DUNGWVNC 32:14 - ASII LAKDAP Bible (BSI)

¹⁴ Krai mren Tatiwe raq apaiq tiima tsantsii ka klaito. Kiimaq apaiq raq asenginok khuthaq na phiiptsi chang mitiithen baiqha nguta tiiphiip bomtaq kriika tiisaü mak riito.

Hawa Naga Bible 2001

¹⁴ Kvkhoc rvtueq Yehowa rueq piq miq htenc htauk nuex kuilc daz tvhttuiuc muq tvkoc vthuinz wek yek vtueq, tvhiz sungx muq shex.

DUNGWVNC 32:14 Referencias Cruzadas

RAPHA HIQWA LAK 6:6

Kra chhiraüta apaiq ka maiqse ka jaramli wa phansang kang kiimaq hiqraikhü na jaram li wa tiisikang nguta kai atsan bito. Apaiq ka kai tiishudaqto.

2 SAMUEL 24:16

Tatiwe rase raq Jerusalem chelati ka ashthen baiq she angu wa, Tatiwe raq mungmaiqse tseabaiq wan tiima kra aklai riito, Kra ningkhan apaiq raq tsangshiq tseabaiqti rase kiima, “Tsaqlaq! Hongto she!” nguta chongto. Rase ka Jebusaiq phan maiqwe Arauna tsambuk chang ba niishe riito.

1 KAÜWA WERAÜ 21:15

Raüta apaiq raq Jerusalem tiithen baiqkai rase tiikito. Shatmaq apaiq raq atsan tsii ka aklai riito. Raüta apaiq raq rase ma nguto, “Shiikhing laq! Hongto she!” Rase ka Jebusaiqnok phan Arauna wak na tsam khaolüm nichang phong tho na chap raü riito.

Tvtsvmc 106:23

Ümtiikiiwa Shiikeawe raq asenginok mijiipbaiqha nguta chongtaq, apaiq raq atsea raüta ashong ajaqshi se Mosheq raq Shiikeawe ka tiiwinhoto, raüta tsangshiq shiithenbaiq chang atsankhiq ka tiishibaiqto.

Tvtsvmc 106:45

Tsangshiq tiiwong ma atongshong bomtsi tiimato, kiimaq alungwii tsii jonghea kha maq atsankhiq atiishi riiwanto.

DUNGWVNC 33:13

Ikhla, ümchaü ümniiraq jamkho thapthi tlaü kra ngi ma chongkuqlaq. Kra ngu raütiq ngi raq ümjaq ka aheawiq misham kuqlotha kiimaq ümniiraq lungwii tlaü kra jaq ka misham kuq lotha. Tsan na tiitsang shat riilaq, armung arka ümsenginok miitu ümniiraq tseatsiiq wan laü.”

JEREMIA 18:8

shatmaq kra mungti ka tsangshiq raq abi klotlaq kra thaqbaiq raüla, Ngi raq tsangmung ka mitiithenbaiqha anguha kriiwa, tiithenbaiq mang she mirha.

JEREMIA 26:13

Namshiq chap nai nga kra klai raa dongdii. Kiimaq namshiq raq jamlai wa ashut klotlan kriika klai raa dongdii. Lanta namshiq Tatiwe namshiq Shiikeawe aming ka lang ratlo. Namshiq raq kra riihanla, apaiq raq atsan na namshiq ka mitiithenbaiqha nguta tiimatlaq kra aklai mirbaiq.

JEREMIA 26:19

Hokhamwe Hejekia raq nai Juda mungti mungmaiqse raq Mika ka tsat baiq mak dea riito. Kra rii na, Hejekia raq Tatiwe ka shrengto. Kiimaq apaiq tsan tiihea raüta khrum lap wan miitu khoti shiikut wanto. Kiimaq Tatiwe raq atsantsii ka klaito. Raüta apaiq raq tsangshiq khuthaq na chamchao sangrai mitiisaüha angu wiika tiisaü mak dea riito. Riita ümchaü nashiq ka nashiq maiqmii khuthaq na pinthum phiiptsi chang chamchao tiisaü wan dan tiikai ahata.”

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

AMO LUIK DVP (AMOS) 7:3

Kiijiishe Tatiwe apaiq tiima aklai she riito. Raüta Tatiwe raq, “Ara thawa ka tiisaü wan mang,” nguta chongto.

AMO LUIK DVP (AMOS) 7:6

Kiijiishe Tatiwe tiima ka aklai she riito. Raüta Tatiwe raq, “Ikhla ara thawa armin tiisaü mang,” nguta chongto.

Jona 3:10

Shiikeawe raq tsangshiq jaqsham ka chhito. Apaiq raq tsangshiq ngarai hon atsii mra tiidii wantaq kra chhiraüta san, apaiq raq kongkhu ji maq, tsangshiq ka ashthen mea nguta tiimataq kra, aklai she riito. Tsatmak she.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

WEAWEA 14:20

Kiijiishe Tatiwe raq treto, “Ümniiraq jamkho jaülaü kra phan phan Ngi raq tsangshiq mra ka midii kuqha.

TRI CHONGKE 10:10

“Ngi ka kongkhu lak na siwakang kiikha pum na raroqblai ranaiq rawa siwa kang. Kiimaq Tatiwe raq thongshi ri hali ngi achu jaü ka treto. Raüta namshiq ka miqchup jiip baiq mang nguta kiq ka rito.

TRI CHONGKE 32:26

Ngi raq tsangshiq ka miqchup tiithenbaiqha chang wa, jurmin tsangshiq ka tsan na tiitsang mak she mirwa.

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.