DUNGWVNC 32:16 - ASII LAKDAP Bible (BSI)

¹⁶ Shiikeawe apaiq raq ajaq maq longpen wiinai ka soqto. Raüta aming thun ka kriithaq na khat waiqto.

Hawa Naga Bible 2001

¹⁶ Lungdvmx nueyc nuiyc lungdvmx htauk nuex wuiyq tueq tvrac htenc kuex Tishox yauk maq vtvhungx yauk mal rvtueq.

DUNGWVNC 32:16 Referencias Cruzadas

YOBA 19:24

Riimakla ibomtsi ka jintson maq longkaü na khat raüjaq ahea riichang kiimaq awaiq riithü raü jiika pattup siruq miraq.

DUNGWVNC 31:18

Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

DUNGWVNC 32:15

Raüta Mosheq ka pum maq longpen wiinai siimhap ri na aming thun waiqje kra pi raüta sat hoto.

DUNGWVNC 32:17

Kiimaq Joshua raq mungmaiqse rüriiq trang ka taito. Raüta Mosheq ma akha nguto, “Ngi raq piitiip na re riikhat riiriiq trang taitiikang.”

DUNGWVNC 34:1

Tatiwe raq Mosheq ma nguto “Apha lak wa kiikha longpen anai hailaq. Raüla Ngi raq apha lak awaiqha bomtsi longpen wiinai ümniiraq tiibun baiq laü kra bomtsi hali miwaiq nongha.

DUNGWVNC 34:4

Krai mren Mosheq raq longpen anai hali hai nongto. Kiimaq anap ranaiq na ranap chu maq apaiq raq kra longpen wiinai ka pi raüta Sinai Pum khuthaq na, Tatiwe raq aming tattaq kra phan phan wawanto.

2 Corinthians 3:3

Namshiq ka Jesuq Khristo raq awaiq lak, naishiq lümaq atiiho sitlan. Riita, ara lak arka laktai maq awaiq ka riimak. Shatmaq, atra Sitiwe Shiikeawe Asii Wenyi maq awaiq. Arka longdam thaq na awaiq ka riimak. Maiqse mongjii na awaiq.

2 Corinthians 3:7

Maiqse ma awaiq raüta akuq Thungtri ka longpen na waiq raüta kuqto. Kiimaq kra Thungtri kewan akhing ranaiq na, Shiikeawe ngao ka kai chhainyii liliimto. Mosheq theaphi kiimin kra ngao chhainyii raq pinthum chhairai wanto. Kra chhainyii raitaq kriika alose miituli chhaito. Li jiimin, Israilnok raq, Mosheq theaphi na tiqtiq ka liikham mak riito. Shiikeawe khushü ngao ngutlaq kriika, maiqse ma atsai kilü diketi Thungtri kewan akhing ranaiq na santla, kiitinkhan heng chhainyii liliim wantaq. Ikhiijiika, Asii Wenyi riishe jaqsham tlaq akhing ranaiq niika, Shiikeawe khushü ngao chhainyii liliim kriika nashiq nü maq achong lot mai she sitlo!

TRI CHONGKE 10:1

“Kiijiishe Tatiwe raq ngi ma nguto, ‘Kongkhu lak wa Ikha longpen dam anai hailaq. Kiimaq kra thüchang pe tek ashi hailaq. Laüta ümniika Ngi phana pum na wara.

TRI CHONGKE 9:15

“Krai mren she, ngi ka tiido lata kra pumjichong niishe sathokang, i phaq na tongshong bomtsi awaiq longpen dam wiinai kra piho lata satho kang. Kra pum na walütu kaü ka anyai rai riito.

Hebrews 8:10

Riita ija, ümchaü sanha, Ngi raq rawiichii ji na Israilnok ka, I tongshong anye miishe mitiiham nong ha. Arka, Ngi Tatiwe raq chongtiikang. Ngi raq I thungtri raütu thun ka, tsangshiq khutsai na mithii kuq ha, Kiimaq tsangshiq tsan mong na miwaiq kuq ha. Lata, Ngi ka tsangshiq Shiikeawe ma mija ha. Kiimaq tsangshiq ka I sengi ma mija.