DUNGWVNC 31:13 - ASII LAKDAP Bible (BSI)

¹³ Israilnok ma akha chongkuqlaq nguta aming kuqto, “Asii Niitiitsak Ranaiq ka lang ronglaq. Arka Ngi niitiitsak ranaiq. Jamkhano ngukla namshiq nai Ngi liipan na pattup pat-sa miitu, Ngi, Tatiwe raq namshiq ka isenginok ma tiija wan kang nguta jaqkhaq raüpa saqse ka ara miraq.

Hawa Naga Bible 2001

¹³ jungc kuy tvkoc Moshe muex, “Vguilc Raungnuiyq ngoz yaq ngvy nyec tvkuiyq raungnuiyq kuex phvnx shuiuz, yvmx khoc lac ngoz ruiux lec kvruex kuex nuimshiq nuiyc ngvy hvlwvl nuex patshiz maq patshiz hakhix yaungx vtueq, Ngaz Yehowa rueq nuimshiq kuex ngvy miqsaz muex tvyaungc phaungx kuex tvkhic tvkoc muinz rvtueq.

DUNGWVNC 31:13 Referencias Cruzadas

NEHEMIA 9:14

Asii Niitiitsak Ranaiq ranaiq ka asii maq, lang ronglaq nguta, tsangshiq ma, ümniiraq shrinkuq wan laü. Kiimaq ümluqkhapse Mosheq lümaq, tsangshiq ma ümtri raü, khakuq wan laü.

DUNGWVNC 31:12

Tatiwe raq Mosheq ma,

DUNGWVNC 31:17

Arka Israilnok nai Ngi liipan na pattup pat-sa miitu jaqkhaq raüpa saqse. Jamkhano ngukla Ngi, Tatiwe raq ra nai hiq ka ratrok ranaiq na saüli phansang wan kang. Lata ramiishi ranaiq na Ngi ka minshiiq kimang niitiitsak ahai riikang.”

ISAIA 56:2

Ngi raq Niitiitsak ranaiq ka akhingtek na tri riikhaqli maq lang wanti, kra ranaiq ka tiisheshi makti ma achu mishman kuqha. Jurwa ashut klo makti ka Ngi raq achu mishman kuqha.”

JEREMIA 17:22

Riimakla, tsangshiq maiqmii jam wa Asii Niitiitsak Ranaiq na chiiphai na hupsam hoho maimak. Kiimaq tsangshiq raq Asii Niitiitsak Ranaiq na jaqsham kai maimak. Ngi raq tsangtitiim ma aming kuqkang kra phan phan ara ranaiq ka asii ranaiq nguta lang ratlo.

EJEKIEL 20:12

Ngi raq Asii Niitiitsak Ranaiq langwan ka Ngi nai tsangshiq liipan na tongshong raütu miithii kuqkang. Kriika Ngi, Tatiwe riidea tsangshiq ka asii maiqsetiim ma tiijatiikang nguta atiitsang bomtsi.

EJEKIEL 20:20

Asii Niitiitsak Ranaiq ka asii hai ranaiq ma tiija ronglaq. Krai mren, arka nashiq liipan na tongshong wan kai kra miithii ma mija. Kiimaq Ngi ardea namshiq Tatiwe namshiq Shiikeawe nguta tsan na tiitsangshat maq miraq.

EJEKIEL 37:28

Ümtiikiiwa Ngi raq I Shomjam ka tsangshiq rai adam niishe pattup pat-sa miitushe tei wan tiikang, kiijiishetiq, mangjong hiq na maiq mung thun raq, Ngi, Tatiwe riidea Israilnok ka isenginok miitu tsea wan kang ngutiishe misap wan.”

EJEKIEL 44:24

Ümtiikiiwa maiqse liipan na khü akha dongkitlaq, ramwebi raq kha ka i thungtri maq kha ka riikhaqli phoke ratlo. Tsangshiq raq Shiikeawe raq akuq kuk amei, poi awii thun ka, Ngi raq akuqha thung nai lai kra phan phan lang wan ratlo. Kiimaq tsangshiq raq Asii Niitiitsak Ranaiq ka asii maq lang ratlo.

LEWI 19:3

Namshiq loweatek raq anyung nai awe ka shreng raa dongdii. Kiimaq Asii Niitiitsak Ranaiq ka Ngi raq namshiq ma aming kuq kang kra phan phan lang wan ratlo. Ngi ka Tatiwe namshiq Shiikeawe.

LEWI 19:30

Asii Niitiitsak Ranaiq ka lang ronglaq. Kiimaq Ngi shomnoq chang ba kra shreng ronglaq. Ngi ka Tatiwe.

LEWI 20:8

Ngi raq akuqha thungtri raütu kra lang ronglaq. Jamkhano ngukla Ngi ka Tatiwe kiimaq Ngi raq namshiq ka asii she tiija kang.”

LEWI 21:8

Nokwe raq ramwe ka asii nguta lang raa dongdii. Jamkhano ngukla apaiq raq Ngi ma phaqsea-honglu thun kuqtlo. Ngi ka Tatiwe. Ngi ka asii kiimaq Ngi raq isenginok ka asii maiqse tiija tiikang.

LEWI 23:3

Namshiq raq minshiiq miitu ka ratrok asi. Shatmaq ramiishi ranaiq ka tsan na tiitsang ronglaq. Kriika Asii Niitiitsak Ranaiq. Kra ranaiq ka niitiitsak ranaiq. Kra ranaiq jaq naqsham rongkiq. Shatmaq noqku na riitam lanta shomnoq ronglaq. Asii Niitiitsak Ranaiq ka Tatiwe rii. Namshiq ka ümriiba na sihan jiimin, arka Tatiwe rii.

LEWI 25:2

Israilnok ma arthun thungtri raütu ara kuqlaq nguta. Ümtiikiiwa namshiq ka Tatiwe raq namshiq ma kuqtlaq mung kiina saü wantlan, wiimiishi rawiitek angu na wak ka jaq shamseahü maq thülanta Tatiwe ka shreng ronglaq.

LEWI 26:2

Ngi shomnoq poi thun kra lang ronglaq. Kiimaq Ngi shomnoq chang hiq ba kra shreng lanta thüronglaq. Ngi ka Tatiwe.

AMO LUIK DVP (AMOS) 8:5

“Jinye Poi pii ara jaqlo chawan tlo haü jaq, nashiq raq tü tsam arka shata hai chang wa. Asiihai Ranaiq ara jaqlo chawan tlo raüjaq ahea riichang, bunwong thun kra shaphaq wan tlo haichang wa. Tok ka ajiq aphiq kriimaq shalailaita, bunwong riti kra amobphaq wan haichang wa, laita bunwong ka ajom shatmaq athii ka atsin linlin maq shaphaq wan hai changwa

Matthew 23:17

Makchuk anginok le! Ümriiti wa akhek, reng hupsam nguta siwan tlaq kra. Chaq tiisiiti Shomjam sitlaq kra sha reng, sha chaq kriiwa reng?

John 17:17

Tsangshiq ka tengteng bomtsi phumram kham maq tiisii bat kuq laüta, ümwokhong na asii wiq maq rümkom laq. Ümbomtsi ka tengteng.

John 17:19

Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.

TRI CHONGKE 5:12

“‘Asii Niitiitsak Ranaiq ka langlaq. Kiimaq asii thülaq. Ngi Tatiwe üm Shiikeawe raq aming kuqkang kra phan phan thülaq.

1 Thessalonians 5:23

Riita, nashiq ka khusang maq rüm wanti Shiikeawe raq, namshiq ka apaiq phumram kham maq batshat raüta, namshiq ka phanrap na asii arai, kiimaq namshiq khum ka, wiipumtam maq, namshiq wenyi ka, namshiq tsaiji ka, kiimaq namshiq han-ngam khum ka, Tati Jesuq Khristo saükai akhing ranaiq na saü li, ashe ashi miphan jam min ahü maq, siirai raihea maq mirümkom wan laq nguta, achu jaü tiikang.

Jude 1:1

Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang: