsin nong thun tsii raüta wiinum neato.

DUNGWVNC 32:11

Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?

DUNGWVNC 32:18

Mosheq raq treto, “Kriika rekhat tang raüta rüriiq trang ka riimak. Kiimaq rekhat tang mak raüta hoqsii trang min riimak. Kriika ashi ange trang trangtlo.”

DUNGWVNC 34:1

Tatiwe raq Mosheq ma nguto “Apha lak wa kiikha longpen anai hailaq. Raüla Ngi raq apha lak awaiqha bomtsi longpen wiinai ümniiraq tiibun baiq laü kra bomtsi hali miwaiq nongha.

JEREMIA 31:32

Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.

AJONJÜ 5:15

Naishiq rilung na khoqriiq shishiiq ka ahü she, wiinum shewa la na, aho ajü walishe sitlo.

JEKERIA 11:14

Kra latiishe, ngi raq nyeakii anai ngoja “Aram ari” ngutlaq kiiti kriishe ngoqbaiq kang. Krai mren, Juda nai Israil mungti liipan na aram ari hon atsii ka tiibunlak she thenkito.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Mark 10:14

Jesuq raq kra chhi raüta, tsangshiq ma akhiq riito. Kiimaq ajaqshisetiim ka akha sonto, “Nosere ka ana i phana tiiwa rong laq, naq tiiwin rongkiq. Ara nosere akha siti miitu, Shiikeawe Mungtan ka sitlo.

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

1 Corinthians 10:7

Tsangshiq phong wa maiq wiijamti raq sumla noq wantaq kiikha, nashiq riimin noq wan raa mak. Asii bomtsi na akha chongtlo, “Tsangshiq kra mungti ka adam na thung raüta, thatsang ngam phaq che nyang dungsea poi thungtii wanto. Kra thungtaq krai mren, ashe ashi hi awaq ikha, chechok tsampii nai sethoq sepii kiicham riinyat wanto.”

Ephesians 4:26

Maiqse ngojai na tsankhiq chang akhing ka misaü na. Shatmaq, tsankhiq tlo nguta ngarai naq tang rongkiq. Kiimaq ranaiq minru, tsankhiq shonli rashe ka naq tiicha baiq rongkiq.

TRI CHONGKE 10:2

Kiimaq Ngi raq kra longpen dam wiinai na ümniiraq kongkhu lak na tiibunbaiq laü longpen dam wiinai na awaiqha bomtsi kra hali miwaiq kuq nong kang. Kiimaq kra laütiishe ümniiraq kra wiinai ka tek mong niishe thülaq.’

TRI CHONGKE 27:26

“‘Jurwa Shiikeawe tri raütu thun tlotli kiimaq tsü chong bomtsi shrinkuqtaq thun tlotli lang mak, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen!’